AtthaPali Vol.50

18. 6. Rahulattherapadanavannana padumuttarassa bhagavatotiadikam ayasmato rahulattherassa apadanam. Ayampi ayasma purimajinavaresu katadhikaro tattha tattha bhave vivattupanissayani punnani upacinanto padumuttarassa bhagavato kale kulagehe nibbatto vinnutam patva satthu dhammadesanam sunanto sattharam ekam bhikkhum sikkhakamanam aggatthane thapentam disva sayampi tam thanantaram patthento senasanavisodhanavijjotanadikam ularam punnam katva panidhanam akasi. So tato cavitva devamanussesu samsaranto ubhayasampattiyo anubhavitva imasmim buddhuppade amhakam bodhisattam paticca yasodharaya deviya kucchimhi nibbattitva rahuloti laddhanamo mahata khattiyaparivarena vaddhi. Tassa pabbajjavidhanam khandhake ^1- agatameva. So pabbajitva satthu santike anekehi suttapadehi suladdhovado paripakkanano @Footnote: ¹ vi.maha. 4/105/119. Vipassanam ussukkapetva arahattam papuni. Araha pana hutva attano patipattim paccavekkhitva annam byakaronto:- "ubhayeneva sampanno rahulabhaddoti mam vidu yancamhi putto buddhassa yanca dhammesu cakkhuma. Yanca me asava khina yanca natthi punabbhavo araha dakkhineyyomhi tevijjo amataddaso. Kamandha jalasacchanna ^1- tanhachadanachadita pamattabandhuna bandha macchava kumina mukhe. Tam kamam ahamujjhitva chetva marassa bandhanam samulam tanham abbuyha ^2- sitibhutosmi nibbuto"ti ^3- catasso gatha abhasi. Tattha ubhayeneva sampannoti jatisampada patipattisampadati ubhayasampattiyapi sampanno samannagato. Rahulabhaddoti mam viduti "rahulabhaddo"ti mam sabrahmacarino sanjananti. Tassa hi jatasasanam sutva bodhisattena "rahu jato, bandhanam jatan"ti vuttavacanam upadaya suddhodanamaharaja "rahulo"ti namam ganhi. Tattha adito pitara vuttapariyayameva gahetva aha "rahulabhaddoti mam vidu"ti. Bhaddoti pasamsavacanameva. Aparabhage sattha tam sikkhakamabhavena aggatthane thapesi "etadaggam bhikkhave mama savakanam bhikkhunam sikkhakamanam yadidam rahulo"ti. ^4- [68] Evam so pattaetadaggatthano attano pubbakammam saritva somanassajato pubbacaritapadanam pakasento padumuttarassa bhagavatotiadimaha. @Footnote: ¹ cha.Ma. jalapacchanna, khu.u. 25/64/206. ² cha.Ma. tanhamabbuyaha. @³ khu.thera. 26/295-8/317. ⁴ an.ekaka. 20/209/24. Sattabhumimhi pasadeti pasadam somanassam janetiti pasado. Uparupari thita satta bhumiyo yasmim pasade soyam sattabhumi, tasmim sattabhumimhi pasade, adasam santharim ahanti adasatalam nipphadetva lokajetthassa bhagavato tadino aham santharam adasim, santharitva pujesinti attho. [69] Khinasavasahassehiti arahantasahassehi parikinno parivuto. Dvipadindo ^1- dvipadanam indo sami narasabho mahamuni gandhakutim tehi saha upagami pavisiti attho. [70] Virocento ^2- gandhakutinti tam gandhakutim sobhayamano devanam devo devadevo naranam asabho narasabho jettho sattha bhikkhusamghamajjhe nisiditva ima byakaranagathayo abhasatha kathesiti sambandho. [71] Yenayam jotita seyyati yena upasakena ayam pasadasankhata seyya jotita pabhasita pajjalita. Adasova kamsalohamayam adasatalam iva sutthu samam katva santhata. Tam upasakam kittayissami pakatam karissamiti attho. Sesam suvinneyyameva. [81] Atthanametam yam taditi yam yena karanena tadi itthanitthesu akampiyasabhavatta tadi agare gharavase ratim allinabhavam ajjhaga papuni, etam karanam atthanam akarananti attho. [82] Nikkhamitva agarasmati ^3- gharavasato nikkhamitva tam tinadalamiva pariccajitva subbato susikkhito pabbajissati. Rahulo nama namenati suddhodanamaharajena pesitam kumarassa jatasasanam sutva pitara siddhatthena @Footnote: ¹ pali. dipadindo. ² pali. virocayam. ³ pali. agaramha. "rahu jato, bandhanam jatan"ti vuttanamatta rahulo namati attho. "yatha candasuriyanam vimanapabhaya kilitthakaranena rahu asurindo upeti gacchati, evamevayam mama abhinikkhamanapabbajjadinam antarayam karontoriva jato"ti adhippayena "rahu jatoti aha"ti datthabbam. Araha so bhavissatiti so tadiso upanissayasampanno vipassanayam yuttappayutto araha khinasavo bhavissatiti attho. [83] Kikiva andam rakkheyyati andam bijam rakkhamana kiki sakuni iva appamatto silam rakkheyya, camari viya ^1- valadhinti valam rakkhamana kandakesu vale laggante bhindanabhayena ^2- anakaddhitva maramana camari viya jivitampi pariccajitva silam abhinditva rakkheyya. Nipako silasampannoti nepakkam vuccati panna, tena nepakkena samannagato nipako khandachaddadibhavam apapetva rakkhanato silasampanno bhavissatiti evam so bhagava byakaranamakasi. So evam pattaarahattaphalo ekadivasam vivekatthane nisinno somanassavasena evam rakkhim ^3- mahamunitiadimaha. Tam suvinneyyamevati. Rahulattherapadanavannana nitthita. ----------------

The Pali Atthakatha in Roman Book 50 page 17-20. http://84000.org/tipitaka/atthapali/read_rm.php?B=50&A=364&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=364&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=18 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=1347 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=1776 The Pali Tipitaka in Roman Character :- http://84000.org/tipitaka/read/roman_read.php?B=32&A=1776 Contents of The Tipitaka Volume 32 http://84000.org/tipitaka/read/?index_32