AtthaPali Vol.50

15. Chattavagga 143. 1. Atichattiyattherapadanavannana ^1- parinibbute bhagavatitiadikam ayasmato atichattiyattherassa apadanam. Ayampi purimabuddhesu katadhikaro tattha tattha bhave vivattupanissayani punnani upacinanto atthadassissa bhagavato kale ekasmim kulagehe nibbatto dharamanassa bhagavato aditthatta parinibbutakale "aho mama parihani"ti cintetva "mama jatim saphalam karissami"ti katasannitthano chattadhichattam karetva tassa bhagavato sariradhatum nihitadhatugabbham pujesi. Aparabhage pupphacchattam karetva tameva dhatugabbham pujesi. So teneva punnena devamanussesu samsaranto ubhayasampattiyo anubhavitva imasmim buddhuppade gahapatikule nibbatto vinnutam patto satthari pasanno pabbajitva kammatthanam gahetva vayamanto nacirasseva arahattam papuni. [1] So attano pubbakammam saritva somanassajato pubbacaritapadanam pakasento parinibbute bhagavatitiadimaha. Tattha chattatichattanti chadiyati samvariyati atapadinti chattam, chattassa atichattam chattassa uparikatachattam chattatichattam, chattassa uparupari chattanti attho. Thupamhi abhiropayinti thupiyati rasikariyatiti thupo, atha va thupati thirabhavena vuddhim virulhim vepullam apajjamano patitthatiti thupo, tasmim thupamhi maya karitam chattam uparupari thapanavasena abhivisesena aropayim pujesinti attho. [2] Pupphacchadanam katvanati vikasitehi sugandhehi anekehi pupphehi chadanam chattupari vitanam katva pujesinti attho. Sesam sabbattha uttanatthamevati. Atichattiyattherapadanavannana nitthita. ------------- @Footnote: ¹ pali. adhichattiYu...

The Pali Atthakatha in Roman Book 50 page 185. http://84000.org/tipitaka/atthapali/read_rm.php?B=50&A=4002&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=4002&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=143 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=4096 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=4983 The Pali Tipitaka in Roman Character :- http://84000.org/tipitaka/read/roman_read.php?B=32&A=4983 Contents of The Tipitaka Volume 32 http://84000.org/tipitaka/read/?index_32