AtthaPali Vol.53

[1235] Kilesagocchake kilesaeva kilesavatthuni. Vasanti va ettha akhinasava satta lobhadisu patitthitattati vatthuni. Kilesa ca te tappatitthanam sattanam vatthuni cati kilesavatthuni. Yasma cettha anantarapaccayadibhavena uppajjamana kilesapi vasantieva nama, tasma kilesanam vatthunitipi kilesavatthuni. [1236] Tattha katamo lobho, yo rago saragoti ayam pana lobho hetugocchake ganthagocchake imasmim kilesagocchaketi tisu thanesu atirekapadasatena niddittho, asavasannojanaoghayoganivaranaupadanagocchakesu atthahi atthahi padehi niddittho. Svayam atirekapadasatena nidditthatthanepi atthahi atthahi padehi nidditthatthanepi nippadesatova gahitoti veditabbo. Tesu hetuganthanivarana- upadanakilesagocchakesu catumaggavajjha tanha ekeneva kotthasena thita. Asavasannojanaoghayogesu catumaggavajjhapi dve kotthasa hutva thita, katham? Asavesu kamasavo bhavasavoti, sannojanesu kamaragasannojanam bhavaragasannojananti, oghesu kamogho bhavoghoti, yogesu kamayogo bhavayogoti. Imani pana kilesavatthuni kilesapatipatiyapi aharitum vattati maggapatipatiyapi. Kilesapatipatiya lobho catuhi maggehi pahiyati. Doso anagamimaggena, mohamana arahattamaggena, ditthivicikiccha sotapattimaggena, thinadini arahattamaggena. Maggapatipatiya sotapattimaggena ditthivicikiccha pahiyanti, anagamimaggena doso, arahattamaggena sesa sattati.

The Pali Atthakatha in Roman Book 53 page 444. http://84000.org/tipitaka/atthapali/read_rm.php?B=53&A=11044&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=53&A=11044&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=34&i=791 เนื้อความพระไตรปิฎกฉบับหลวง :- http://84000.org/tipitaka/read/r.php?B=34&A=6904 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=34&A=6220 The Pali Tipitaka in Roman Character :- http://84000.org/tipitaka/read/roman_read.php?B=34&A=6220 Contents of The Tipitaka Volume 34 http://84000.org/tipitaka/read/?index_34