AtthaPali Vol.50

22. 10. Sumangalattherapadanavannana ahutim yitthukamotiadikam ayasmato sumangalattherassa apadanam. Ayampayasma purimabuddhesu katadhikaro tattha tattha bhave vivattupanissayani punnani upacinanto piyadassissa bhagavato kale rukkhadevata hutva nibbatti. So ekadivasam sattharam nhatva ^1- ekacivaram thitam disva somanassappatto apphotesi. So tena punnena devamanussesu samsaranto imasmim buddhuppade savatthiya avidure annatarasmim gamake tadisena kammanissandena daliddakule nibbatti, tassa sumangaloti namam ahosi. So vayappatto khujjakasita ^2- nangalakuddala parikkharo hutva kasiya jivikam kappesi. So ekadivasam ranna pasenadina kosalena bhagavato bhikkhusamghassa ca mahadane pavattiyamane danupakaranani gahetva agacchantehi manussehi saddhim dadhighatam gahetva agato bhikkhunam sakkarasammanam disva "ime samana sakyaputtiya sukhumavatthanivattha subhojanani bhunjitva nivatesu senasanesu viharanti, yannunahampi pabbajeyyan"ti cintetva annataram mahatheram upasankamitva attano pabbajjadhippayam nivedesi. So tam karunayanto pabbajetva kammatthanam acikkhi. So aranne viharanto ekakavihare nibbinno ukkanthito hutva vibbhamitukamo natigamam gacchanto antaramagge kaccham bandhitva khettam kasante kilitthavatthanivatthe samantato rajokinnasarire vatatapena sussante khettam kassake manusse disva "mahantam vatime satta jivikanimittam dukkham paccanubhavanti"ti samvegam patilabhi. Nanassa paripakagatatta cassa yathagahitam kammatthanam upatthasi. So annataram rukkhamulam upagantva vivekam labhitva yoniso manasikaronto vipassanam vaddhetva maggapatipatiya arahattam papuni. @Footnote: ¹ cha.Ma. nhatva. ² Ma. uddakasita... [124] Evam so pattaarahattaphalo attano pubbakammam saritva somanassavasena pubbacaritapadanam pakasento ahutim yitthukamohantiadimaha. Tattha ahutinti annapanadianekavidham pujasakkarupakaranam. Yitthukamoti yajitukamo, danam datukamo aham. Patiyadetvana bhojananti aharam patiyadetva nipphadetva. Brahmane patimanentoti patiggahake suddhapabbajite pariyesanto. Visale malake thitoti parisuddhapandarapulinatalabhirame vipule malake thito. [125-7] Athaddasasim sambuddhantiadisu mahayasam mahaparivaram sabbalokam sakalasattalokam vinetaram visesena netaram nibbanasampapakam sayambhum sayameva bhutam anacariyakam aggapuggalam setthapuggalam bhagavantam bhagyavantadigunayuttam jutimantam nilapitadipabhasampannam savakehi purakkhatam parivaritam adiccamiva suriyamiva rocantam sobhamanam rathiyam vithiyam patipannakam gacchantam piyadassim nama sambuddham addasinti sambandho. Anjalim paggahetvanati baddhanajaliputam ^1- sirasi katva sakam cittam attano cittam pasadayim itthambhutassa bhagavato gune pasadesim pasannamakasinti attho. Manasava nimantesinti cittena pavaresim. Agacchatu mahamuniti mahito pujaraho muni bhagava mama nivesanam agacchatu. [128] Mama sankappamannayati mayham cittasankappam natva loke sattaloke anuttaro uttaravirahito sattha khinasavasahassehi arahantasahassehi parivuto mama dvaram mayham gehadvaram upagami sampapuni. [129] Tassa sampattassa satthuno evam namakkaramakasim. Purisajanna purisanam ajanna settha mama namakkaro te tuyham atthu bhavatu. Purisuttama purisanam uttama adhikagunavisittha te tuyham mama namakkaro atthu. Pasadam pasadajanakam mama nivesanam abhiruhitva sihasane uttamasane nisidatanti ayacinti attho. @Footnote: ¹ Ma. baddhanguliputam. [130] Danto dantaparivaroti sayam dvarattayena danto tatha dantahi bhikkhubhikkhuniupasakaupasikasankhatahi catuhi parisahi parivarito. Tinno tarayatam varoti sayam tinno samsarato uttinno nikkhanto tarayatam tarayantanam visitthapuggalanam varo uttamo bhagava mamaradhanena pasadam abhiruhitva pavarasane uttamasane nisidi nisajjam kappesi. [131] Yam me atthi sake geheti attano gehe yam amisam paccupatthitam sampaditam rasikatam atthi. Taham buddhassa padasinti buddhassa buddhappamukhassa samghassa tam amisam padasim pakarena adarena va adasinti attho. Pasanno sehi panibhiti attano dvihi hatthehi pasannacitto gahetva padasinti attho. [132] Pasannacitto pasaditamanasankappo sumano sundaramano. Vedajato jatavedo uppannasomanasso katanjali sirasi thapitaanjaliputo buddhasettham namassami setthassa buddhassa panamam karomiti attho. Aho buddhassularatati patividdhacatusaccassa satthuno ularata mahantabhavo aho acchariyanti attho. [133] Atthannam payirupasatanti payirupasantanam bhunjam bhunjantanam atthannam ariyapuggalanam antare khinasava arahantova bahuti attho. Tuyheveso anubhavoti eso akasacaranaummujjananimujjanadianubhavo tuyheva tuyham eva anubhavo, nannesam. Saranam tam upemahanti tam itthambhutam tuvam saranam tanam lenam parayananti upemi gacchami janami vati attho. [134] Lokajettho narasabho piyadassi bhagava bhikkhusamghamajjhe nisiditva ima byakaranagatha abhasatha kathesiti attho. Sesam suvinneyyamevati. Sumangalattherapadanavannana nitthita. Dutiyassa sihasanavaggassa vannana nitthita. -----------

The Pali Atthakatha in Roman Book 50 page 34-36. http://84000.org/tipitaka/atthapali/read_rm.php?B=50&A=728&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=50&A=728&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=32&i=22 เนื้อความพระไตรปิฎกฉบับหลวง :- http://84000.org/tipitaka/read/r.php?B=32&A=1457 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=32&A=1914 The Pali Tipitaka in Roman Character :- http://84000.org/tipitaka/read/roman_read.php?B=32&A=1914 Contents of The Tipitaka Volume 32 http://84000.org/tipitaka/read/?index_32