AtthaPali Vol.55

4. Danakathavannana [478] Idani danakatha nama hoti. Tattha danam nama tividham cagacetanapi viratipi deyyadhammopi. "saddha hiriyam kusalanca danan"ti ^1- agatatthane cagacetana danam. "abhayam deti"ti ^2- agatatthane virati. "danam deti annam panan"ti agatatthane deyyadhammo. Tattha cagacetana "deti va deyyadhammam, denti va etaya deyyadhamman"ti danam. Virati avakhandanatthena lavanatthena va danam. Sa hi uppajjamana bhayabheravadisankhatam dussilyacetanam dati khandeti lunati vati danam. Deyyadhammo diyyatiti danam. Evametam tividhampi atthato cetasiko ceva dhammo deyyadhammo cati duvidham hoti. Tattha yesam "cetasikova dhammo danam, na deyyadhammo"ti laddhi seyyathapi rajagirikasiddhatthikanam, te sandhaya cetasikoti puccha sakavadissa, patinna itarassa. Atha nam deyyadhammavasena codetum labbhati puccha @Footnote: ¹ an. atthaka. 23/122/240 (sya) ² an. atthaka. 23/129/250 (sya) Sakavadissa, annadini viya so na sakka datunti patikkhepo itarassa. Puna dalham katva putthe "abhayam deti"ti suttavasena patinna tasseva. Phassapanhadisu pana phassam ^1- detitiadivoharam apassanto patikkhipateva. [479] Anitthaphalantiadi acetasikassa dhammassa danabhavadipanattham vuttam. Na hi acetasiko annadidhammo ayatim vipakam deti, itthaphalabhavaniyamattham panetam vuttanti veditabbam. Ayampi hettha adhippayo:- yadi acetasiko annadidhammo danam bhaveyya, hitacittena anittham akantam bhesajjam dentassa nimbabijadihi viya nimbadayo anitthameva phalam nibbatteyya. Yasma panettha hitapharanacagacetana danam, tasma anitthepi deyyadhamme danam itthaphalameva hotiti. Evam paravadina cetasikadhammassa danabhave patitthapite sakavadi itarena pariyayena deyyadhammassa danabhavam sadhetum danam itthaphalam vuttam bhagavatatiadimaha. Paravadi pana civaradinam itthavipakatam apassanto patikkhipati. Suttasadhanam paravadivadepi yujjati sakavadivadepi, na pana ekenatthena. Deyyadhammo itthaphaloti itthaphalabhavamattameva patikkhittam. Tasma tena hi na vattabbanti ettha itthaphalabhaveneva na vattabbata yujjati, databbatthena pana deyyadhammo danameva. Dvinnanhi dananam sankarabhavamocanatthameva ayam kathati. Danakathavannana nitthita. ---------

The Pali Atthakatha in Roman Book 55 page 223-224. http://84000.org/tipitaka/atthapali/read_rm.php?B=55&A=5019&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=5019&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=36&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A= The Pali Tipitaka in Roman Character :- http://84000.org/tipitaka/read/roman_read.php?B=36&A= Contents of The Tipitaka Volume 36 http://84000.org/tipitaka/read/?index_36