AtthaPali Vol.53

Lokuttaravipakakatha [505] Lokuttaravipakampi kusalasadisatta kusalanugatikameva katva bhajitam. Yasma pana tebhumikakusalam cutipatisandhivasena vattam acinati vaddheti, tasma tatra ^4- "katatta upacitatta"ti vuttam. Lokuttaram pana tena acitampi apacinati, @Footnote: ¹ abhi. 42/102/41 ² Ma. rupavacararupavacaravipakam ³ cha.Ma. niradhipatikaneva @⁴ cha.Ma. tattha Sayampi cutipatisandhivasena na acinati. Tenettha "katatta upacitatta"ti avatva "katatta bhavitatta"ti vuttam. Sunnatantiadisu "maggo tava agamanato, sagunato, arammanatoti tihi karanehi namam labhati"ti idam hettha kusaladhikare vittharitam. "tattha suttantikapariyayena sagunatopi arammanatopi namam labhati. Pariyayadesana hesa, abhidhammakatha pana nippariyayadesana. Tasma idha sagunato va arammanato va namam na labhati, agamanatova labhati. Agamanameva hi dhuram, tam dvidham hoti vipassanagamanam, maggagamananti. Tattha maggassa agatatthane vipassanagamanam dhuram, phalassa agatatthane maggagamanam dhuran"ti. Idampi hettha vuttameva. Tesu idam phalassa agatatthanam, tasma idha maggagamanam dhuranti veditabbam. So panesa maggo agamanato "sunnatan"ti namam labhitva sagunato ca arammanato ca "animitto appanihito"tipi vuccati, tasma sayam agamaniyatthane thatva attano phalassa tini namani deti. Katham? ayam hi suddhaagamanavaseneva laddhanamo sunnatamaggo sayam agamaniyatthane thatva attano phalassa namam dadamano "sunnatan"ti namam akasi. Sunnataanimittamaggo sayam agamaniyatthane thatva attano phalassa namam dadamano "animittan"ti namam akasi. Sunnataappanihitamaggo sayam agamaniyatthane thatva attano phalassa namam dadamano "appanihitan"ti namam akasi. Imani pana tini namani magganantare phalacittasmimyeva imina nayena labbhanti, na ^1- aparabhage valanjanaphalasamapattiya. Aparabhage pana aniccadihi tihi vipassanahi vipassitum sakkoti, athassa vutthitavutthitavipassanavasena ^2- animittaappanihitasunnatasankhatani tini phalani uppajjanti, tesam taneva sankhararammanani aniccanupassanadini nanani anulomananani nama honti. @Footnote: ¹ cha.Ma. no ² Ma. vutthitavipassanavasena Yo cayam sunnatamagge vutto, appanihitamaggepi eseva nayo. Ayam ^1- hi suddhaagamanavaseneva laddhanamo appanihitamaggo sayam agamaniyatthane thatva attano phalassa namam dadamano "appanihitan"ti namam akasi. Appanihitaanimittamaggo sayam agamaniyatthane thatva attano phalassa namam dadamano "animittan"ti namam akasi. Appanihitasunnatamaggo sayam agamaniyatthane thatva attano phalassa namam dadamano "sunnatan"ti namam akasi. Imanipi tini namani magganantare phalacittasmimyeva imina nayena labbhanti, na aparabhage valanjanasamapattiyati. ^2- Evam imasmim vipakaniddese kusalacittehi tigunani vipakacittani veditabbani. Yatha pana tebhumikakusalani attano vipakam adhipatim labhapetum na sakkonti, na evam lokuttarani. ^3- Kasma? tebhumikakusalananhi anno ayuhanakalo, anno vipaccanakalo, tenetani ^4- attano vipakam adhipatim labhapetum na sakkonti. Lokuttarani pana taya saddhaya tasmim viriye taya satiya tasmim samadhismim taya pannaya avupasantaya apannakam aviruddham ^5- magganantarameva vipakam patilabhanti, tena attano vipakam adhipatim labhapetum sakkonti. Yatha hi parittakassa aggino gatatthane aggismim nibbutamatteyeva unhakaro nibbayitva kinci na hoti, mahantam pana adittam aggikkhandham nibbapetva gomayaparibhande katepi unhakaro avupasantova hoti, evameva tebhumikakusale anno kammakkhano, anno vipakakkhano, parittaaggitthane unhakaranibbapanakalo viya ^6- hoti. Tasma tam attano vipakam adhipatim labhapetum na sakkoti, lokuttare pana taya saddhaya .pe. Taya pannaya avupasantaya magganantarameva phalam uppajjati. Tasma tam attano vipakam adhipatim labhapetiti veditabbam. Tenahu porana "vipake adhipati natthi thapetva lokuttaran"ti. @Footnote: ¹ cha.Ma. ayampi ² cha.Ma. valanjanakaphalasamapattiyati ³ cha.Ma. lokuttarakusalani @⁴ cha.Ma. tena tani ⁵ cha.Ma. aviraddham ⁶ cha.Ma. unhabhavanibbutakalo viya [553] Catutthaphalaniddese annatavindriyanti annatavino catusu saccesu nitthitananakiccassa indriyam, annatavinam va catusu saccesu nitthitakiccanam cattari saccani natva pativijjhitva thitanam dhammanam abbhantare indattasadhanena indriyam. [555] Niddesavarepissa annatavinanti ajanitva thitanam. Dhammananti sampayuttadhammanam abbhantare. Annati ajanana. Panna pajananatiadini vuttatthaneva. Maggangam maggapariyapannanti phalamaggassa angam phalamagge ca pariyapannanti attho. Apicettha idam pakinnakam:- ekam indriyam ekam thanam gacchati, ekam chatthanani gacchati, ekam ekatthanam gacchati. Ekam hi anannatannassamitindriyam ekatthanam gacchati sotapattimaggam. Ekam annindriyam hettha tini phalani, upari tayo maggati ^1- chatthanani gacchati. Ekam annatavindriyam ekatthanam gacchati arahattaphalam. Sabbesupi maggaphalesu atthato attha attha indriyaniti catusatthi lokuttaraindriyani kathitani. Palito pana nava nava katva dvasattati honti. Magge "maggangan"ti vuttam, phalepi maggangam. Magge "bojjhango"ti vutto, phalepi bojjhango. Maggakkhane "arati virati"ti vutta, phalakkhanepi "arati virati"ti. Tattha maggo maggabhaveneva maggo, phalam pana maggam upadaya maggo nama, "phalangam phalapariyapannan"ti vattumpi vattati. Magge bujjhanakassa angoti sambojjhango, phale buddhassa angoti sambojjhango. Magge aramanaviramanavaseneva arati virati, phale pana arativirativasenati. Lokuttaravipakakatha nitthita. -------------- @Footnote: ¹ cha.Ma. maggeti

The Pali Atthakatha in Roman Book 53 page 347-350. http://84000.org/tipitaka/atthapali/read_rm.php?B=53&A=8668&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=53&A=8668&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=34&i=422 เนื้อความพระไตรปิฎกฉบับหลวง :- http://84000.org/tipitaka/read/r.php?B=34&A=3395 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=34&A=2942 The Pali Tipitaka in Roman Character :- http://84000.org/tipitaka/read/roman_read.php?B=34&A=2942 Contents of The Tipitaka Volume 34 http://84000.org/tipitaka/read/?index_34