AtthaPali Vol.55

13. Purisakaranuyogavannana [123] Idani purisakaranuyogo hoti. Tattha kamme sati niyamato tassa karakenapi bhavitabbanti laddhiya puccha paravadissa, tatharupanam kammanam atthitaya patinna sakavadissa. Puna katta karetati puccha paravadissa. Tattha kattati tesam kammanam karako. Karetati anattidesanadihi upayehi karapako. Idani yasma paravadi puggalam sandhaya kattati pucchati, na karanamattam, tasma patikkhepo sakavadissa. [124] Tassa katta karetati ettha yadi yam yam upalabbhati, tassa tassa katta ^2- puggalo upalabbhati, puggalo taveva upalabbhati, ^2- kim tassapi karako ca karapako ca anno puggalo upalabbhatiti attho. Paravadi tatha anicchanto @Footnote: ¹ cha.Ma. andho asannasatto ^2-2 cha.Ma. puggalo te upalabbhati Issaranimmanavadabhayena patikkhipati. Puna puttho yasma puggalam matapitaro janenti namam karonti posenti, tasmassa te karaka. Ye ca pana tam kalyanamitta va acariya va tani tani vijjatthanasippayatanani sikkhapenti, te karapaka namati imamattham sandhaya patijanati. Purimakammameva tassa katta ceva karapeta cati adhippetam. [125] Tassa tassevati imina idam vuccati 1-:- yadi kammanam karakassa katta tassapi katta tassapi katta attheva, evam sante purimena purimena avassam paccha paccha puggalo katabboti iminapi tesam ^2- kammanam karakena puggalena ayatim anno puggalo katabbo, tenapi annoti natthi dukkhassa antakiriya, natthi vattassa upacchedo, natthi appaccayam parinibbanam. Paccayabhavena paccayapatibaddhassa dukkhassa abhava yam nibbanam vuttam, natthi te tanti. Athava tassa tassevati yadi kammam kammamattam na hoti, tassa pana karako puggalo, tassapi karako tassapi karakoti evam puggalaparampara atthi, evam sante ya esa kammavattassa appavattikaranena dukkhassa antakiriya vutta, sa natthiti attho. Paravadi tam anicchanto patikkhipati. Ito aparasupi upalabbhatisamannena karakapucchasu puggalamyeva sandhaya "katta kareta"ti vuttam, na paccaye. Na hi mahapathaviadinam paccayo ^3- natthi. [135] Anno kalyanapapakanam kammanam kattati panho "sankharavantam va attanan"tiadiditthibhaya patikkhitto. [136] Vipako upalabbhatitiadi vipakapatisamvedivasena puggalam dassentassa laddhibhindanattham vuttam. Tattha vipakapatisamvediti anuyogo paravadissa, vipakappavattito annassa vedakassa abhava patikkhepo sakavadissa. Puna puccha sakavadissa, patinna itarassa. @Footnote: ¹ cha.Ma. pucchati ² cha.Ma. te ³ cha.Ma. paccaya [138] Tassa patisamvediti tassa tassa ^1- vipakapatisamvedakassa patisamvedi. Yasma pana patisamveditabbo nama vipako, na ca puggalo vipako, tasma patikkhepo paravadissa. Puna puttho yasma punnavipake thitatta vipakapatisamvedi puttam va patim va mata va jaya va parimuccati ^2- parisajjati, tasma tatharupam patisamveditam sandhaya patijanati paravadi. Tassa tassevati yadi vipako vipakamattam na hoti, tassa pana patisamvedi puggalo, tassapi patisamvedi, tassapi patisamvediti evam puggalaparampara atthi, evam sante ya esa vipakavattassa appavattikaranena dukkhassa antakiriya vutta, sa natthiti attho. Ito param upalabbhatisamannena patisamvedipucchasu hettha vuttanayeneva attho veditabbo. [142] Anno kalyanapapakanam kammanam vipakapatisamvediti panho "vedanavantam va attanan"tiadiditthibhaya patikkhitto. [143] Dibbam sukhantiadi kalyanapapakanam kammanam vipakam bhajetva dassanavasena araddham. Tam sabbam hettha vuttanayeneva veditabbam. Sakavadino cettha puggalavaseneva patisamvedipatikkhepo veditabbo, na vedayitavasena. [148] Mahapathaviadini hi arammanam katva vedayitanam uppatti appatisiddha. [170] Katta kareta vipakapatisamveditiadi vomissakanayavasena araddham. Tattha so karotiti yam tvam kattati ca patisamvediti ca vadesi, kim soyeva karoti so patisamvedeti. Ayam anuyogo sakavadissa, suttavirodhabhayena patikkhepo paravadissa. [171] Puna puttho "idha nandati pecca nandati"tiadisuttavasena ^3- patijanati. ^4- Athassa vacanokasam patibahanto sakavadi sayamkatam sukhadukkhanti aha. @Footnote: ¹ cha.Ma. ekameva "tassa"ti padam dissati ² cha.Ma. paricumbati @³ khu.dha. 25/18/18 ⁴ cha.Ma. patinna tasseva [172] Tattha anno karotiti karakavedakanam annattapucchavasena vuttam. Tato paravadi suttavirodhabhayena vacanokasam ^1- patikkhipitva puna puttho "manussabhuto katva devabhuto patisamvedeti"ti mannamano patijanati. Evamvadino pana paramkatam sukhadukkham apajjatiti tassa vasena puttho puna patikkhipati. [174] So ca anno cati karakavedakanam ekattaannattapucchavasena vuttam. Tato paravadi suttavirodhabhayeneva patikkhipitva puna puttho purime dvepi naye ekato katva patijanati. Evamvadino pana sayamkatanca paramkatanca sukhadukkham apajjatiti tassa vasena puttho puna patikkhipati. [176] Neva so karotiti karakavedakanam ekattaannattapatikkhepavasena vuttam. Tato paravadi suttavirodhavaseneva patikkhipitva puna puttho yasma manusso devalokupapattiya kammam katva na manussabhutova patisamvedeti, napi yena kammam katam, tato annova patisamvedeti, tasma karakato vedako neva so hoti na annoti mannamano patijanati. Laddhimattamevetam. Evamvadino pana asayamkaram aparamkaram adhiccasamuppannam sukhadukkham apajjatiti tassa vasena puttho puna patikkhipati. Apica imasmim vomissakanaye adito patthaya iminapi nayena attho veditabbo. Yasma hi ayam puggalavadi kammanam karakanceva vedakanca icchati, tasmassa yo karako, teneva va vedakena bhavitabbam, annena va ubhohi va bhavitabbam, ubhohi vapi na bhavitabbanti idamapannam hoti. Evamapannameva anuyogam anuyunjanto sakavadi "neva ^2- so karoti"tiadayo cattaropi vikappe aha. Sesam vuttappakarameva. Pariyosane pana cattaropi panha ekato puttha. Tattha patikkhepo ca patijanana ca sayamkatadidosappatti ca purimanayeneva veditabba. Ito param @Footnote: ¹ cha.Ma. ayam patho na dissati ² cha.Ma. neva-saddo na dissati "kalyanapapakani"ti avatva hettha vuttanayaeva "kammam atthi"tiadina vikappena dassita. Tesampi hettha vuttanayeneva attho veditabbo. Purisakaranuyogavannana nitthita. Kalyanavaggotipi etasseva namam. ----------

The Pali Atthakatha in Roman Book 55 page 152-156. http://84000.org/tipitaka/atthapali/read_rm.php?B=55&A=3407&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=3407&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=36&i=522 เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A=2359 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A=2585 The Pali Tipitaka in Roman Character :- http://84000.org/tipitaka/read/roman_read.php?B=36&A=2585 Contents of The Tipitaka Volume 36 http://84000.org/tipitaka/read/?index_36