AtthaPali Vol.50

391. 9. Sonakotivisattherapadanavannana navamapadane pana vipassino pavacanetiadikam ayasmato sonassa kotivisattherassa ^1- apadanam. Ayampi thero purimabuddhesu katadhikaro tattha tattha bhave vivattupanissayani punnani upacinanto vipassissa bhagavato kale mahavibhave @Footnote: ¹ vi.maha. 5/242-44/1-9, am. ekaka. 20/205/24, khu.thera. 26/632-44/360-1. Setthikule nibbatto vuddhippatto setthi hutva upasakehi saddhim viharam gantva satthu dhammadesanam sutva pasannamanaso bhagavato cankamanatthane sudhaya parikammam karetva ekanca lenam karetva nanaviragavatthehi lenabhumiya santharitva upari vitananca katva catuddisassa samghassa niyyadetva sattaham mahadanam datva panidhanam akasi. Sattha anumodanam akasi. So tena kusalakammena devamanussesu samsaranto ubhayasampattiyo anubhavitva imasmim kappe parinibbute kassapadasabale anuppanne amhakam bhagavati baranasiyam kulagehe nibbattitva vinnutam patto gangatire pannasalam karitva ^1- vasantam ekam paccekabuddham temasam catuhi paccayehi sakkaccam upatthahi. Paccekabuddho vutthavasso paripunnaparikkharo gandhamadanameva agamasi. Sopi kulaputto yavajivam tattha punnani katva tato cavitva devamanussesu samsaranto amhakam bhagavato kale campanagare aggasetthissa ^2- gehe patisandhim ganhi. Tassa patisandhiggahanakalato patthaya setthissa mahabhogakkhandho abhivaddhi. Tassa matukucchito nikkhamanadivase sakalanagare mahalabhasakkarasammano ahosi, tassa pubbe paccekabuddhassa satasahassagghanikarattakambalapariccagena suvannavanno sukhumalataro ca attabhavo ahosi, tenassa sonoti namam akamsu. So mahata parivarena abhivaddhi. Tassa hatthapadatalani bandhujivakapupphavannani ahesum, tesam satavaram vihatakappasam viya mudusamphasso ahosi. Padatalesu manikundalavattavannalomani jayimsu. Vayappattassa tassa tinnam utunam anucchavike tayo pasade karapetva natakitthiyo upatthapesum. So tattha mahatim sampattim anubhavanto devakumaro viya pativasati. @Footnote: ¹ Ma. karetva. ² usabhasetthissa (mano.pu. 1/209, thera.A. 1/253), cha.Ma. @upasetthissa. Atha amhakam bhagavati sabbannutam patva pavattivaradhammacakke rajagaham upanissaya viharante bimbisararanna pakkosapito tehi asitiya gamikasahassehi saddhim rajagaham agato satthu santikam gantva dhammam sutva patiladdhasaddho matapitaro anujanapetva bhagavato santike pabbajitva laddhupasampado satthu santike kammatthanam gahetva janasamsaggapariharanattham sitavane vihasi. So tattha vasanto "mama sariram sukhumalam, na ca sakka sukheneva sukham adhigantum, kayam kilametvapi samanadhammam katum vattati"ti cintetva thanacankamameva adhitthaya padhanamanuyunjanto padatalesu photesu utthitesupi vedanam ajjhupekkhitva dalham viriyam karonto accaraddhaviriyataya visesam nibbattetum asakkonto "evam aham vayamantopi maggaphalani nibbattetum na sakkomi, kim me pabbajjaya, hinayavattitva bhoge ca bhunjami, punnani ca karissami"ti cintesi. Atha sattha tassa cittacaram natva tattha gantva vinopamovadena ^1- ovaditva viriyasamatayojanavidhim dassento kammatthanam sodhetva gijjhakutam gato. Sonopi kho satthu santika ovadam labhitva viriyasamatam yojetva vipassanam ussukkapetva arahatte patitthasi. [49] So araha hutva attano pubbakammam saritva somanassajato pubbacaritapadanam pakasento vipassino pavacanetiadimaha. Tattha vipassiti visesena, vividham va passatiti vipasSi. Pavacaneti pakarena vuccatiti pavacanam, pitakattayam. Tassa vipassino tasmim pavacaneti attho. Lenanti linante niliyante etthati lenam viharam. Bandhumarajadhaniyati bandhanti kulaparamparaya vasena annamannam sammajjhantiti bandhu, nataka. Te ettha pativasantiti bandhuma, @Footnote: ¹ vi.maha. 5/243/4. Bandhu assa atthiti va bandhuva. Rajunam vasanatthananti rajadhani, bandhuma ca sa rajadhani ceti bandhumarajadhani, tassa bandhumarajadhaniya, lenam maya katanti sambandho. Sesamettha uttanatthamevati. Sonakotivisattherapadanavannana nitthita.

The Pali Atthakatha in Roman Book 50 page 244-247. http://84000.org/tipitaka/atthapali/read_rm.php?B=50&A=5226&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=5226&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=391 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=7819 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=9175 The Pali Tipitaka in Roman Character :- http://84000.org/tipitaka/read/roman_read.php?B=32&A=9175 Contents of The Tipitaka Volume 32 http://84000.org/tipitaka/read/?index_32