AtthaPali Vol.50

128. 6. Kusumasaniyattherapadanavannana nagare dhannavatiyatiadikam ayasmato kusumasaniyattherassa apadanam. Ayampi purimajinavaresu katadhikaro tattha tattha bhave vivattupanissayani punnani upacinanto vipassissa bhagavato kale brahmanakule nibbatto vinnutam patto mahaddhano mahabhogo tinnam vedanam param gato brahmanasippesu kotippatto sakaparasamayakusalo matapitaro pujetukamo panca uppalakalape attano samipe thapetva nisinno bhikkhusamghaparivutam vipassim bhagavantam agacchantam disva nilapitadighanabuddharasmiyo ca disva pasannamanaso asanam pannapetva tattha tani pupphani santharitva bhagavantam tattha nisidapetva sakaghare matu atthaya patiyattani sabbani khadaniyabhojaniyani gahetva saparivaram bhagavantam sahatthena santappento bhojesi. Bhojanavasane ekam uppalahattham adasi. Tena somanassajato patthanam akasi. Bhagavapi anumodanam katva pakkami. So tena punnena devamanussesu dve sampattiyo anubhavitva imasmim buddhuppade savatthiyam vibhavasampanne ekasmim kule nibbatto vinnutam patto bhogayasehi vaddhito kamesu adinavam disva gharavasam pahaya pabbajito nacirasseva araha ahosi. [65] So aparabhage pubbe katakusalam pubbenivasananena saritva somanassajato ^1- pubbacaritapadanam pakasento nagare dhannavatiyatiadimaha. Dhannanam punnavantanam khattiyabrahmanagahapatimahasalanam anekesam kulanam akaratta dhannavati, atha va muttamaniadisattaratananam sattavidhadhannanam upabhogaparibhoganam akaratta dhannavati, atha va dhannanam @Footnote: ¹ cha.Ma. somanassappatto. Buddhapaccekabuddhakhinasavanam vasanatthanam aramaviharadinam akaratta dhannavati, tassa dhannavatiya. Nagaranti patthenti ettha upabhogaparibhogatthika janati nagaram, na gacchatiti va nagam, rajayuvarajamahamattadinam vasanatthanam. Nagam rati adadati ganhatiti nagaram, rajadinam vasanatthanasamuhabhutam pakaraparikhadihi parikkhittam paricchinnatthanam nagaram namati attho. Tasmim nagare yada aham vipassissa bhagavato santike byakaranam alabhim, tada tasmim dhannavatiya nagare brahmano ahosinti sambandho. Sesam sabbattha uttanamevati. Kusumasaniyattherapadanavannana nitthita. -----------

The Pali Atthakatha in Roman Book 50 page 170-171. http://84000.org/tipitaka/atthapali/read_rm.php?B=50&A=3683&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=3683&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=128 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=3811 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=4661 The Pali Tipitaka in Roman Character :- http://84000.org/tipitaka/read/roman_read.php?B=32&A=4661 Contents of The Tipitaka Volume 32 http://84000.org/tipitaka/read/?index_32