AtthaPali Vol.50

491/79. 9. Dhammaruciyattherapadanavannana ^1- [171] Navamapadane tadaham manavo asinti yada sumedhapandito dipankarabhagavato santika byakaranam labhi. Tada aham megho nama brahmanamanavo hutva sumedhatapasena saha isipabbajjam pabbajitva sikkhapadesu sikkhito @Footnote: ¹ pali. dhammaruci.... Kenaci papasahayena samsattho samsaggadosena papavitakkadivasam gato matughata- kammavasena narake aggijaladidukkhamanubhavitva tato cuto samudde timingalamahamaccho hutva nibbatto, samuddamajjhe gacchantam mahanavam gilitukamo gato. Disva mam vanija bhita "aho gotamo bhagava"ti saddamakamsu. Atha mahamaccho pubba- vasanavasena buddhagaravam uppadetva tato cuto savatthiyam vibhavasampanne brahmanakule nibbatto saddho pasanno satthu dhammadesanam sutva pabbajitva saha patisambhidahi arahattam papunitva divasassa tikkhattum upatthanam gantva saramano vandati. Tada bhagava "caram dhammaruci"ti mam aha. [184] Atha so thero "suciram satapunnalakkhanan"tiadihi gathahi thomesi. Bhante satapunnalakkhanadhara gotama. Patipubbena visuddhapaccayanti pubbe dipankarapadamule paripunnaparamipaccayasambharo sutthu ciram kalam maya na dittho asiti attho. Ahamajjasupekkhananti ajja imasmim divase aham supekkhanam sundaradassanam, sundaradittham va nirupamam viggaham upamarahitasariram gotamam vata ekantena passami dakkhamiti attho. [185-86] Suciram vihatatamo mayati visesena hatatamo viddhamsitamoho tvam mayapi sutthu ciram thomitoti attho. Sucirakkhena nadi visositati esa tanhanadi sundararakkhena gopanena visesena sosita, abhabbuppattikata tayati attho. Suciram amalam visodhitanti sutthu ciram dighena addhuna amalam nibbanam visesena sodhitam, sutthu katam adhigatam tayati attho. Nayanam nanamayam mahamune. Cirakalasamangitoti mahamune mahasamane nanamayam nayanam dibbacakkhum cirakalam samadhigato sampatto tvanti attho. Avinattho punarantaranti aham puna antaram antarabhave majjhe ^1- parinattho parihino ahosinti attho. Punarajjasamagato @Footnote: ¹ Si. aham puna antara vemajjhe. Tayati ajja imasmim kale taya saddhim punapi samagato ekibhuto saha vasamiti attho. Na hi nassanti katani gotamati gotama sabbannubuddha taya saddhim katani samagamadini na hi nassanti yava khandhaparinibbana na vina bhavissantiti attho. Sesam uttanamevati. Dhammaruciyattherapadanavannana nitthita.

The Pali Atthakatha in Roman Book 50 page 260-262. http://84000.org/tipitaka/atthapali/read_rm.php?B=50&A=5562&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=5562&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=79 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=2888 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=3603 The Pali Tipitaka in Roman Character :- http://84000.org/tipitaka/read/roman_read.php?B=32&A=3603 Contents of The Tipitaka Volume 32 http://84000.org/tipitaka/read/?index_32