AtthaPali Vol.55

7. Dibbacakkhukathavannana [373] Idani dibbacakkhukatha nama hoti. Tattha yesam catutthajjhana- dhammupatthaddham mamsacakkhumeva dibbacakkhu nama hotiti laddhi seyyathapi etarahi andhakananceva samitiyananca, te sandhaya mamsacakkhunti puccha sakavadissa, patinna itarassa. Puna "mamsacakkhum dibbacakkhum, dibbacakkhum mamsacakkhun"ti ^2- puttho tammattameva tam na hotiti patikkhipati. Yadisantiadipucchasupi ubhinnam ekasabhavabhaveneva patikkhipati. Visayotiadisupi ^3- ubhinnampi rupayatanameva visayo, mamsacakkhu pana apathagatameva ^4- passati, itaram anapathagatam ^5- tiropabbatadigatampi. Dibbacakkhussa @Footnote: ¹ cha.Ma. ayam patho na dissati ² cha.Ma. mamsacakkhu dibbacakkhu, dibbacakkhu mamsacakkhuti @³ cha.Ma. pi-saddo na dissati ⁴ Si. apatagatameva ⁵ Si. anapatagatam Ca atisukhumampi rupam gocaro, na tadisam itarassati evametesam anubhavagocara asadisa. Upadinnam hutva anupadinnam hotiti puttho yasma mamsacakkhu upadinnam, dibbacakkhu anupadinnam, na ca mamsacakkhumeva dibbacakkhunti ^1- icchati, tasma patikkhipati. Dutiyam puttho yasma "mamsacakkhussa uppado, maggo dibbassa cakkhuno"ti vacanam nissaya mamsacakkhupaccaya dibbacakkhu uppajjati, tanca rupavacarikanam catunnam mahabhutanam pasadoti icchati, tasma patijanati. Kamavacaram hutvati putthopi yasma na mamsacakkhumeva dibbacakkhunti ^1- icchati, tasma patikkhipati. Dutiyam puttho rupavacarajjhanapaccayena uppannatta rupavacaram nama jatanti patijanati. Rupavacaram hutva arupavacaranti putthopi tato param bhavanaya arupavacarakkhane rupavacaracittassa abhava patikkhipati, dutiyam puttho arupavacarikanam catunnam mahabhutanam pasado hutva uppajjatiti laddhiya patijanati. Apariyapannabhavam panassa na icchati, tasma patikkhipatiyeva. [374] Dibbacakkhum dhammupatthaddhanti kamavacaradhammena upatthambhitam hutva. Puna dhammupatthaddhanti lokuttaradhammena upatthaddham. Dveva cakkhuniti puttho kincapi dibbacakkhuno dhammupatthaddhassa pannacakkhubhavam na icchati, pannacakkhussa pana atthitaya patikkhipati. Puna puttho mamsacakkhu dhammupatthaddham dibbacakkhu hotiti laddhivasena patijanati. Sesamettha uttanatthamevati. Dibbacakkhukathavannana nitthita. ---------- @Footnote: ¹ cha.Ma. dibbacakkhuti

The Pali Atthakatha in Roman Book 55 page 196-197. http://84000.org/tipitaka/atthapali/read_rm.php?B=55&A=4410&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=4410&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=36&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A= The Pali Tipitaka in Roman Character :- http://84000.org/tipitaka/read/roman_read.php?B=36&A= Contents of The Tipitaka Volume 36 http://84000.org/tipitaka/read/?index_36