AtthaPali Vol.50

130. 8. Ñāṇasaññikattherāpadānavaṇṇanā pabbate himavantamhītiādikaṃ āyasmato ñāṇasaññikattherassa apadānaṃ. Ayampi purimabuddhesu katādhikāro ^1- tattha tattha ^1- uppannuppanne bhave vivaṭṭūpanissayāni puññāni upacinanto vipassissa bhagavato kāle kulagehe nibbatto vuddhippatto gharāvāsaṃ pahāya tāpasapabbajjaṃ pabbajitvā himavantassa avidūre pabbatantare paṇṇasālaṃ kāretvā pañcābhiññāaṭṭhasamāpattiyo nibbattetvā vasanto ekadivasaṃ parisuddhaṃ paṇḍaraṃ pulinatalaṃ disvā "īdisā parisuddhā buddhā, īdisaṃva parisuddhaṃ buddhañāṇan"ti buddhañca tassa ñāṇañca anussari thomesi ca. @Footnote: ^1-1 cha.Ma. tasmiṃ tasmiṃ.

--------------------------------------------------------------------------------------------- page173.

[84] So tena puññena devamanussesu saṃsaranto ubhayasampattiyo anubhavitvā imasmiṃ buddhuppāde ekasmiṃ kulagehe nibbatto viññutaṃ patto ^1- sāsane pabbajitvā nacirasseva arahattaṃ patto pubbe katapuññaṃ anussaritvā somanassajāto pubbacaritāpadānaṃ pakāsento "pabbate himavantamhītiādimāha. Pulinaṃ sobhaṇaṃ disvāti paripuṇṇakataṃ viya pulākārena parisodhitākārena pavattaṃ ṭhitanti pulinaṃ, sobhaṇaṃ vālukaṃ disvā seṭṭhaṃ buddhaṃ anussarinti atatho. Sesaṃ suviññeyyamevāti. Ñāṇasaññikattherāpadānavaṇṇanā niṭṭhitā. --------------

The Pali Atthakatha in Roman Book 50 page 172-173. http://84000.org/tipitaka/atthapali/read_rm.php?B=50&A=3740&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=3740&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=32&i=130 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=3850 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=4707 The Pali Tipitaka in Roman Character :- http://84000.org/tipitaka/read/roman_read.php?B=32&A=4707 Contents of The Tipitaka Volume 32 http://84000.org/tipitaka/read/?index_32