บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
540/128. 8. Uruvelakassapattherapadanavannana atthamapadane padumuttaro nama jinotiadikam ayasmato uruvelakassapat- therassa apadanam. Ayampi purimabuddhesu katadhikaro tattha tattha bhave vivattupanissayani punnani upacinanto padumuttarassa bhagavato kale kulagehe nibbatto vayappatto satthu santike dhammam sutva sattharam ekam bhikkhum mahaparivaranam aggatthane thapentam disva sayampi tam thanantaram patthento mahadanam datva panidhanam akasi. Bhagava cassa anantarayatam disva "anagate gotamabuddhassa sasane mahaparivaranam aggo bhavissati"ti byakasi. So tattha yavatayukam punnani katva tato cavitva devamanussesu samsaranto ito dvenavutikappamatthake phussassa bhagavato vematikakanitthabhata hutva nibbatto, annepissa dve kanitthabhataro ahesum. Te tayo buddhappamukham bhikkhusamgham nimantetva paramaya pujaya pujetva yavajivam kusalam katva devamanussesu @Footnote: 1 an.ekaka. 20/218/25. Samsaranto amhakam bhagavato uppattito puretarameva baranasiyam brahmanakule tayo bhataro hutva nibbatta gottavasena tayopi kassapati evamnamaka ahesum. Te tayo vayappatta vede ugganhimsu. Tesam jetthabhatikassa pancamanavakasatani parivara, majjhimassa tini, kanitthassa dve, te attano ganthesu saram olokenta ditthadhammikameva attham disva pabbajjam rocesum. Tesu jetthabhata attano parivarena saddhim uruvelam gantva isipabbajjam pabbajitva uruvelakassapo nama jato, majjhimo ganganadivanke pabbajito nadikassapo nama jato, kanittho gayasise pabbajito gayakassapo nama jato. Evam tesu isipabbajjam pabbajitva tattha tattha vasantesu bahunam divasanam accayena amhakam bodhisatto mahabhinikkhamanam nikkhamitva patividdhasabbannutannano anukkamena dhammacakkam pavattetva pancavaggiyatthere arahatte patitthapetva yasakulaputtappamukhe pancapannasajane sahayake vinetva satthi arahante "caratha bhikkhave carikan"ti 1- vissajjetva timsabhaddavaggiye vinetva uruvelakassapassa vasanatthanam gantva vasanatthaya agyagaram pavisitva tattha gatanagadamanadihi addhuddhasahassehi patihariyehi uruvelakassapam saparivaram vinetva pabbajesi. Tassa pabbajjavidhananca iddhipatihariyakarananca sabbam nadikassapassa apadanatthakathayam avi bhavissati. Tassa pabbajitabhavam sutva itarepi dve bhataro saparisa agantva satthu santike pabbajimsu. Sabbeva te iddhimayapatta- civaradhara ehibhikkhuka ahesum. Sattha tam samanasahassam adaya gayasisam gantva pitthipasane nisinno adittapariyayadesanaya 2- te sabbe arahatte patitthapesi. @Footnote: 1 vi.maha. 4/32/27. 2 vi.maha. 4/54/44-5. [251] So evam arahattam patva somanassajato attano pubbacaritapadanam pakasento padumuttaro nama jinotiadimaha. Anuttanapadameva vannayissama. [268] So ca sabbam tamam hantvati so phusso bhagava ragadosa- mohadikilesandhakaram viddhamsetva. Vijatetva mahajatanti tanhamanadihi diyaddhasahassehi kilesaganehi mahabyakulam jatam vijatetva padaletva phaletvati attho. Sadevakam devalokasahitam sakalam lokasannivasam tappayanto santappayanto pinento amatam vutthim mahanibbanavutthidharam vassate paggharapetiti yojana. [269] Tada hi baranasiyanti "barasa manussa"tiadisu viya barasa dvadasarasi hutva pura, himavantato isayo ca paccekamunisankhata isayo ca gandhamadanato akasenagantva ettha gacchanti otaranti pavisantiti baranasi, atha va sammasambuddhasankhatanam anekasatasahassanam dhammacakkappavattanatthaya otaratthanam nagaram lingavipallasam katva itthilingavasena baranasiti vuccati, tissam baranasiyam. [273] Nikkhittasattham paccantanti chadditasattham patitaavudham 1- paccantajanapadam nibbisevanam katva punarupacca tanti puna rapi tam nagaram upecca upagamma sampattati attho. Sesam suvinneyyamevati. Uruvelakassapattherapadanavannana nitthita. ------------- @Footnote: 1 Si. bahita...The Pali Atthakatha in Roman Book 50 page 296-298. http://84000.org/tipitaka/atthapali/read_rm.php?B=50&A=6362&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=6362&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=128 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=3811 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=4661 The Pali Tipitaka in Roman Character :- http://84000.org/tipitaka/read/roman_read.php?B=32&A=4661 Contents of The Tipitaka Volume 32 http://84000.org/tipitaka/read/?index_32
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]