Atthakatha Book 50 : PALI ROMAN
Apa.A.2 (visuddha.2)

                  399. 7. Girimanandattherapadanavannana
     sattamapadane bhariya me kalankata 1- tiadikam ayasmato girimanandat-
therassa apadanam. Ayampi purimabuddhesu katadhikaro tattha tattha bhave vivattupanissayani
punnani upacinanto sumedhassa bhagavato kale kulagehe nibbatto vayappatto
gharavasam santhapetva vasanto attano bhariyaya ca putte ca kalankate
sokasallasamappito arannam pavisitva pavattaphalabhojano rukkhamule vihasi. Tada
sumedho bhagava tassanukampaya tattha gantva dhammam desetva sokasallam
abbulhesi. So dhammam sutva pasannamanaso sugandhapupphehi bhagavantam pujetva
pancapatitthitena vanditva sirasi anjalim katva abhitthavi.
     So tena punnena devamanussesu samsaranto ubhayattha sukham anubhavitva
imasmim buddhuppade rajagahe bimbisararanno purohitassa putto hutva
nibbatti, girimanandotissa namam ahosi. So vinnutam patva satthu
rajagahagamane buddhanubhavam disva patiladdhasaddho pabbajitva samanadhammam
karonto katipayam divasam gamakavase vasitva sattharam vanditum rajagaham agamasi.
Bimbisaramaharaja tassa agamanam sutva tam upasankamitva "idheva bhante vasatha,
aham catuhi paccayehi upatthahami"ti sampavaretva gatopi bahukiccatta tam na
@Footnote: 1 pali. kalam kata.
Sari. "thero abbhokaseyeva vasati"ti. Devata therassa temanabhayena vassadharam
varesum. Raja avassanakaranam upadharetva natva therassa kutikam karapesi.
Thero kutikayam vasanto senasanasappayalabhena cittasamadhanam labhitva viriyasamatam
yojetva vipassanam ussukkapetva arahattam papuni.
     [419] So arahattam patva attano pubbakammam saritva
sanjatasomanasso pubbacaritapadanam pakasento bhariya me kalankatatiadimaha.
Tam bhagavato nivedananca bhagavata katanusasananca maggam phaladhigamapadananca
pathanusarena suvinneyyamevati.
                  Girimanandattherapadanavannana nitthita.


             The Pali Atthakatha in Roman Book 50 page 252-253.
http://84000.org/tipitaka/atthapali/read_rm.php?B=50&A=5375&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=50&A=5375&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=32&i=399
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=32&A=8669
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=32&A=10263
             The Pali Tipitaka in Roman Character :-
http://84000.org/tipitaka/read/roman_read.php?B=32&A=10263
             Contents of The Tipitaka Volume 32
http://84000.org/tipitaka/read/?index_32