AtthaPali Vol.55

3. Anantarapayuttakathavannana [660-662] Idani anantarapayuttakatha nama hoti. Tattha anantarapayutto nama yena khandhabhedato anantara vipakadayakam matughatadianantariyakammam anattam. Tattha yassa niyataya anattiya anatto tam kammam karissati, so atthasadhikaya cetanaya uppaditatta micchattaniyato hoti, abhabbo sammattaniyamam okkamitum. Yassa aniyataya anattiya anatto tam kammam karissati, so atthasadhikaya cetanaya anuppaditatta na micchattaniyato, bhabbo sammattaniyamam okkamitunti idam sakasamaye sannitthanam. Yesam pana "aniyatayapi anattiya abhabboyeva sammattaniyamam okkamitun"ti laddhi seyyathapi uttarapathakanam, tesam tam laddhim bhinditum sakavadi pubbapakkham datva anantarapayuttoti paravadina attanam pucchapeti. Tenettha pathamapuccha paravadissa, atthasadhikacetanaya abhavam sandhaya patinna sakavadissa. Tato paravadi matughatadikammassa anattattava "so micchattaniyato"ti mannati, tasma micchattaniyamancati panham pucchati. Sakavadi @Footnote: ¹ ka. kusalacittappatilabhakatha Pana ekassa puggalassa dvinnam niyamanam anokkantimattameva sandhaya na hevanti patikkhipati. Nanu tam kammanti matughatadikam kammam. Tattha aniyatanattim sandhaya "amanta"ti patinna sakavadissa. Aniyatampi hi anattim payojetva thitassa "ananucchavikam maya katan"ti kukkuccam uppajjateva, vippatisaro jayateva. Hanciti adi kukkuccuppattimattam gahetva paravadina laddhipatitthapanattham vuttam. #[661] Idani yassa aniyatanattikassapi anantarapayuttassa paravadina sammattaniyamokkamanam patisiddham, tameva puggalam gahetva anantarapayutto puggalo abhabboti puccha sakavadissa, attano laddhivasena patinna itarassa. Atha nam sakavadi "abhabbo nama matughatadikammanam karako, kinte tena tani kammani katani"ti codetum mata jivita voropitatiadimaha. Itaro tesam vatthunam arogataya tatharupam kiriyam apassanto "na hevan"ti patikkhipati. Tam kammam patisamharitvati aniyatanattikammam sandhaya vuttam. Tanhi "ma kho maya anattam akasi"ti anattam nivarentena patisamhatam nama hoti, patisamhatattayeva cettha kukkuccam pativinoditam, vippatisaro pativinodito ^1- nama hoti. Evam santepi panettha purimanattiyayeva niyatabhavam mannamano paravadi "amanta"ti patijanati. Atha nam sakavadi tassa kammassa patisamhatabhavam sampaticchapetva attano laddhim patitthapetva ^2- hancitiadimaha. #[662] Puna anantarapayuttoti pariyosanapanhe pathamapanhe viya puccha paravadissa, patinna itarassa. ^3- Nanu tam kammanti anuyogo paravadissa, patisamhatakalato pubbe payuttakalam sandhaya patinna sakavadissa. Payuttapubbatamattam @Footnote: ¹ cha.Ma. pativinito ² cha.Ma. patitthapetva ³ cha.Ma. sakavadissa Gahetva aniyatanattivasena hanciti laddhipatitthapanam paravadissa. Ayampana laddhi ayoniso patitthitatta appatitthitava hotiti. Anantarapayuttakathavannana nitthita. ----------

The Pali Atthakatha in Roman Book 55 page 267-269. http://84000.org/tipitaka/atthapali/read_rm.php?B=55&A=6023&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=6023&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=36&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A= The Pali Tipitaka in Roman Character :- http://84000.org/tipitaka/read/roman_read.php?B=36&A= Contents of The Tipitaka Volume 36 http://84000.org/tipitaka/read/?index_36