บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
55. Bhaddiyavagga 543/131. 1. Lakuntakabhaddiyattherapadanavannana pancapannasamavagge pathamapadane padumuttaro nama jinotiadikam ayasmato lakuntakabhaddiyattherassa apadanam. Ayampi purimabuddhesu katadhikaro tattha tattha bhave vivattupanissayani punnani upacinanto padumuttarassa bhagavato kale hamsavatinagare mahabhogakule nibbatto 1- vinnutam patto satthu dhammam sunanto nisinno sattharam ekam bhikkhum manjussaranam aggatthane thapentam disva sayampi tam thanantaram patthento buddhappamukhassa bhikkhusamghassa sappisakkharadimadhura- rasasammissam mahadanam datva "ahampi bhante anagate ayam bhikkhu viya ekassa buddhassa sasane manjussaranam aggo bhaveyyan"ti panidhanam akasi. Bhagava tassa anantarayam disva byakaritva pakkami. So yavatayukam punnani katva devamanussesu samsaranto ubhayasampattiyo anubhavitva phussabhagavato kale citrakokilo 2- hutva nibbatto rajuyyanato madhuram ambaphalam tundena adaya gacchanto sattharam disva pasannamanaso "dassami buddhassa"ti cittam uppadesi. Sattha tassa cittacaram natva pattam gahetva nisidi. Kokilo dasabalassa patte ambapakkam thapesi. Sattha tassa somanassuppadanattham tassa passantasseva tam paribhunji. Atha so kokilo pasannamanaso teneva pitisukhena sattaham vitinamesi. Teneva punnakammena uppannuppannabhave manjussaro ahosi. Kassapasammasambuddhakale vaddhakikule nibbattetva jetthakavaddhaki hutva pakato ahosi. Parinibbute bhagavati tassa sariradhatuyo nidahitum sattayojanappamane thupe araddhe so aha "yojanavattam @Footnote: 1 cha.Ma. nibbattitva. 2 cittapattakokilo (thera.A. 2/140). Yojanubbedham karoma"ti. Te sabbe tassa vacane atthamsu. Iti appamanassa buddhassa orappamanam cetiyam karesi, tena kammena nibbattatthane annehi hinappamano 1- ahosi. So amhakam bhagavato kale kulagehe nibbattitva atirassataya ca suvannapatima viya sundarasarirataya ca lakuntakabhaddiyoti pannayittha. So aparabhage satthu dhammadesanam sutva patiladdhasaddho pabbajitva bahussuto dhammakathiko hutva madhurena sarena paresam dhammam kathesi. Athekasmim ussavadivase ekena brahmanena saddhim rathena gacchanti eka ganika theram disva dantavidamsakam hasi. Thero tassa dantatthike nimittam gahetva jhanam uppadetva tam padakam katva vipassanam vaddhetva anagami ahosi, so abhinham kayagataya satiya viharanto ekadivasam ayasmata dhammasenapatina ovadiyamano anusasiyamano arahatte patitthahi. Ekacce bhikkhu ca samanera ca tassa arahattappattabhavam ajananta kannesu gahetva kaddhanti, sise bahaya hatthapadadisu va gahetva caletva kilanta vihethesum. Atha bhagava sutva "ma bhikkhave mama puttam vihethetha"ti aha. Tato patthaya tam "araha"ti janitva na vihethesum. [12] So araha hutva sanjatasomanasso attano pubbacaritapadanam pakasento padumuttaro nama jinotiadimaha. Manjunabhinikujahanti madhurena pemaniyena sarena abhinikujim saddam niccharesim ahanti attho. Sesamettha suvinneyyamevati. Lakuntakabhaddiyattherapadanavannana nitthita. ------------ @Footnote: 1 nicatarappamano (thera.A. 2/140).The Pali Atthakatha in Roman Book 50 page 300-301. http://84000.org/tipitaka/atthapali/read_rm.php?B=50&A=6425&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=6425&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=131 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=3867 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=4726 The Pali Tipitaka in Roman Character :- http://84000.org/tipitaka/read/roman_read.php?B=32&A=4726 Contents of The Tipitaka Volume 32 http://84000.org/tipitaka/read/?index_32
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]