Atthakatha Book 50 : PALI ROMAN
Apa.A.2 (visuddha.2)

                 176. 4. Udapanadayakattherapadanavannana
     vipassino bhagavatotiadikam ayasmato udapanadayakattherassa apadanam.
Ayampi thero purimamunivaresu katadhikaro anekesu bhavesu katapunnasancayo
vipassissa bhagavato kale kulagehe nibbatto vuddhippatto "paniyadanam maya
databbam, tanca nirantaram 1- katva pavattetum vattati"ti cintetva ekam kupam
khanapetva udakasampattakale itthakahi cinapetva thiram katva tattha
utthitena udakena punnam tam udapanam vipassissa bhagavato niyyadesi. Bhagava
paniyadananisamsadipakam akasi. So tena punnena devamanussesu samsaranto
nibbattanibbattatthane pokkharaniudapanapaniyadisampanno sukham anubhavitva
imasmim buddhuppade ekasmim kule nibbatto vuddhimanvaya saddho pasanno
pabbajitva nacirasseva araha ahosi.
     [10] So aparabhage attano pubbakammam saritva somanassajato
pubbacaritapadanam pakasento vipassino bhagavatotiadimaha. Tattha udapano
kato mayati udakam pivanti etthati udapano, kupapokkharanitalakanametam
adhivacanam. So udapano kupo vipassissa bhagavato atthaya kato khanitoti attho.
Sesam uttanatthamevati.
                 Udapanadayakattherapadanavannana nitthita.
                        ----------------


             The Pali Atthakatha in Roman Book 50 page 218.
http://84000.org/tipitaka/atthapali/read_rm.php?B=50&A=4691&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=50&A=4691&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=32&i=176
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=32&A=4586
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=32&A=5529
             The Pali Tipitaka in Roman Character :-
http://84000.org/tipitaka/read/roman_read.php?B=32&A=5529
             Contents of The Tipitaka Volume 32
http://84000.org/tipitaka/read/?index_32