บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
2. Ariyantikathavannana [357] Idani ariyantikatha nama hoti. Tattha yesam "na kevalam asavakkhayananameva ariyam, athakho purimanipi nava balani ariyaniyeva"ti 3- laddhi seyyathapi etarahi andhakanam, te sandhaya ariyanti puccha sakavadissa, patinna itarassa. Puna yadidam ariyamaggadisu 4- tena annatarena bhavitabbanti maggadivasena puccha sakavadissa, patikkhepo itarassa. Puna sunnatarammanadivasena puccha sakavadissa. Tattha dve sunnata sattasunnata ca sankharasunnata ca. Sattasunnata nama ditthiya parikappitabbena 5- sattena sunna pancakkhandha. Sankharasunnata nama sabbasankharehi sunnam vivittam nissatam nibbanam. Tattha paravadi nibbanarammanatam sandhaya patikkhipati, sankhararammanatam sandhaya patijanati. Manasi karotiti putthopi nibbanameva sandhaya patikkhipati, sankhare sandhaya patijanati. Tato sakavadina "thanathanadimanasikaro sankhararammano, sunnatamanasikaro nibbanarammano"ti imam nayam gahetva "dvinnam phassanam dvinnam cittanam samodhanam hoti"ti puttho lesokasam alabhanto patikkhipati. @Footnote: 1 cha.Ma. va-saddo natthi 2 cha.Ma. tathapi 3 cha.Ma. ariyanicceva @4 cha.Ma. puna yadi tam ariyam, maggadisu 5 cha.Ma. parikappitena Animittapanihitesupi eseva nayo. Sattanimittabhavato hi khandha animitta, sankharanimittabhavato nibbanam. Ekadhammasmimpi aropetva thapetabbasankhatena ca panihitabbatthena 1- panidhiti sankhagatena 2- sattapanidhina 3- appanihita khandha, tanhapanidhina va tanhaya va arammanabhutena sabbasankharapanidhina appanihitam nibbanam. Tasma idhapi patikkhepo ca patinna ca purimanayeneva veditabba. [358] Tato "yatha satipatthanadayo lokuttaradhamma ariya ceva sunnatadiarammana ca, kinte evam thanathanananan"ti anulomapatilomapuccha honti. Tattha sabbapi patinna sabbe ca patikkhepa paravadisseva. Iminava upayena sesananesupi pucchavissajjanam veditabbam. Paliyampana sesani sankhipitva avasane cutupapatananameva vibhattam. Tato param sakasamayepi "ariyan"ti siddhena asavanam khayananena saddhim samsandetva sesanananam anulomato ca patilomato ca ariyabhavapuccha honti. Ta sabba paravadissa, patinna ca patikkhepo ca sakavadissa. Te uttanatthayeva. Paliyam panettha pathamanayeneva 4- dassetva satta nanani sankhittaniti. Ariyantikathavannana nitthita. -------------The Pali Atthakatha in Roman Book 55 page 191-192. http://84000.org/tipitaka/atthapali/read_rm.php?B=55&A=4292&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=4292&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=36&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A= The Pali Tipitaka in Roman Character :- http://84000.org/tipitaka/read/roman_read.php?B=36&A= Contents of The Tipitaka Volume 36 http://84000.org/tipitaka/read/?index_36
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]