|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
9. Navakaniddesavannana
[960] Navakaniddese nava aghatavatthuniti sattesu uppattivaseneva
kathitani. Purisanam malaniti purisamalani. Navavidhati navakotthasa navappabheda va.
[963] Tanham paticcati tanham nissaya. Pariyesanati rupadiarammanapariyesana.
Sa hi tanhaya sati hoti. Labhoti rupadiarammanapatilabho. So hi
pariyesanaya sati hoti. Vinicchayo pana nanatanhaditthivitakkavasena catubbidho.
Tattha "sukhavinicchayam janna, sukhavinicchayam natva ajjhattam sukhamanuyunjeyya"ti 1-
ayam nanavinicchayo. "vinicchayati dve vinicchaya tanhavinicchayo ca ditthivinicchayo
ca"ti 2- evam agatani atthasatam tanhavicaritani tanhavinicchayo. Dvasatthi
ditthiyo ditthivinicchayo. "../../bdpicture/chando kho devanaminda vitakkanidano"ti 3- imasmim pana
sutte idha vinicchayoti vutto vitakkoyeva agato. Labham labhitva hi itthanittham
sundarasundaranca vitakkeneva vinicchinati "ettakam me ruparammanatthaya bhavissati,
ettakam saddadiarammanatthaya, ettakam mayham bhavissati, ettakam parassa, ettakam
paribhunjissami, ettakam nidahissami"ti. Tena vuttam "labham paticca vinicchayo"ti.
Chandaragoti evam akusalavitakkena vitakkite vatthusmim dubbalarago ca
balavarago ca uppajjati. Idanhi idha chandoti dubbalaragassadhivacanam. Ajjhosananti
@Footnote: 1 Ma.u. 14/323/296 2 khu.maha. 29/470/319 (sya) 3 di.Ma. 10/358/237
Aham mamanti balavasannitthanam. Pariggahoti tanhaditthivasena pariggahakaranam.
Macchariyanti parehi sadharanabhavassa asahanata. Tenevassa porana evam vacanattham
vadanti "idam acchariyam mayhameva hotu, ma annassa acchariyam hotuti pavattatta
macchariyanti vuccati"ti. Arakkhoti dvarapidahanamanjusagopanadivasena sutthu rakkhanam.
Adhikarotiti adhikaranam, karanassetam namam. Arakkhadhikarananti bhavanapumsakam,
arakkhahetuti attho. Dandadanadisu paranisedhanattham dandassa adanam dandadanam.
Ekatodharadino satthassa adanam satthadanam. Kalahoti kayakalahopi vacakalahopi.
Purimo purimo virodho viggaho. Pacchimo pacchimo vivado. Tuvam tuvanti agaravavacanam,
tvam tvanti attho.
[964] Injitaniti phandanani 1- calanani. Asmiti injitametantiadihi
sabbapadehi manova kathito. Ahanti pavattopi hi 2- mano injitameva,
ayamahanti pavattopi, nevasanninasanni bhavissanti pavattopi. Sesanavakehipi
manova kathito. Mano hi injanato injitam, mannanato mannitam, phandanato
phanditam, papancanato papancitam, tehi tehi karanehi sankhatatta sankhatanti
ca vuccati. Sesam sabbattha uttanatthamevati.
Navakaniddesavannana nitthita.
------------
The Pali Atthakatha in Roman Book 54 page 556-557.
http://84000.org/tipitaka/atthapali/read_rm.php?B=54&A=13061&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=54&A=13061&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=35&i=1020
เนื้อความพระไตรปิฎกฉบับหลวง :-
http://84000.org/tipitaka/read/r.php?B=35&A=13421
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=35&A=10635
The Pali Tipitaka in Roman Character :-
http://84000.org/tipitaka/read/roman_read.php?B=35&A=10635
Contents of The Tipitaka Volume 35
http://84000.org/tipitaka/read/?index_35
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]