AtthaPali Vol.55

3. Paccayavaravannana [243] Paccayavare kusalam dhammam paccayati kusaladhamme patitthito hutva kusalam dhammam nissayatthena paccayam katvati attho. Kusalam ekam khandham paccayati kusalam ekam khandham nissayam ^1- katva tayo khandha uppajjanti hetupaccayati vuttam hoti. Iminava upayena sabbapadesu attho veditabbo. Vatthum paccaya vipakabyakata kiriyabyakata khandhati idam pancavokare pavattivasena vuttam. Pancavokare pavattiyanhi khandhanam purejatam vatthum ^2- nissayapaccayo hoti. Paticcatthassa pana sahajatatthatta paticcavare esa nayo na labbhatiti patisandhiyam sahajatameva vatthum sandhaya "vatthum paticca khandha"ti vuttam. Kusalam ekam khandhanca vatthunca paccaya tayo khandhatiadisupi iminava nayena attho veditabbo. Abyakatam dhammam paccaya kusalo ca abyakato cati kusalabyakatanam hetupaccayavasena ekato uppattim sandhaya vuttam. Kusaluppattikkhanasminhi vatthum nissaya kusala khandha cittasamutthane ca mahabhute nissaya cittasamutthanam upadarupam hetupaccayavasena ekato uppajjati. Iti paccayabhutassa abyakatassa nanattepi paccayuppannanam hetupaccayavasena ekato uppattim sandhayetam vuttanti veditabbam. Annesupi evarupesu thanesu eseva nayo. Evam imasmim hetupaccaye sahajatanca purejatanca nissayatthena paccayam katva sattarasa panha vissajjita. Tattha khandha ceva bhuta ca sahajatavasena, vatthum ^2- sahajatapurejatavasena gahitam. Paticcavare pana sahajatavasena paccayo labbhati, tasma tattha naveva panha vissajjita. Ye panete ettha sattarasa panha vissajjita, tesu ekadike ekavasane vissajjane kusaladisu ekapaccayato eko paccayuppanno. Ekadike dukavasane ekapaccayato nanapaccayuppanno. Dukadike ekavasane nanapaccayato eko paccayuppanno. Dukadike dukavasane nanapaccayato nanapaccayuppanno. @Footnote: ¹ cha.Ma. nissayapaccayam ² cha.Ma. vatthu [248-252] Arammanapaccayadisupi iminava upayena panhavissajjanappabhedo veditabbo. Yampanetam arammane ^1- vatthum paccaya khandhati vuttam, tam patisandhikkhane vipakakkhandheyeva sandhaya vuttam. Cakkhuvinnanadini abyakatam nissaya arammanapaccayena uppajjantanam pabhedadassanattham vuttani. Puna vatthum paccayati pavatte vipakakiriyabyakatanam uppattidassanattham vuttam. Sesam purimanayeneva veditabbam. Evam imasmim arammanapaccaye sahajatanca purejatanca paccayam katva satta panha vissajjita. Tattha khandha sahajatavasena, vatthum ^2- sahajatapurejatavasena, cakkhvayatanadini purejatavasena gahitani. Paticcavare pana sahajatavaseneva paccayo labbhati, tasma tattha tayova panha vissajjita. [253-254] Adhipatipaccaye vipakabyakatam lokuttarameva veditabbam. Anantarasamanantara rupabhavena arammanasadisa. Parato asevananatthivigatesupi eseva nayo. [255] Sahajatapaccaye katattarupam upadarupanti upadarupasankhatam katattarupam. Idam asannasattananneva rupam sandhaya vuttam. Cakkhvayatanadini pancavokaravasena vuttani. [256-257] Annamannapaccaye ca yatha arammanapaccaya evanti vissajjanasamatam sandhaya vuttam. Paccayuppannesu pana nanattam atthi. [258] Upanissayapaccaye arammanapaccayasadisanti rupabhavatopi vissajjanasamatayapi vuttam. [259-260] Vatthum purejatapaccayatiadinam paticcavare vuttanayeneva attho gahetabbo. @Footnote: ¹ cha.Ma. arammanapaccaye ² cha.Ma. vatthu [261-266] Kammapaccaye tiniti kusalam paccaya kusalo abyakato kusalabyakato cati evam tini veditabbani. Akusalepi eseva nayo. [267-268] Vippayuttapaccaye khandhe vippayuttapaccayati khandhe nissaya vippayuttapaccaya uppajjantiti attho. Khandha vatthum vippayuttapaccayati khandha vatthum nissaya vippayuttapaccaya uppajjantiti attho. Sesam hettha vuttanayeneva veditabbam. [269-276] Idani yathaladdhani vissajjanani gananavasena dassetum hetuya sattarasatiadimaha. Tattha hetuya sattarasati kusalena kusalam, kusalenabyakatam, kusalena kusalabyakatanti evam kusalavasena ekadikani ekavasanani dve, dukavasanamekanti tini vuttani honti, tatha akusalavasena. Abyakatenabyakatam, teneva kusalam, akusalam, kusalabyakatam, akusalabyakatanca, kusalabyakatehi kusalam, abyakatam, kusalabyakatam, akusalabyakatehi akusalam, abyakatam, akusalabyakatanti evam sattarasa varani veditabbani. Arammane sattati kusalena kusalam, akusalenakusalam, abyakatenabyakatam, abyakatena kusalam, abyakatena akusalam, kusalabyakatena kusalam, akusalabyakatena- kusalanti evam satta. Vipake ekatamti abyakatena abyakatameva. Evamettha sattarasa satta ekanti tayo varapariccheda honti. Tesu dvadasa sattarasaka ekadasa ^1- sattaka ekam ekakanti te sabbe sadhukam sallakkhetva parato dukatikadivasena paccayasamsandane unataragananassa vasena ganana veditabba. Sakka hi imaya gananaya dukamulakadisu varaparicchedam ^2- janitunti puna "kusalam dhammam paccaya @Footnote: ¹ cha.Ma. dasa ² cha.Ma. varaparicchede Kusalo dhammo"ti anamasitva gananavaseneva varaparicchedam dassetum hetupaccaya arammane sattatiadi araddham. Tattha kusalam dhammam paccaya kusalo dhammo uppajjati hetupaccaya arammanapaccaya. Kusalam ekam khandham paccaya tayo khandhati imina nayena arammane laddhavissajjanani vittharetabbani. Ayantava anulome nayo.

The Pali Atthakatha in Roman Book 55 page 490-493. http://84000.org/tipitaka/atthapali/read_rm.php?B=55&A=11064&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=11064&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=36&i=662 เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A=4769 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A=4636 The Pali Tipitaka in Roman Character :- http://84000.org/tipitaka/read/roman_read.php?B=36&A=4636 Contents of The Tipitaka Volume 36 http://84000.org/tipitaka/read/?index_36