Atthakatha Book 55 : PALI ROMAN
Panca.A. (paramatthadi.)

                        7. Cittatthitikathavannana
     [335] Idani cittatthitikatha nama hoti. Tattha yesam samapatticittanceva
bhavangacittanca anuppabandhena pavattamanam disva "ekameva cittam ciram titthati"ti
laddhi seyyathapi etarahi hettha vuttappabhedanam andhakanam, tamladdhivisodhanattham
ekam, cittam divasam 1- titthatiti puccha sakavadissa, patinna itarassa. 2-
Upaddhadivaso uppadakkhanoti ettha thitikkhanam anamasitva "anicca vata sankhara,
uppadavayadhammino"ti 3- desananayena uppadavayavaseneva puccha kata.
     Te dhamma cittena lahuparivattati puttho cittato lahutaraparivattino dhamme
apassanto patikkhipati. Dutiyam puttho yassa cittassa dighatthitim icchati, tam sandhaya
patijanati. Yavatayukam titthatiti panhesu "culasitisahassani, kappa titthanti
ye maru"tiadivacanavasena 4- arupato 5- annatra  patikkhipati, arupe patijanati.
Muhuttam muhuttam uppajjatiti panhe paravadissa "uppadavayadhammino"tiadi-
suttavirodhabhayena patijanati. Thitim panassa laddhivasena icchati. Sesamettha
uttanatthamevati.
                      Cittatthitikathavannana nitthita.
                           -----------


             The Pali Atthakatha in Roman Book 55 page 185.
http://84000.org/tipitaka/atthapali/read_rm.php?B=55&A=4150&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=55&A=4150&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=36&i=667
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=36&A=4921
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=36&A=4767
             The Pali Tipitaka in Roman Character :-
http://84000.org/tipitaka/read/roman_read.php?B=36&A=4767
             Contents of The Tipitaka Volume 36
http://84000.org/tipitaka/read/?index_36