ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 55 : PALI ROMAN Panca.A. (paramatthadi.)

                        11. Gatianuyogavannana
     [69-72] Idani gatiparivattanamukhena cutipatisandhianuyogo hoti. Tattha
yasma puggalavadi "sa sattakkhattuparamam sandhavitvana puggalo"tiadini 1-
suttani nissaya puggalo sandhavatiti laddhim gahetva voharati, tasmassa
@Footnote: 1 sam.ni. 16/133/179, khu.iti. 25/24/248
Tam laddhim bhinditum sandhavatiti puccha sakavadissa. Tattha sandhavatiti samsarati
gamanagamanam karoti. Attano laddhivasena patinna paravadissa. So puggalotiadayo
anuyogapi sakavadissa, patikkhepo paravadissa. Tattha soti soyevati
attho. Evam pana anuyutto sassataditthibhayena patikkhipati. Annoti puttho
ucchedaditthibhayena. So canno cati puttho ekaccasassataditthibhayena. Neva so
na annoti puttho amaravikkhepaditthibhayena. Puna cattaropi panhe ekato
puttho catunnampi ditthinam bhayena patikkhipitva puna yanissa suttani nissaya
laddhi uppanna, tani dassento tena hi puggalo sandhavatitiadimaha.
     [76] Puna sakavadina "yvayam tava laddhiya sandhavati, kim so asminca
parasminca loke ekoyeva"ti adhippayena svevati niyametva puttho
sassatabhaya patikkhipitva puna dalham katva tatheva puttho yasma so puggalova
na anno bhavo, "so tato cuto idhupapanno"ti adisuttampi 1- atthi, tasma
patijanati. Sveva manussoti puttho manussasseva devatabhavato patikkhipati.
     [77] Puna puttho "aham tena samayena sunetto nama sattha
ahosin"tiadisuttavasena 2- patijanati. Athassa sakavadi devamanussupapattinam
nanattato tam 3- vacanam micchati pakasento manusso hutvatiadimaha.
     [78] Tattha hevam maranam na hehititi evam sante maranam na bhavissatiti
attho. Ito param yakkho petoti attabhavananattavasena anuyogananattam
veditabbam.
     [82] Khattiyotiadini jativasena ceva angavekalladivasena ca vuttani.
@Footnote: 1 vinaYu. 1/12/6, di.Si. 9/244/82, Ma.mu. 12/52/30
@2 an. sattaka. 23/63-70/105,137 atthato samanam (sya)
@3 cha.Ma. "tan"ti padam na dissati
     [87] Puna na vattabbanti paravadina putthena idha thitassa 1-
upapattivasena paralokassa gamanabhavato patinna sakavadissa. Puna sotapannassa
bhavantarepi sotapannabhavavijahanato dutiyapatinnapi tasseva. Hancitiadivacanam
paravadissa.
     [88] Puna devaloke upapannassa manussattabhavadassanena anuyogo
sakavadissa.
     [89] Tato param ananno avigatoti ettha anannoti sabbakarena
ekasadiso. Avigatoti ekenapi akarena avigatoti attho. Na hevanti devaloke
upapannassa manussabhavato 2- evamaha.
     [90] Puna dalham katva anuyutto "sveva puggalo sandhavati"ti
laddhiya anujanati. Hatthacchinnotiadi akaravigamanadassanena avigato sandhavatiti
laddhibhindanattham vuttam. Tattha alacchinnoti yassa angutthaka chinna.
Kandaracchinnoti yassa mahanharu chinna.
     [91] Sarupotiadisu pathame panhe imina rupakayena saddhim agamanam
sandhaya patikkhipati. Dutiye antarabhavapuggalam sandhaya patijanati. So hi tassa
laddhiya sarupova gantva matukucchim pavisati. Athassa tam rupam bhijjati. Tam jivanti
yena rupasankhatena sarirena saddhim gacchati, kimassa tadeva jivam tam sariranti
pucchati. Paravadi idha sariranikkhepa suttavirodha ca patikkhipati.
     Savedanotiadisu asannupapattim sandhaya patikkhipati, tadannupapattim
sandhaya patijanati. Tam jivanti yena vedanadisankhatena sarirena saddhim gacchati.
Kimassa tadeva jivam tam sariranti pucchati. Tam jivam tam sariram, annam jivam annam
@Footnote: 1 cha.Ma. paravadina puttho idhatthakassa  2 cha.Ma. manussabhavabhavato
Sariranti etissa hi laddhiya pancapi khandha sariranti adhippeta. Paravadi
suttavirodha patikkhipati.
     [92] Arupotiadisu pathame panhe antarabhavam sandhaya patikkhipati.
Dutiye arupa rupam 1- upapajjamanam sandhaya patijanati. Annam jivanti yam
rupasankhatam sariram pahaya arupo sandhavati, kinte tam sariram annam, annam
jivanti pucchati. Itaro suttavirodha patikkhipati.
     Avedanotiadisu sannibhavam sandhaya patikkhipati, tadannam upapattibhavam 2-
sandhaya patijanati. Annam jivanti yam vedanadisankhatam 3- sariram pahaya avedano
avinnano sandhavati, kinte tam annam sariram, annam jivanti pucchati. Itaro
suttavirodha patikkhipati.
     [93] Rupam sandhavatitiadisu ye rupadayo khandhe upadaya puggalam
pannapeti, kinte tasmim puggale sandhavante tampi rupam sandhavatiti pucchati.
Paravadi "avijjanivarananam sattanam tanhasannojananam sandhavatam samsaratan"ti
sattasseva sandhavanato 4- patikkhipati. Puna puttho yasma rupadidhamme vina
puggalo natthi, tasma tasmim sandhavante tenapi rupena sandhavitabbanti
sannaya patijanati. Vedanadisupi eseva nayo.
     [94] Rupam na sandhavatitiadisu yasma te rupam puggalo na hoti, sveva
ca sandhavatiti vadesi, tasma tam pucchami, kinte rupam na sandhavatiti attho.
Itaro puggalena sandhavantena 5- na sakka tassa upadanabhutena rupena
sandhavitunti sannaya patikkhipati. Puna puttho sattananceva 6- sandhavanato
patijanati. Sesamettha uttanameva.
@Footnote: 1 Si.,Ma. aruppa aruppam         2 cha.Ma. upapattim   3 Si.,Ma. vedanasankhatam
@4 cha.Ma. sandhavanavacanato. evamuparipi  5 cha.Ma. puggale sandhavante
@6 cha.Ma. sattananneva
     Gathanam pana ayamattho:- ayasmato matena rukkham upadaya chaya
viya indhanamupadaya aggi viya ca khandhe upadaya puggalo, rupadinam sandhavane
asati tesu khandhesu bhijjamanesu so tava puggalo bhijjati ce, evam sante
uccheda bhavati ditthi, ucchedaditthi te apajjati. Katara? ya buddhena
vivajjita akusaladitthi. Ya pana "ucchedavadi samano gotamo"ti pariyayabhasita,
na tam vadamati dasseti. Athapi tesu khandhesu bhijjamanesu so puggalo na
bhijjati, evam sante  sassato puggalo hoti. Tato so nibbanena samasamo
apajjati. Samasamoti ativiya samo, samena va samo, samabhaveneva samo. Yatha ca 1-
nibbanam na uppajjati na bhijjati, 2- evam so puggalopi na bhijjate, puggalo
tena 2- samasamoti.
                Gatiparivattanamukhena cutipatisandhanuyogo nitthito.
                        Anuyogavannana nitthita.
                           -----------



             The Pali Atthakatha in Roman Book 55 page 145-149. http://84000.org/tipitaka/atthapali/read_rm.php?B=55&A=3256&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=3256&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=36&i=452              เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A=1966              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A=2201              The Pali Tipitaka in Roman Character :- http://84000.org/tipitaka/read/roman_read.php?B=36&A=2201              Contents of The Tipitaka Volume 36 http://84000.org/tipitaka/read/?index_36

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]