บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
7. Pathavikammavipakotikathavannana [492] Idani pathavi kammavipakotikatha nama hoti. Tattha yasma "atthi issariyasamvattaniyam kammam, adhipaccasamvattaniyam kamman"ti ettha 5- issaranam bhavo issariyam nama, adhipatinanca bhavo adhipaccam nama, 5- pathavissariyadhipaccasamvattanikanca kammam atthiti vuttam, tasma yesam "pathavi kammavipako"ti laddhi seyyathapi andhakanam, te sandhaya pathaviti puccha sakavadissa, patinna itarassa. Sukhavedaniyatiadi kammavipakasabhavadassanavasena vuttam. "phasso hoti"tiadina nayena nidditthesu vipakesu phasso sukhavedaniyadibhedo hoti. So ca sannadayo ca sukhavedanadihi sampayutta, vedanadayo sannadihi, sabbepi sarammana, atthi ca nesam purecarikavajjanadisankhatam avajjanam, kammapaccayabhuta cetana, yo tattha itthavipako, tassa patthana, panidhanavasena pavatta mulatanha, kinte evarupa pathaviti pucchati. Itaro patikkhipati. Patilomapucchadini uttanatthaneva. [493] Kammavipako paresam sadharanoti panhe phassadayo sandhaya patikkhipati, kammasamutthanam rupanca pathaviadinamyeva ca sadharanabhavam sandhaya @Footnote: 1 Ma. laddhi patitathapentiyapi 2 cha.Ma. dinneneva 3 Ma. dinnaneva vatthuni @4 cha.Ma. yapenti 5-5 Si.,Ma. issaranam issariyam nama, adhipatinanca adhipaccam nama--------------------------------------------------------------------------------------------- page228.
Patijanati. Asadharanamannesanti suttam parasamayato aharitva dassitam. Sabbe satta pathavim paribhunjantiti panhe pathavim anissite sandhaya patikkhipati, nissite sandhaya patijanati. Pathavim aparibhunjitva parinibbayantiti panhe aruppe parinibbayantanam vasena patijanati. Kammavipakam akhepetvati idam parasamayavasena vuttam. Kammavipakanhi khepetvava parinibbayantiti tesam laddhi. Sakasamaye pana katokasassa kammassa uppannavipakam akhepetva parinibbanam natthi. Tesanca laddhiya pathavi sadharanavipakatta uppannavipakoyeva hoti, tam vipakabhavena thitam akhepetva parinibbanam na yujjatiti codetum vattati. Itaro laddhivasena patikkhipati. Cakkavattisattassa kammavipakanti panhe asadharanaphassadim sandhaya patikkhipati, sadharanam sandhaya patijanati. Pathavisamuddacandasuriyadayo hi sabbesam sadharanakammavipakoti tesam laddhi. [494] Issariyasamvattaniyanti ettha issariyam nama bahudhanata, adhipaccam nama sesajane attano vase vattetva tehi garukatabbatthena adhipatibhavo. Tattha kammam patilabhavasena tamsamvattanikam nama hoti, na janakavasena, tasma kammavipakabhave 1- asadhakametanti. Pathavikammavipakotikathavannana nitthita. -----------The Pali Atthakatha in Roman Book 55 page 227-228. http://84000.org/tipitaka/atthapali/read_rm.php?B=55&A=5109&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=5109&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=36&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A= The Pali Tipitaka in Roman Character :- http://84000.org/tipitaka/read/roman_read.php?B=36&A= Contents of The Tipitaka Volume 36 http://84000.org/tipitaka/read/?index_36
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]