Atthakatha Book 55 : PALI ROMAN
Panca.A. (paramatthadi.)

    [351-354] Paccaniye pana kusalam na labbhatiti akusalameva adim
katva vissajjanam katam, tam uttanatthameva.
    [359] Yampanetam 3- paccaniye vissajjanaparicchedam gananato dassetum
nahetuya dvetiadi vuttam, tattha dve tini ekanti tayo pariccheda, tesam
vasena dukatikadisu paccayasamsandane ganana veditabba. Idhapi adhikataraganananam
unataragananena saddhim samsandane unataragananameva labbhati, samagananena saddhim samagananam.
@Footnote: 1 cha.Ma. ayam patho na dissati   2 cha.Ma. labbhatiti  3 cha.Ma. yampanettha
Yasma cettha arupadhammayeva paccayuppanna, tasma nahetunadhipatinapurejata-
napacchajatanasevananakammanavipakanajhananamagganavippayuttavasena daseva paccaya
paccanikato dassita, sesa cuddasa na labbhanti. Yepi labbhanti, tesupi
vipake paccayuppanne nakammanavipaka na labbhanti.
    [360-368] Nahetupaccaya nadhipatiya dveti nahetuya laddham dvayameva.
Sesadvayesupi eseva nayo. Nakamme ekanti ahetukakiriyacetanam paccayuppannam
katva abyakatena abyakatam. Navipake dveti ahetukamohakiriyavasena dve.
Najhane ekanti ahetukapancavinnanavasena abyakatavissajjanam veditabbam.
Namagge ekanti ahetukavipakakiriyavasena abyakatavissajjanam. Imina upayena
sabbasamsandanesu attho veditabboti.


             The Pali Atthakatha in Roman Book 55 page 496-497.
http://84000.org/tipitaka/atthapali/read_rm.php?B=55&A=11213&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=55&A=11213&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=36&i=
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=36&A=
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=36&A=
             The Pali Tipitaka in Roman Character :-
http://84000.org/tipitaka/read/roman_read.php?B=36&A=
             Contents of The Tipitaka Volume 36
http://84000.org/tipitaka/read/?index_36