Atthakatha Book 50 : PALI ROMAN
Apa.A.2 (visuddha.2)

                  160. 8. Nagapupphiyattherapadanavannana
     suvaccho nama namenatiadikam ayasmato nagapupphiyattherassa apadanam.
Ayampi thero purimajinanisabhesu katadhikaro tattha tattha bhave vivattupanissayani
punnani upacinanto padumuttarassa bhagavato kale brahmanakule nibbatto
vuddhippatto vedattayadisu sakasippesu nipphattim patva tattha saram adisva
himavantam pavisitva tapasapabbajjam pabbajitva jhanasamapattisukhena vitinamesi.
Tasmim samaye padumuttaro bhagava tassanukampaya tattha agamasi. So tapaso tam
bhagavantam disva lakkhanasatthesu chekatta bhagavato lakkhanarupasampattiya pasanno
vanditva anjalim paggayha atthasi. Akasato anotinnatta pujasakkare
akateyeva akaseneva pakkami. Atha so tapaso sasisso nagapuppham ocinitva
tena pupphena bhagavato gatadisabhagamaggam pujesi.
     [39] So punnena devamanussesu samsaranto ubhayasampattiyo anubhavanto
sabbattha pujito imasmim buddhuppade savatthiyam kulagehe nibbatto vuddhimanvaya
Saddhasampanno pabbajitva vattapatipattiya sasanam sobhayamano nacirasseva
araha hutva "kena nu kho kusalakammena maya ayam lokuttarasampatti laddha"ti
atitakammam saranto pubbakammam paccakkhato natva sanjatasomanasso pubbacaritapadanam
pakasento suvaccho nama namenatiadimaha. Tattha vacchagotte
jatatta vaccho, sundaro ca so vaccho ceti suvaccho. Namena suvaccho nama
brahmano mantaparagu vedattayadisakalamantasatthe kotippattoti attho. Sesam
hettha vuttanayatta uttanatthamevati.
                  Nagapupphiyattherapadanavannana nitthita.
                          ------------


             The Pali Atthakatha in Roman Book 50 page 201-202.
http://84000.org/tipitaka/atthapali/read_rm.php?B=50&A=4358&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=50&A=4358&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=32&i=160
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=32&A=4337
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=32&A=5252
             The Pali Tipitaka in Roman Character :-
http://84000.org/tipitaka/read/roman_read.php?B=32&A=5252
             Contents of The Tipitaka Volume 32
http://84000.org/tipitaka/read/?index_32