บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
2. Abhidhammabhajaniyavannana [490] Abhidhammabhajaniye "ariyo"ti avatva atthangiko maggoti vuttam. Evam avuttepi ayam ariyoeva. Yatha hi muddhabhisittassa ranno muddhabhisittaya deviya kucchimhi jato putto rajaputtoti avuttepi rajaputtoyeva hoti, evamayampi ariyoti avuttepi ariyoevati veditabbo. Sesamidhapi saccavibhange vuttanayeneva veditabbam. [493] Pancangikavarepi atthangikopi avuttepi atthangikoeva veditabbo. Lokuttaramaggo hi pancangiko nama natthi. Ayamettha acariyanam samanatthakatha. Vitandavadi panaha "lokuttaramaggopi atthangiko nama natthi, pancangikoyeva hoti"ti. So suttam aharati 1- vutto addha annam apassanto imam 2- mahasalayatanato suttappadesam aharissati.- "ya tathabhutassa ditthi, sassa hoti sammaditthi. Yo tathabhutassa sankappo, vayamo, sati, yo tathabhutassa samadhi, svassa hoti sammasamadhi. Pubbeva kho panassa kayakammam vacikammam ajivo suparisuddho hoti"ti. 3- @Footnote: 1 cha.Ma. aharahiti 2 cha.Ma. idam 3 Ma.u. 14/431/371 Tato "etassa annataram suttapadam ahara"ti vattabbo. Sace aharati, iccetam kusalam. No ce aharati, sayam aharitva "evamassayam ariyo atthangiko maggo bhavanaparipurim gacchati"ti 1- imina te satthu sasanena vado bhinno. Lokuttaramaggo pancangiko nama natthi, atthangikova hotiti vattabbo. Imani pana tini angani pubbe parisuddhani vattanti, lokuttaramaggakkhane parisuddhatarani honti. Atha pancangiko maggoti idam kimattham gahitanti? atirekakiccadassanattham. Yasminhi samaye micchavacam pajahati sammavacam pureti, tasmim samaye sammakammantasammaajiva natthi. Imani panca karapakanganeva micchavacam pajahanti, sammavaca pana sayam virativasena pureti. Yasmim samaye micchakammantam pajahanti, sammakammantam pureti, tasmim samaye sammavacasammaajiva natthi. Imani panca karapakanganeva micchakammantam pajahanti, sammakammanto pana sayam virativasena pureti. Yasmim samaye micchaajivam pajahanti, sammaajivam pureti, tasmim samaye sammavacasammakammanta natthi. Imani panca karapakanganeva micchaajivam pajahanti, sammaajivo pana sayam virativasena pureti. Imam etesam pancannam karapakanganam kiccatirekatam dassetum pancangiko maggoti gahitam. Lokuttaramaggo pana atthangikova hoti, pancangiko nama natthi. Yadi sammavacadihi saddhim atthangikoti vadatha, catasso sammavacacetana tisso sammakammantacetana satta sammaajivacetanati imamha cetanabahutta katham muccissatha. Tasma pancangikova lokuttaramaggoti. Cetanabahuttapi 2- pamuccissama, atthangikova lokuttaramaggoti ca vakkhama. Tvam tava mahacattarisakabhanako hosi na hositi pucchitabbo. Sace na homiti vadati, tvam abhanakatta na janasiti vattabbo. Sace bhanakosmiti vadati, suttam aharati vattabbo. Sace suttam aharati, iccetam kusalam. No ce aharati, sayam uparipannasato aharitabbam:- @Footnote: 1 Ma.u. 14/431/371 2 cha.Ma. cetanabahutta ca "katama ca bhikkhave sammavaca. Sammavacampaham bhikkhave dvayam vadami:- atthi bhikkhave sammavaca sasava punnabhagiya upadhivepakka, atthi bhikkhave sammavaca ariya anasava lokuttara magganga. Katama ca bhikkhave sammavaca sasava punnabhagiya upadhivepakka. Musavada veramani pisunaya vacaya veramani pharusaya vacaya veramani samphappalapa veramani. Ayam bhikkhave sammavaca sasava punnabhagiya upadhivepakka. Katama ca bhikkhave sammavaca ariya anasava lokuttara magganga. Ya kho bhikkhave ariyacittassa anasavacittassa ariyamaggasamangino ariyamaggam bhavayato catuhipi vaciduccaritehi arati virati pativirati veramani. Ayam bhikkhave sammavaca ariya anasava lokuttara magganga. .pe. Katamo ca bhikkhave sammakammanto. Sammakammantampaham bhikkhave dvayam vadami .pe. Upadhivepakko. Katamo ca bhikkhave sammakammanto ariyo anasavo lokuttaro .pe. Katamo ca bhikkhave sammaajivo. Sammaajivampaham bhikkhave dvayam vadami .pe. Upadhivepakko. Katamo ca bhikkhave sammaajivo ariyo anasavo lokuttaro maggango. Ya kho bhikkhave ariyacittassa anasavacittassa ariyamaggasamangino ariyamaggam bhavayato micchaajiva arati virati pativirati veramani. Ayam bhikkhave sammaajivo ariyo anasavo lokuttaro maggango"ti. 1- @Footnote: 1 Ma.u. 14/138,139,140/124-5 Evamettha catuhi vaciduccaritehi tihi kayaduccaritehi micchajivato cati ekekava virati ariya anasava lokuttara maggangati vutta, kuto ettha cetanabahuttam, kuto pancangiko maggo, idante suttam akamakassa lokuttaramaggo atthangikoti dipeti. Sace ettakena sallakkheti, iccetam kusalam. No ce sallakkheti, annanipi karanani aharitva sannapetabbo. Vuttam hetam bhagavata:- "yasmim kho subhadda dhammavinaye ariyo atthangiko maggo na upalabbhati, samanopi tattha na upalabbhati .pe. Imasmim kho subhadda dhammavinaye ariyo atthangiko maggo upalabbhati, idheva subhadda samano .pe. Sunna parappavada samanebhi annehi"ti. 1- Annesupi anekesu suttasatesu atthangikova maggo agato. Kathavatthupakaranepi vuttam:- magganatthangiko 2- settho saccanam caturo pada virago settho dhammanam dvipadananca cakkhumati attheva suttantoti, amanta. Tena hi atthangiko maggo"ti. 3- Sace pana ettakenapi sannattim na gacchati, gaccha viharam pavisitva yagum pivahiti uyyojetabbo. Uttarim pana karanam vakkhatiti atthanametam. Sesamettha uttanatthameva. Naya panettha ganetabba. Atthangikamaggasminhi ekato pucchitva ekato vissajjane catusu maggesu cattari nayasahassani vibhattani, pancangikamagge ekato pucchitva ekato vissajjane cattari, patiyekkam pucchitva patiyekkam vissajjane cattari cattariti pancasu angesu visati. Iti purimani attha imani ca visatiti sabbanipi maggavibhange atthavisati nayasahassani vibhattani. Tani ca kho nibbattitalokuttarani kusalaneva, vipake pana kusalato tiguna naya katabbati. Abhidhammabhajaniyavannana nitthita. ----------------- @Footnote: 1 di.Ma. 10/214/132-3 2 cha.Ma. magganam atthangiko 3 abhi. 37/872/496The Pali Atthakatha in Roman Book 54 page 342-345. http://84000.org/tipitaka/atthapali/read_rm.php?B=54&A=8100&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=54&A=8100&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=35&i=580 เนื้อความพระไตรปิฎกฉบับหลวง :- http://84000.org/tipitaka/read/r.php?B=35&A=7559 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=35&A=6448 The Pali Tipitaka in Roman Character :- http://84000.org/tipitaka/read/roman_read.php?B=35&A=6448 Contents of The Tipitaka Volume 35 http://84000.org/tipitaka/read/?index_35
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]