AtthaPali Vol.50

175. 3. Rattipupphiyattherapadanavannana migaluddo pure asintiadikam ayasmato rattipupphiyattherassa apadanam. Ayampi purimabuddhesu katadhikaro tattha tattha bhave vivattupanissayani punnani upacinanto vipassissa bhagavato kale nesadakule uppanno migavadhaya ^1- aranne vicaramano tassa karunnena aranne caramanam vipassim bhagavantam disva pasannamanaso pupphitam rattikam nama puppham kutajapupphanca saha vantena ocinitva somanassacittena pujesi. Bhagava anumodanam katva pakkami. [13] So teneva punnena devamanussesu samsaranto ubhayasampattiyo anubhavitva imasmim buddhuppade kulagehe nibbatto vinnutam patto ratanattaye pasanno satthu dhammadesanam sutva kamesu adinavam disva pabbajitva nacirasseva arahattam patto attano pubbakammam saritva "nesadabhutena maya katakusalam sundaran"ti somanassajato pubbacaritapadanam pakasento migaluddo pure asintiadimaha. Tattha miganam luddo sahasiko marakoti migaluddo, migesu va luddo lobhiti migaluddo, nesado asim pureti attho. [14] Rattikam pupphitam disvati padumapupphadini anekani pupphani suriyaramsisamphassena diva pupphanti rattiyam makulitani honti. Jatisumanamallikadini anekani pupphani pana rattiyam pupphanti no diva. Tasma rattiyam pupphanato rattipupphanamakani anekani sugandhapupphani ca kutajapupphani ca gahetva pujesinti attho. Sesam uttanatthamevati. Rattipupphiyattherapadanavannana nitthita. ------------ @Footnote: ¹ Si.,i. migadaye.

The Pali Atthakatha in Roman Book 50 page 217. http://84000.org/tipitaka/atthapali/read_rm.php?B=50&A=4669&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=4669&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=175 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=4572 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=5514 The Pali Tipitaka in Roman Character :- http://84000.org/tipitaka/read/roman_read.php?B=32&A=5514 Contents of The Tipitaka Volume 32 http://84000.org/tipitaka/read/?index_32