บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
121. 9. Paccupatthanasannakattherapadanavannana atthadassimhi sugatetiadikam ayasmato paccupatthanasannakattherassa apadanam. Ayampi purimabuddhesu katadhikaro tattha tattha bhave vivattupanissayani punnani upacinanto atthadassissa bhagavato kale yakkhayoniyam nibbatto bhagavati dharamane dassanassa aladdhatta paccha parinibbute mahasokappatto vihasi. Tada hissa bhagavato savako nama aggasavako anusasanto bhagavato saririkadhatupuja bhagavati Dharamane katapuja viya cittappasadavasa mahapphalam bhavatiti vatva "thupam karohi"ti niyojito thupam karesi, tam pujetva tato cuto devamanussesu sakkacakkavatti- sampattimanubhavitva imasmim buddhuppade savatthiyam ekasmim kulagehe nibbatto vinnutam patto satthari pasiditva pabbajito nacirasseva araha ahosi. [72] So aparabhage attano punnakammam saritva somanassajato pubbacaritapadanam pakasento atthadassimhi sugatetiadimaha. Tam hettha vuttameva. Yakkhayonim upapajjinti ettha pana attano sakasam sampattasampatte khadanta yanti gacchantiti yakkha, yakkhanam yoni jatiti yakkhayoni, yakkhayoniyam nibbattoti attho. [73] Dulladdham vata me asiti me maya laddhayasam dulladdham, buddhabhutassa satthuno sakkaram akatatta viradhetva laddhanti attho. Duppabhatanti dutthu pabhatam rattiya pabhatakaranam, mayham na sutthum pabhatanti 1- attho durutthitanti du utthitam, suriyassa uggamanam mayham duuggamananti attho. Sesam sabbattha uttanamevati. Paccupatthanasannakattherapadanavannana nitthita. -----------------The Pali Atthakatha in Roman Book 50 page 162-163. http://84000.org/tipitaka/atthapali/read_rm.php?B=50&A=3526&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=3526&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=121 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=3626 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=4449 The Pali Tipitaka in Roman Character :- http://84000.org/tipitaka/read/roman_read.php?B=32&A=4449 Contents of The Tipitaka Volume 32 http://84000.org/tipitaka/read/?index_32
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]