AtthaPali Vol.50

138. 6. Campakapupphiyattherapadanavannana kanikaramva jotantantiadikam ayasmato campakapupphiyattherassa apadanam. Ayampi purimabuddhesu katadhikaro tattha tattha bhave vivattupanissayani punnani upacinanto vessabhussa bhagavato kale brahmanakule nibbatto vuddhippatto sakasippesu nipphattim patva tattha saram apassanto gharavasam pahaya tapasapabbajjam pabbajitva vanantare vasanto vessabhum bhagavantam uddissa sissehi campakapupphehi pujesi. Bhagava anumodanam akasi. So teneva kusalena devamanussesu samsaranto ubhayasampattiyo anubhavitva imasmim buddhuppade kulagehe nibbatto vinnutam papunitva pubbavasanabalena gharavase anallino pabbajitva nacirasseva araha ahosi. [41] So aparabhage attano pubbapunnakammam saritva somanassajato pubbacaritapadanam pakasento kanikaramva jotantantiadimaha. Tattha kanikaranti sakalapattapalasani paribhajja patetva pupphagahanasamaye kannikabaddho hutva pupphamakulanam gahanato kannikakarena pakatoti kanikaro, "kannikaro"ti vattabbe niruttinayena ekassa pubbanakarassa lopam katva "kanikaran"ti vuttanti datthabbam. Tam pupphitam kanikararukkham iva jotantam buddham addasanti attho. Sesam uttanatthamevati. Campakapupphiyattherapadanavannana nitthita. ------------

The Pali Atthakatha in Roman Book 50 page 180-181. http://84000.org/tipitaka/atthapali/read_rm.php?B=50&A=3906&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=3906&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=138 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=4009 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=4884 The Pali Tipitaka in Roman Character :- http://84000.org/tipitaka/read/roman_read.php?B=32&A=4884 Contents of The Tipitaka Volume 32 http://84000.org/tipitaka/read/?index_32