AtthaPali Vol.50

105. 3. Uppalahatthiyattherapadanavannana tivarayam nivasihantiadikam ayasmato uppalahatthiyattherassa apadanam. Ayampi purimajinavaresu katakusalo tattha tattha bhave vivattupanissayani punnani upacinanto siddhatthassa bhagavato kale malakarakule nibbatto vuddhimanvaya Malakarakammena anekani pupphani vikkinanto jivati. Athekadivasam pupphani gahetva caranto bhagavantam ratanagghikamiva caramanam ^1- disva rattuppalakalapena pujesi. So tato cuto teneva punnena sugatisu punnamanubhavitva imasmim buddhuppade kulagehe nibbatto vuddhimanvaya saddhajato pabbajitva nacirasseva araha ahosi. [13] So aparabhage attano pubbakammam saritva somanassajato pubbacaritapadanam pakasento tivarayam nivasihantiadimaha. Tattha tivarati tihi varehi karitam sancaritam paticchannam nagaram, tassam tivarayam nivasi, vasanasilo nivasanatthanagehe va vasanto ahanti attho. Ahosim maliko tadati tada nibbanatthaya punnasambharakaranasamaye maliko malakarova pupphani kayavikkayam katva jivanto ahosinti attho. [14] Pupphahatthamadasahanti ^2- siddhattham bhagavantam disva uppalakalapam adasim pujesinti attho. Sesam sabbattha uttanatthamevati. Uppalahatthiyattherapadanavannana nitthita. -------------

The Pali Atthakatha in Roman Book 50 page 147-148. http://84000.org/tipitaka/atthapali/read_rm.php?B=50&A=3197&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=3197&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=105 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=3332 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=4117 The Pali Tipitaka in Roman Character :- http://84000.org/tipitaka/read/roman_read.php?B=32&A=4117 Contents of The Tipitaka Volume 32 http://84000.org/tipitaka/read/?index_32