บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
9. Tatiyasannavedayitakathavannana [732] Idani yasma "asuko maranadhammo, asuko na maranadhammo"ti sattanam maranadhammataya niyamo natthiti sannavedayitanirodham samapannopi kalam kareyyati yesam laddhi seyyathapi ragirikanam, tesam samapannayapi maranadhammataya maranasamayanca amaranasamayanca dassetum puccha sakavadissa, patinna itarassa. Atha nam yasma kalam karontassa nama maranantikehi phassadihi bhavitabbam, tasma tenakarena codetum atthitiadimaha. Aphassakassa kalakiriyatiadini puttho sesasatte sandhaya patikkhipati. Visam kameyyatiadini puttho samapattianubhavam sandhaya patikkhipati. Dutiyavare sarirapakatim sandhaya patijanati. Evam sante pana samapattianubhavo nama na hoti, teneva na nirodham samapannoti anuyunjati. @Footnote: 1 cha.Ma. purimakathasadisamevati [733-734] Na kalam kareyyati puccha paravadissa. Atthi so niyamoti paravadissa panhe pana yasma evarupo niyamo nama natthi, tasma patikkhipati. Cakkhuvinnanasamangitiadi sakavadina "niyame asantepi samayeneva 1- marati, na asamayena"ti dassetum vuttam. Tatrayamadhippayo:- yadi niyamabhavena kalakiriya bhaveyya, cakkhuvinnanasamanginopi bhaveyya, tato "pancahi vinnanehi na cavati na upapajjati"ti suttavirodho siya. Yatha pana cakkhuvinnanasamangissa kalakiriya na hoti, tatha nirodhasamapannassapiti. Tatiyasannavedayitakathavannana nitthita. --------------The Pali Atthakatha in Roman Book 55 page 281-282. http://84000.org/tipitaka/atthapali/read_rm.php?B=55&A=6340&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=6340&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=36&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A= The Pali Tipitaka in Roman Character :- http://84000.org/tipitaka/read/roman_read.php?B=36&A= Contents of The Tipitaka Volume 36 http://84000.org/tipitaka/read/?index_36
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]