ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 55 : PALI ROMAN Panca.A. (paramatthadi.)

                      19. Pativedhanuyogadivannana
     [217] Bhavam nissaya panhe bhavanti upapattibhavam.
     [218] Vedanam vediyamanapanhe vedanam vediyamano pariggahitavedano
yogavacarova pajanati, balaputhujjano nappajanati.
@Footnote: 1 cha.Ma......adisuttavasena   2 sam.sa. 15/171/163
     [224] Kayanupassanadipanho 1- uttanatthoyeva. 2-
     [226] Parayanakathaya 3- sunnato lokam avekkhassuti sattasunnatavasena
khandhalokam olokehiti attho.
     [228] Puggalo avekkhatiti sakavadipuccha. Paravadissa hi "sunnato
lokam avekkhassu"ti gathaya yo avekkhati, so puggaloti laddhi, tasma nam
evam pucchati. Saha rupenati rupakayena saddhim, tato anissito 4- hutvati
attho. Idam pancavokaravasena anujanitva puna tam jivanti puttho suttavirodhabhayeneva
patikkhipati. Vina rupenati idam catuvokaravasena anujanitva puna annam jivanti
puttho suttavirodhabhayeneva patikkhipati. "abbhantaragato"ti ca "bahiddha
nikkhamitva"ti ca idam "saha rupena vina rupena"ti hettha vuttassa
lakkhanavacanam. Tattha abbhantaragatoti rupassa antogato, ito va eto va 5-
anikkhamitva rupaparicchedavaseneva thapito 6- hutvati attho. Nikkhamitvati
rupaparicchedam atikkamitva, rupam anissito hutvati attho.
     [231] Anattati attana jivena puggalena rahito, ekadhammepi
puggalo natthiti attho. Evam sabbasuttanam agamatthakathasu vuttanayeneva attho
veditabbo. Idam 7- pana sandhaya bhasitamattameva vakkhama.
     [237] Vuttam bhagavata sappikumbhotiadi "sabbava desana yathavutta-
vaseneva 8- atthato na gahetabba"ti dassanattham abhatam. Yatha hi suvannam
gahetva kato suvannavikaro kumbho suvannakumbhoti vuccati, na evam sappim
gahetva kato sappissa vikaro sappikumbho nama atthi. Yasmim pana kumbhe
pakkhittam, so sappikumbho namati ayamettha attho. Telakumbhadisupi eseva
@Footnote: 1 cha.Ma......panha  2 cha.Ma. uttanatthayeva  3 cha.Ma. parayanagathaya
@4 cha.Ma. anissato    5 cha.Ma. etto va     6 cha.Ma. thito
@7 cha.Ma. idha        8 cha.Ma. yatharuta.....
Nayo. Yatha ca nibbanam niccam dhuvam, na evam bhattam va yagu va atthi.
Kalaparicchedam pana akatva divase divase dassamati pannattivasena 1- "niccabhattam
dhuvayagu"ti vuccatiti ayamettha attho.
     "atthi puggalo attahitaya patipanno"tiadisupi yatha rupadayo dhamma
paccattalakkhanasamannalakkhanavasena atthi, na evam puggalo. Rupadisu pana sati
evamnamo evamgottoti voharoti. 2- Iti imina lokavoharena lokasammatiya
lokaniruttiya atthi puggaloti ayamettha attho. Vuttampi cetam bhagavata "ima
kho citta lokasamanna lokaniruttiyo lokavohara lokapannattiyo"ti. 3-
Rupadidhamma pana vinapi lokasammatim paccattasamannalakkhanavasena pannapanato
atthiti ayamettha attho.
     Buddhanam pana dve katha sammatikatha ca paramatthakatha ca. Tattha satto
puggalo devo brahmatiadika sammatikatha nama. Aniccam dukkham anatta
khandha dhatuyo ayatanani satipatthana sammappadhanatiadika paramatthakatha
nama.
     Tattha yo sammatiya desanaya sattoti va .pe. Brahmati vati
vutte janitum pativijjhitum niyyatum arahattajayaggaham gahetum sakkoti, tassa
bhagava aditova sattoti va puggaloti va posoti va devoti va brahmati
va katheti. Yo paramatthadesanaya aniccanti va dukkhanti vatiadisu annataram
sutvava janitum pativijjhitum niyyatum arahattajayaggaham gahetum sakkoti, tassa
aniccantiadisu annataram katheti. Tatha sammatikathaya bujjhanakasattassa na
pathamam paramatthakatham katheti, sammatikathaya pana bodhetva paccha paramatthakatham
katheti. Paramatthakathaya bujjhanakasattassapi na pathamam sammatikatham katheti, paramatthakathaya
@Footnote: 1 cha.Ma. pannattavasena  2 cha.Ma. voharo hoti  3 di.Si. 9/440/195
Pana bodhetva paccha sammatikatham katheti. Pakatiya pana pathamameva 1- sammatikatham
kathetva paccha 1- paramatthakatham kathentassa desana sukhakara 2- hoti, tasma
buddha pathamam sammatikatham kathetva paccha paramatthakatham kathenti. Te sammatikatham
kathentapi saccameva sabhavameva amusava kathenti, paramatthakatham kathentapi saccameva
sabhavameva amusava kathenti. Ayanhi:-
              duve saccani akkhasi     sambuddho vadatam varo
              sammatim paramatthanca        tatiyam nupalabbhati.
     Tattha:-
              "sanketavacanam saccam       lokasammatikaranam
               paramatthavacanam saccam       dhammanam tathalakkhanan"ti.
     Aparo nayo:- dve bhagavato desana paramatthadesana ca khandhadivasena
sammatidesana ca sappikumbhadivasena. Na hi bhagava samannam atidhavati. Tasma
"atthi puggalo"ti vacanamattato abhiniveso na katabbo. Satthara hi:-
               pannattim anatikkamma      paramattho pakasito
               samannam natidhaveyya     tasma annopi pandito
               paramattham pakasento     samannam natidhavaye.
     Sesam sabbattha uttanatthamevati.
                         Puggalakatha nitthita.
                           ----------
@Footnote: 1-1 cha.Ma. ime patha na dissanti   2 cha.Ma. lukhakara



             The Pali Atthakatha in Roman Book 55 page 157-160. http://84000.org/tipitaka/atthapali/read_rm.php?B=55&A=3528&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=3528&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=36&i=525              เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A=2516              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A=2642              The Pali Tipitaka in Roman Character :- http://84000.org/tipitaka/read/roman_read.php?B=36&A=2642              Contents of The Tipitaka Volume 36 http://84000.org/tipitaka/read/?index_36

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]