บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Paticcavara paccayapaccaniyavannana [86-87] Paccayapaccaniyam pana yasma kusalapade na labbhati kusaladhammassa hetupaccayena vina anuppattito, tasma akusalam dhammam paticcatiadi araddham. @Footnote: 1 cha.Ma. labbhati, tam 2 cha.Ma. paccayasanniveso @3 cha.Ma. yo yo 4 cha.Ma. mulakam Tattha nahetupaccayati hetupaccayapatikkhepo hetupaccayam vina annena paccayena uppajjatiti attho. Vicikicchasahagato uddhaccasahagato mohoti ayanhi sampayutta- dhammananceva cittasamutthanarupassa ca sayam hetupaccayo hoti, annassa pana sampayuttahetuno abhava na hetupaccaya uppajjatiti thapetva hetupaccayam sesehi attano anurupapaccayehi uppajjati. Imina nayena sabbattha patikkhepesu 1- attho veditabbo. Ahetukam vipakabyakatanti idam rupasamutthapakavaseneva veditabbam. Annesupi evarupesu eseva nayo. [88] Nadhipatipaccaye kamam adhipatipi attana saddhim dutiyassa adhipatino abhava adhipatipaccayam na labhati, yatha pana vicikicchuddhaccasahagato moho ahetuko, na tatha adhipatiyeva 2- niradhipati. Chandadisu pana annataram adhipatim akatva kusaladinam uppattikale sabbepi kusaladayo niradhipatino. Tasma moham viya visum adhipatimattameva anuddharitva sabbasangahikavasenevesa "ekam khandham paticca tayo khandha"tiadika desana katati veditabba. [89] Nanantaranasamanantaresu narammane viya rupameva paccayuppannam. Tena vuttam "narammanapaccayasadisan"ti. Sahajatapaccayo parihino. Yatha cesa, tatha nissayaatthiavigatapaccayapi. Kimkarana? etehi vina kassaci anuppattito. Sahajatanissayaatthiavigatapaccaye hi paccakkhaya ekopi ruparupadhammo nuppajjati, tasma te parihina. [90] Naannamannapaccayavibhange patisandhikkhane vipakabyakate khandhe paticca katattarupanti hadayavatthuvajjam veditabbam. [91] Naupanissayapaccayavibhange rupameva paccayuppannam. Tanhi upanissayapaccayam na labhati. Arupam pana kincapi arammanupanissayapakatupanissaye na labheyya, anantarupanissayamuttakam pana natthi. Tena vuttam "naarammanapaccayasadisan"ti. @Footnote: 1 cha.Ma. sabbapaccayapatikkhepesu 2 cha.Ma. adhipatayo eva [92] Napurejate cittasamutthanam rupanti pancavokaravasena vuttam. [93] Napacchajatapaccayati ettha sahajatapurejatapaccaya sangaham gacchanti. Tasma sahajatapaccayasadisa ettha pali, sa pana 1- nadhipatipaccaye vittharitati idha sankhitta. Nasevanapaccayo kusalakusalapathamajavanavasena veditabbo, 2- tatha kiriyabyakatam. Pali pana idhapi nadhipatipaccaye vittharitavaseneva veditabba. Tenevaha "napacchajatapaccayampi nasevanapaccayampi nadhipatipaccayasadisan"ti. [94-97] Nakammapaccaye vipakacetana nanakkhanikakammapaccayam labhatiti na gahita. Naharapaccaye ekaccam rupameva paccayuppannam, tatha naindriyapaccaye. [98] Najhanapaccaye pancavinnanadhamma ca ekaccanca rupam paccayuppannam. Pancavinnanasminhi vedana ca cittekaggata ca dubbalatta upanijjhanalakkhanam na papunantiti jhanapaccaye te 3- na gahita. [99-102] Namaggapaccaye ahetukavipakakiriyanceva ekaccanca rupam paccayuppannam. Nasampayuttanonatthinovigatesu rupameva paccayuppannam. Tena vuttam "narammanapaccayasadisan"ti. [103] Nahetuya dveti ekamulakagananaya yathapalimeva niyyati. [104] Dumulake nahetupaccaya narammane ekanti ettha kincapi bahugananena saddhim unataragananassa samsandane unataraganananam vasena nahetuya viya dvihi bhavitabbam, narammanavasena pana arupadhammanam parihinatta abyakatam paticca rupabyakatassa uppattim sandhaya "ekan"ti vuttam. Sabbesu ekakesupi eseva nayo. Dveti vuttatthane pana nahetuya laddhavasena varadvayam veditabbam. @Footnote: 1 cha.Ma. ayam saddo na dissati 2 cha.Ma. nasevanapaccaye kusalakusala pathamajavanavasena @veditabba 3 cha.Ma. ayam patho na dissati [105-106] Timulakadisu pana sabbesu narammanapaccayassa aparihinatta ekameva vissajjananti ayam paccaniye nahetupaccayam adim katva ekamulakadisu ganana. [107-130] Narammanapaccayadayo pana ekamulake tava purimena sadisatta idhapi na dassitayeva. Narammanapaccayavasena dumulake narammanapaccaya nahetuya ekanti nahetudumulake vuttameva. Nadhipatiya pancati narammanapaccaye laddhavasena veditabbati evam sabbasamsandanesu unataragananasseva paccayassa vasena ganana veditabba. Yattha yattha ca narammanapaccayo pavisati, tattha tattha rupameva paccayuppannam. Nanantaranasamanantaranaannamannanaupanissayanaharanaindriyanasampayutta- nonatthinovigatapaccayanam pavitthatthanepi eseva nayo. Naharanaindriyanajhana- namaggapaccaya sabbattha sadisavissajjana. Nasahajatadicatukkam idhapi parihinamevati idamettha lakkhanam. Imina pana lakkhanena sabbesu dumulakadisu "ayam paccayo mulam, ayancettha 1- dumulako, ayam timulako, ayam sabbamulako"ti tam 2- sallakkhetva unataragananassa paccayassa vasena ganana veditabbati. Paccayapaccaniyavannana nitthita. -----------The Pali Atthakatha in Roman Book 55 page 482-485. http://84000.org/tipitaka/atthapali/read_rm.php?B=55&A=10899&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=10899&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=36&i=573 เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A=2940 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A=2967 The Pali Tipitaka in Roman Character :- http://84000.org/tipitaka/read/roman_read.php?B=36&A=2967 Contents of The Tipitaka Volume 36 http://84000.org/tipitaka/read/?index_36
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]