|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
158. 6. Kadambapupphiyattherapadanavannana
himavantassaviduretiadikam ayasmato kadambapupphiyattherassa apadanam.
Ayampi purimajinavaresu katadhikaro tattha tattha bhave vivattupanissayani punnani
upacinanto sammasambuddhasunne loke ekasmim kule nibbatto vuddhimanvaya
gharavasam vasanto tattha adinavam disva gharavasam pahaya tapasapabbajjam
pabbajitva himavantasamipe kukkute nama pabbate assamam katva vihasi. So
tattha satta paccekabuddhe disva pasannamanaso pupphitam kadambapuppham ocinitva
te paccekabuddhe pujesi. Tepi "icchitam patthitan"tiadina anumodanam akamsu.
[30] So tena punnena devamanussesu samsaranto ubhayasampattiyo
anubhavitva imasmim buddhuppade savatthiyam kulagehe nibbatto vuddhimanvaya
satthu dhammadesanam sutva patiladdhasaddho pabbajitva nacirasseva araha hutva
attano 1- pubbakammam saritva somanassajato pubbacaritapadanam pakasento
himavantassaviduretiadimaha. Tam vuttatthameva. Kukkuto nama pabbatoti tassa
ubhosu passesu kukkutaculakarena pabbatakutanam vijjamanatta kukkutoti sankham
gato. Pakarena tiro hutva patitthahatiti pabbato. Tamhi pabbatapadamhiti
tasmim pabbatasamipe. Satta buddha vasantiti satta paccekabuddha tasmim kukkuta-
pabbatapade pannasalayam vasantiti attho.
@Footnote: 1 cha.Ma. ayam patho na dissati.
[31] Diparajamva uggatanti dipanam raja diparaja, sabbesam dipanam
jalamananam tarakanam raja candoti attho. Atha va sabbesu jambudipapubbavideha-
aparagoyanauttarakurusankhatesu catusu dipesu dvisahassaparittadipesu ca raja
alokapharanato cando diparajati vuccati, tam nabhe uggatam candam iva pupphitam
phullitam kadambarukkham disva tato puppham ocinitva ubhohi hatthehi paggayha
pakarena gahetva satta paccekabuddhe samokirim sutthu okirim, adarena
pujesinti attho. Sesam uttanatthamevati.
Kadambapupphiyattherapadanavannana nitthita.
-----------
The Pali Atthakatha in Roman Book 50 page 199-200.
http://84000.org/tipitaka/atthapali/read_rm.php?B=50&A=4310&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=50&A=4310&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=32&i=158
เนื้อความพระไตรปิฎกฉบับหลวง :-
http://84000.org/tipitaka/read/r.php?B=32&A=4313
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=32&A=5225
The Pali Tipitaka in Roman Character :-
http://84000.org/tipitaka/read/roman_read.php?B=32&A=5225
Contents of The Tipitaka Volume 32
http://84000.org/tipitaka/read/?index_32
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]