ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 53 : PALI ROMAN Sangani.A. (atthasalini)

     [1287] Kamavacaraniddese hetthatoti hetthabhagena. Avicinirayanti
aggijalanam va sattanam va dukkhavedanaya va vici antaram chiddam ettha natthiti
avici, sukhasankhato ayo ettha natthiti nirayo, niratiatthenapi nirassadatthenapi
nirayo. Pariyantam karitvati tam avicisankhatam nirayam antam katva. Uparitoti
uparibhagena. Paranimmitavasavattideveti paranimmitesu kamesu vasam vattanato
evamladdhavohare deve. Anto karitvati anto pakkhipitva. Yam etasmim antareti
ye etasmim okase. Etthavacarati imina yasma etasmim antare annepi
Caranti kadaci katthaci sambhavato, tasma tesam asangahanattham "avacara"ti vuttam.
Tena ye etasmim antare ogalha hutva caranti sabbattha sada ca
sambhavato, adhobhage ca caranti avicinirayassa hettha bhutupadaya pavattibhavena,
tesam sangaho kato hoti. Te hi avagalhava caranti adhobhageva carantiti
avacaRa. Ettha pariyapannati imina pana yasma ete etthavacara annatthapi
avacaranti, na pana tattha pariyapanna honti. Tasma etesam annatthapi
avacarantanam pariggaho kato hoti. Idani te ettha pariyapannadhamme
rasisunnatapaccayabhavato ceva sabhavato ca dassento "khandha"tiadimaha.
     [1289] Rupavacaraniddese brahmalokanti pathamajjhanabhumisankhatam
brahmatthanam. Sesamettha kamavacaraniddese vuttanayeneva natabbam. 1- Samapannassa
catiadisu pathamapadena kusalajjhanam vuttam, dutiyena vipakajjhanam vuttam, tatiyena
kiriyajjhanam vuttanti veditabbam.
     [1291] Arupavacaraniddese akasanancayatanupageti akasanancayatana-
sankhatam bhavam upagate. Dutiyapadepi eseva nayo. Sesam hettha vuttanayeneva
veditabbam.
     [1301] Saranadukaniddese yvayam tisu akusalamulesu moho, so
lobhasampayuttova lobhena sarano, dosasampayutto ca dosena sarano.
Vicikicchuddhaccasampayutto pana moho ditthisampayuttena ceva ruparagaaruparagasankhatena
ca ragaranena pahanekatthabhavato sarano, sarajoti veditabbo.



             The Pali Atthakatha in Roman Book 53 page 444-445. http://84000.org/tipitaka/atthapali/read_rm.php?B=53&A=11062&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=53&A=11062&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=34&i=810              เนื้อความพระไตรปิฎกฉบับหลวง :- http://84000.org/tipitaka/read/r.php?B=34&A=7109              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=34&A=6396              The Pali Tipitaka in Roman Character :- http://84000.org/tipitaka/read/roman_read.php?B=34&A=6396              Contents of The Tipitaka Volume 34 http://84000.org/tipitaka/read/?index_34

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]