บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
155. 3. Vithisammajjakattherapadanavannana udentam sataramsimvatiadikam ayasmato vithisammajjakattherassa apadanam. Ayampi purimabuddhesu katadhikaro anekesu jatisatesu katapunnasancayo sikhissa bhagavato kale kulagehe nibbatto gharavasam vasanto nagaravasihi saddhim vithim sajjetva niyamanam bhagavantam disva pasannamanaso vithim samam katva dhajam tattha ussapesi. [15] So teneva punnena devamanussesu samsaranto ubhayasampattiyo anubhavitva imasmim buddhuppade ekasmim kule nibbatto vinnutam patva satthu dhammadesanam sutva patiladdhasaddho bahumanahadayo pabbajitva laddhupasampado nacirasseva araha hutva attano pubbakammam anussaranto paccakkhato janitva pubbacaritapadanam pakasento udentam sataramsimvatiadimaha. Tattha udentam uggacchantam sataramsim satapabham. Sataramsiti desanasisamattam, anekasatasahassapabham suriyam ivati attho. Pitaramsimva bhanumanti pitaramsim sankucitapabham bhanumam pabhavantam candamandalam iva sambuddham disvati attho. Sesam suvinneyyamevati. Vithisammajjakattherapadanavannana nitthita. --------------The Pali Atthakatha in Roman Book 50 page 197. http://84000.org/tipitaka/atthapali/read_rm.php?B=50&A=4270&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=4270&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=155 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=4275 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=5181 The Pali Tipitaka in Roman Character :- http://84000.org/tipitaka/read/roman_read.php?B=32&A=5181 Contents of The Tipitaka Volume 32 http://84000.org/tipitaka/read/?index_32
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]