บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
171. 9. Samadapakattherapadanavannana nagare bandhumatiyatiadikam ayasmato samadapakattherassa apadanam. Ayampi thero purimabuddhanam santike katakusalasambharo anekesu bhavesu vivattupanissayani punnani upacinanto vipassissa bhagavato kale kulagehe nibbatto vuddhimanvaya Gharavasam santhapetva punnani karonto vasamano saddho pasanno bahu upasake sannipatetva ganajetthako hutva "malakam karissama"ti te sabbe samadapetva ekam malakam samam karetva pandarapulinam okiritva bhagavato niyyadesi. So tena punnena devaloke uppanno cha kamavacarasampattiyo anubhavitva manussesu ca cakkavattiadisampattiyo anubhavitva imasmim buddhuppade kulagehe nibbatto vinnutam patto bhagavati pasanno dhammam sutva pasannamanaso saddhajato pabbajitva silasampanno vattasampanno nacirasseva arahattam papuni. [44] So aparabhage attano katakusalam saritva sanjatasomanasso pubbacaritapadanam pakasento nagare bandhumatiyatiadimaha. Tattha bandhanti natigottadivasena ekasambandha honti sakalanagaravasinoti bandhu, bandhu etasmim vijjantiti bandhumati, tassa bandhumatiya nama nagare mahapugagano upasakasamuho ahositi attho. Malam kassama samghassati ettha mati ganhati 1- sampattasampattajananam cittanti malam, atha va sampattayatigananam cittassa vivekakarane alanti malam, malameva malakam, bhikkhusamghassa phasuviharatthaya malakam karissamati attho. Sesam pakatamevati. Samadapakattherapadanavannana nitthita. -----------The Pali Atthakatha in Roman Book 50 page 212-213. http://84000.org/tipitaka/atthapali/read_rm.php?B=50&A=4588&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=4588&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=171 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=4503 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=5438 The Pali Tipitaka in Roman Character :- http://84000.org/tipitaka/read/roman_read.php?B=32&A=5438 Contents of The Tipitaka Volume 32 http://84000.org/tipitaka/read/?index_32
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]