AtthaPali Vol.55

8. Satipatthanakathavannana [301] Idani satipatthanakatha nama ^2- hoti. Tattha "catunnam bhikkhave satipatthananam samudayanca atthangamanca desissami"ti satipatthanasamyutte ^3- vuttanayeneva yesam kayadayo satiya arammanadhamme gahetva "sabbe dhamma satipatthana"ti laddhi seyyathapi etarahi andhakanam, andhaka nama pubbaseliya aparaseliya rajagiriya siddhatthikati ime paccha uppannanikaya, tesam laddhivivecanattham puccha sakavadissa, patinna paravadissa. Tattha yasma "patitthati etesuti patthana. Ka patitthati? sati. Satiya patthana satipatthana"ti imina atthena satigocarapi satipatthana. "patitthahantiti patthana. Ka patitthahanti? satiyo. Satiyova patthana satipatthana"ti imina atthena satiyo eva patthana satipatthanati, ^4- tasma dvepi vada pariyayena yujjanti. Ye panetam ^5- pariyayam @Footnote: ¹ cha.Ma. kammupacayo ² cha.Ma. ayam saddo na dissati ³ sam.Ma. 19/408/161 @⁴ cha.Ma. iti-saddo na dissati ⁵ cha.Ma. ye pana tam Pahaya ekanteneva "sabbe dhamma satipatthana"ti vadanti. Te sandhaya puccha sakavadissa, arammanavasena patinna paravadissa. Sabbe dhamma satiti anuyuttassa pana sabbesam satisabhavabhavato patikkhepo tasseva. Tattha khayagamitiadini maggavisesanamani. ^1- Ekayanamaggo hi kilesanam khayabhutam nibbanam gacchatiti khayagami. Cattari saccani bujjhanto gacchatiti bodhagami. Vattam apacinanto gacchatiti apacayagami. Evametehi padehi "kinte sabbe dhamma evarupo te ekayano maggo hoti"ti pucchati. Anasava asannojaniyatiadinipi lokuttarabhava- pucchanatthaya vuttani. Buddhanussatitiadini pabhedapucchavasena vuttani. Cakkhayatanam satipatthanantiadini ^2- sabbadhammanam pabhedapucchavasena vuttani. ^3- Tatthapi sativasena patikkhepo, arammanavasena patinnati evam sabbapanhesu attho veditabbo. Suttasadhanam uttanatthamevati. ^4- Satipatthanakathavannana nitthita. ------------

The Pali Atthakatha in Roman Book 55 page 179-180. http://84000.org/tipitaka/atthapali/read_rm.php?B=55&A=4022&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=4022&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=36&i=573 เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A=2940 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A=2967 The Pali Tipitaka in Roman Character :- http://84000.org/tipitaka/read/roman_read.php?B=36&A=2967 Contents of The Tipitaka Volume 36 http://84000.org/tipitaka/read/?index_36