AtthaPali Vol.55

3. Kamagunakathavannana [510] Idani kamagunakatha nama hoti. Tattha sakasamaye tava kamadhatuti vatthukamapi vuccanti kilesakamapi kamabhavopi. Etesu hi vatthukama kamaniyatthena kama, sabhavanissattasunnatatthena dhatuti kamadhatu. Kilesakama kamaniyatthena @Footnote: ¹ Ma. kamabhavarupabhavupagayeva ² Si.,Ma. gatibhavo ³ cha.Ma. etesvevesa vibhago @⁴ cha.Ma. puna ⁵ cha.Ma. patilome Ceva kamanatthena ca kama, yathavuttenevatthena dhatuti kamadhatu. Kamabhavo kamaniyatthena kamanatthena vatthukamapavattidesatthenati tihi karanehi kamo, yathavuttenevatthena dhatuti kamadhatu. Parasamaye pana "pancime bhikkhave kamaguna"ti vacanamattam nissaya panceva kamaguna kamadhatuti gahitam, tasma yesam ayam laddhi seyyathapi etarahi pubbaseliyanam, te sandhaya kamadhatunanattam codetum ^1- pancevati puccha sakavadissa, laddhivasena patinna itarassa. Nanu atthitiadini ^2- kilesakamadassanattham vuttani. ^3- Tattha tappatisamyuttoti kamagunapatisamyutto, kamagunarammanoti attho. No ca vata re vattabbe pancevati imesu tappatisamyuttacchandadisu sati panceva kamaguna kamadhatuti na vattabbam. Etepi hi chandadayo kamaniyatthena kama ca dhatu catipi kamadhatu, kamanatthena kamasankhata dhatutipi kamadhatuti attho. Manussanam cakkhuntiadi vatthukamadassanattham vuttam. Tattha paravadi channampi ayatananam vatthukamabhavena nakamadhatubhavam patikkhipitva puna manoti puttho mahaggatalokuttaram sandhayassa nakamadhatubhavam patijanati. Yasma pana sabbopi tebhumikamano kamadhatuyeva, tasma nam sakavadi suttena nigganhati. [511] Kamaguna bhavotiadi bhavassa kamadhatubhavadassanattham vuttam. Yasma pana kamagunamatte bhavoti voharo natthi, tasma paravadi na hevanti patikkhipati. Kamagunupagam kammantiadi sabbam kamagunamattassa nakamadhatubhava- dassanattham vuttam. Kamadhatusankhatakamabhavupagameva hi kammam atthi, kamabhavupagaeva ca satta honti. Tattha jayanti jiyyanti miyyanti cavanti upapajjanti, na kamagunesuti imina upayena sabbattha attho veditabboti. Kamagunakathavannana nitthita. ---------- @Footnote: ¹ cha.Ma. bodhetum ² cha.Ma.....adi ³ cha.Ma. vuttam

The Pali Atthakatha in Roman Book 55 page 234-235. http://84000.org/tipitaka/atthapali/read_rm.php?B=55&A=5282&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=5282&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=36&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A= The Pali Tipitaka in Roman Character :- http://84000.org/tipitaka/read/roman_read.php?B=36&A= Contents of The Tipitaka Volume 36 http://84000.org/tipitaka/read/?index_36