AtthaPali Vol.55

Anulomapaccaniyavannana [550] Anulomapaccaniye "hetuya satta, arammane nava"ti evam anulome "nahetuya pannarasa, narammane pannarasa"ti evam paccaniye ca laddhagananesu paccayesu yo yo paccayo anulomato thito, tassa tassa anulome laddhavarehi saddhim ye paccaniyato thitassa paccaniye laddhavaresu sadisavara, tesam vasena ganana veditabba. Anulomasminhi hetupaccaye "hetuya satta"ti satta vara laddha, paccaniye narammanapaccaye "narammane pannarasa"ti pannarasa laddha. Tesu ye hetuya satta vutta, tehi saddhim narammane vuttesu pannarasasu "kusalo kusalassa, abyakatassa, kusalabyakatassa, akusalo akusalassa, abyakatassa, akusalabyakatassa, abyakato abyakatassa"ti ime satta sadisa, te sandhaya hetupaccaya narammane sattati vuttam. Nadhipatiya sattatiadisupi eseva nayo. Nasahajatassa pana hetupaccayassa abhava nasahajate ekopi na labbhati, tasma tena saddhim yojana na katati. ^1- Naannamanne kusaladayo tayo rupabyakatassa labbhanti, te sandhaya tiniti vuttam. Tatha nasampayutte. Navippayutte pana kusalo ^2- kusalassa, akusalo ^3- akusalassa, abyakato ^4- abyakatassati arupadhammavasena tini veditabbani. Nanissayanoatthinoavigata nasahajato viya @Footnote: ¹ cha.Ma. na kata ² cha.Ma. kusalam ³ cha.Ma. akusalam ⁴ cha.Ma. abyakatam Na labbhantiyevati tehipi saddhim yojana na kata. Evamettha satta tiniti dveyeva pariccheda, ^1- tesam vasena unataragananena saddhim atirekagananassapi gananam parihapetva paccayaghatanesu ganana veditabba. [551] Tattha hetusahajatanissayaatthiavigatanti narammane sattati kusalo dhammo kusalassa dhammassa hetupaccayena paccayo, sahajatanissayaatthiavigatapaccayena paccayo, narammanapaccayena paccayo. Kusalo hetu ^2- sampayuttakanam khandhanam hetupaccayena paccayo, sahajatanissayaatthiavigatapaccayena paccayo, narammanapaccayena paccayoti imina nayena satta vara uddharitabba. Nadhipatiya sattatiadisupi eseva nayo. Dutiyaghatane annamannassa pavitthatta thapetva nasampayuttam sesesu tiniti vuttam. Nasampayutte pana annamannavippayuttam patisandhinamarupam sandhaya ekanti vuttam. Annamannapaccayo cettha anulomaghatane pavitthatta paccaniyato na labbhati, tasma "naannamanne"ti na vuttam. Yatha cettha, evam sesaghatanesupi pavitthapaccaya paccaniyato na labbhantiti na vutta. Tatiyaghatane sampayuttassa pavitthatta sabbattha tiniyeva. Catutthaghatane vippayuttassa pavitthatta tini kusaladini cittasamutthanarupassa. Pancame vipakassa pavitthatta sabbattha ekam abyakatena abyakatam. Ito paresupi vipakasampayuttesu eseva nayo. [552] Hetusahajatanissayaindriyamaggaatthiavigatanti narammane cattariti kusalo kusalassa, kusalo abyakatassa, kusalo kusalabyakatassa, abyakato abyakatassati imesam vasena veditabbani. Sesesupi eseva nayo. Naannamanne dveti ^3- kusalo kusalabyakatassa, abyakato abyakatassa. ^3- Parato dvisupi eseva nayo. Imina upayena sabbaghatanesu labbhamanavasena ganana veditabba. @Footnote: ¹ cha.Ma. gananapariccheda ² cha.Ma. kusala hetu @^3-3 cha.Ma. kusalo abyakatassa, tatha abyakato Sabbanipi cetani imasmim anulomapaccaniye sahajatavasena ceva pakinnakavasena ca pannarasadhikani cattari ghatanasatani vuttani. Tesu tasmim tasmim ghatane ye anulomato thita paccaya, tesam ekopi paccaniyato na labbhati. Hetumulake cettha pathamaghatane anulomato pancannam paccayanam thitatta paccaniyato ekunavisati paccaya agata, evam sesesupi anulomato thitavasesa paccaniyato agata. Anulomato cettha bahusupi paccayesu ^1- paccaniyato ekekova agatoti veditabbo. Yatha ca hetumulake, evam arammanadimulakesupi sabbametam vidhanam yathanurupato veditabbanti. Anulomapaccaniyavannana nitthita. ----------

The Pali Atthakatha in Roman Book 55 page 548-550. http://84000.org/tipitaka/atthapali/read_rm.php?B=55&A=12387&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=12387&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=36&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A= The Pali Tipitaka in Roman Character :- http://84000.org/tipitaka/read/roman_read.php?B=36&A= Contents of The Tipitaka Volume 36 http://84000.org/tipitaka/read/?index_36