ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 55 : PALI ROMAN Panca.A. (paramatthadi.)

                      6. Bodhiyabuddhotikathavannana
     [398] Idani bodhiya buddhotikatha nama hoti. Tattha bodhiti
catumaggananassapi sabbannutananassapi adhivacanam. Tasma yesam yatha odatena
vannena odato, samena vannena samo, evam bodhiya buddhoti laddhi
seyyathapi etarahi uttarapathakanamyeva, te sandhaya puccha ca anuyogo ca
sakavadissa, patinna ca patikkhepo ca itarassa.
     Atitayati panhe tasmim khane abhavato patikkhipati. Dutiyam puttho
patilabham sandhaya patijanati. Puna kiccavasena puttho kiccabhavato patikkhipati.
Dutiyam puttho yam tena taya karaniyam katam, tattha sammohabhavam patijanati.
Lesokasam pana adatva dukkham parijanatitiadina nayena puttho tassa kiccassa
abhava patikkhipati.
     Anagatapanhe tasmim khane maggananassa abhava patikkhipati. Dutiyam puttho
"agama rajagaham buddho"ti 1- anagataya bodhiya buddhabhavam 2- mannamano
patijanati. Bodhikaraniyam karotiti puttho tasmim khane kiccabhavena patikkhipati.
Dutiyam puttho yadi na kareyya, buddhoti na vucceyya. Yasma avassam karissati,
tasma karotiyeva namati patijanati. Puna lesokasam adatva puttho patikkhipati.
Paccuppannapanho saddhim samsandanaya uttanatthova.
     [399] Tisso bodhiya ekato katva puttho sabbannutananam sandhaya
tihipi buddhoti vattabbabhavato patijanati. Puna tihiti puttho sabbasam
ekakkhane abhava patikkhipati. Dutiyam puttho atitanagatapaccuppannassa
sabbannutananassa vasena patijanati. Puna lesokasam adatva satatam samitanti
puttho patikkhipati.
     Na vattabbam bodhiyati puccha paravadissa, bodhiya abhavakkhane
abuddhabhavapattito patinna sakavadissa. Nanu bodhipatilabhati panhe pana
yasmim santane bodhisankhatam maggananam uppannam, tattha buddhoti sammatisabbhavato
patinna tasseva. Tassa adhippayam ajanitva hanciti laddhitthapana paravadissa.
Idanissa asallakkhanam pakatam katum bodhipatilabha buddhoti bodhiya buddhoti
puccha sakavadissa. Tassattho "kinte yasma bodhipatilabha buddho, tasma
bodhiya buddho"ti. Itaro "bodhipatilabho nama bodhiya uppajjitva niruddhayapi
santane uppannabhavoyeva, bodhi nama maggakkhane nanan"ti imam vibhagam
asallakkhentova puna patijanati. Tato sakavadina bodhipatilabha bodhiti
puttho vacanokasam alabhanto patikkhipatiti.
                    Bodhiyabuddhotikathavannana nitthita.
                 Iti ima tissopi katha uttarapathakanamyeva.
                          ------------
@Footnote: 1 khu.su. 25/411/413   2 Ma. bodhibhavam



             The Pali Atthakatha in Roman Book 55 page 204-205. http://84000.org/tipitaka/atthapali/read_rm.php?B=55&A=4586&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=4586&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=36&i=              เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A=              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A=              The Pali Tipitaka in Roman Character :- http://84000.org/tipitaka/read/roman_read.php?B=36&A=              Contents of The Tipitaka Volume 36 http://84000.org/tipitaka/read/?index_36

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]