AtthaPali Vol.50

14. 2. Ekatthambhikattherapadanavannana siddhatthassa bhagavatotiadikam ayasmato ekatthambhadayakattherassa apadanam. Ayampi purimabuddhesu katadhikaro tattha tattha bhave vivattupanissayani punnani @Footnote: ¹ pali. catunavute. ² pali. tesattati ito. @³ pali. dvesattati ito ⁴ cha.Ma. samatta, evamuparipi. Upacinanto siddhatthassa bhagavato kale vanakammiko hutva ekasmim vibhavasampanne kule nibbatto. Tasmim samaye sabbe saddha pasanna upasaka ekacchanda "bhagavato upatthanasalam karoma"ti dabbasambharatthaya vanam pavisitva tam upasakam disva "amhakam ekam thambham detha"ti yacimsu. So tam pavattim sutva "tumhe ma cintayittha"ti te sabbe uyyojetva ekam saramayam thambham gahetva satthu dassetva tesamyeva adasi. So teneva somanassajato tadeva mulam katva annani danadini punnani katva tato cuto devaloke nibbatto aparaparam chasu kamavacaresu dibbasampattiyo anubhavitva manussesu ca aggacakkavattisampattim anekavaram anubhavitva asankhyeyyam padesarajjasampattinca anubhavitva imasmim buddhuppade saddhasampanne ekasmim kule nibbatto matapituhi saddhim bhagavato santike dhammam sutva patiladdhasaddho pabbajitva laddhupasampado kammatthanam gahetva manasikaronto nacirasseva araha ahosi. [13] So evam pattaarahatto attano pubbakammam saritva somanassajato pubbacaritapadanam pakasento siddhatthassatiadimaha. Tattha siddhatthassa bhagavato bhagyasampannassa sammasambuddhassa. Mahapugaganoti mahaupasakasamuho ahu ahositi attho. Saranam gata ca te buddhanti "buddham saranan"ti gata bhajimsu janimsu va te upasaka. Tathagatam saddahanti buddhagunam attano cittasantane thapentiti attho. [14] Sabbe sangamma mantetvati sabbe samagamma sannipatitva mantetva annamannam sannapetva ekacchanna hutva malam upatthanasalam satthuno atthaya kubbanti karontiti attho. Dabbasambharesu ekatthambham alabhanta brahavane mahavane vicinantiti sambandho. [15] Teham aranne disvanati aham te upasake aranne disvana ganam samuham upagamma samipam gantva anjalim paggahetvana dasangulisamodhanam anjalim sirasi katva aham ganam upasakasamuham "tumhe imam vanam kimattham agatattha"ti tada tasmim kale paripucchinti sambandho. [16] Te silavanto upasaka me maya puttha "malam mayam kattukama hutva ekatthambho amhehi na labbhati"ti viyakamsu visesena kathayimsuti sambandho. [17] Mamam mayham ekatthambham detha, aham tam dassami satthuno santikam aham thambham aharissami, te bhavanto thambhaharane appossukka ussaharahita bhavantuti sambandho. [24] Yam yam yonupapajjamiti yam yam yonim devattam atha manusam upagacchamiti attho. Bhummatthe va upayogavacanam, yasmim yasmim devaloke va manussaloke vati attho. Sesam uttanamevati. ^1- Ekatthambhikattherapadanavannana nitthita. -------------

The Pali Atthakatha in Roman Book 50 page 3-5. http://84000.org/tipitaka/atthapali/read_rm.php?B=50&A=61&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=61&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=14 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=1238 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=1644 The Pali Tipitaka in Roman Character :- http://84000.org/tipitaka/read/roman_read.php?B=32&A=1644 Contents of The Tipitaka Volume 32 http://84000.org/tipitaka/read/?index_32