AtthaPali Vol.55

9. Cakkhunarupampassatitikathavannana [826-827] Idani cakkhuna rupam passatitikatha nama hoti. Tattha "cakkhuna rupam disva"ti vacanam nissaya "pasadacakkhumeva rupam passati"ti yesam laddhi seyyathapi mahasamghikanam, te sandhaya puccha sakavadissa, patinna itarassa. @Footnote: ¹ cha.Ma. kandako. evamuparipi ² cha.Ma. vikkhepakaratta Atha nam "yadi cakkhuna rupam passeyya, rupena rupam passeyya"ti codetum rupena rupam passatiti aha. Itaro rupayatanam sandhaya patikkhipitva puna puttho cakkhumeva sandhaya patijanati. Pativijanatiti ettha ayamadhippayo:- passatiti hi mayam patijananam sandhaya pucchama, na cakkhupasamharamattam. Tasma vadati ^1- tava "kinte cakkhuma rupena rupam pativijanati"ti. Itaro purimanayeneva patikkhipati ceva patijanati ca. Atha nam "evam sante rupam manovinnanam apajjati, tanhi pativijanati nama"ti codetum rupam manovinnananti aha. Itaro lesam alabhanto patikkhipateva. Itthi cakkhussa avajjanatiadi "yadi cakkhu pativijananatthena passati, cakkhuvinnanassa viya tassapi avajjanaya bhavitabban"ti codetum pucchati. Itaro yasma na avajjanapatibaddham cakkhvayatanam ^2- avajjananantaram uppajjati, tasma na hevanti patikkhipati. Sotena saddantiadisupi eseva nayo. Idha bhikkhave bhikkhu cakkhuna rupam passatiti sasambharakathanayena vuttam. Yatha hi usuna vijjhantopi "dhanuna vijjhati"ti vuccati, evam cakkhuvinnanena passantopi "cakkhuna passati"ti vutto, tasma asadhakametam. Sesesupi eseva nayoti. Cakkhunarupampassatitikathavannana nitthita. Attharasamo vaggo samatto. -----------

The Pali Atthakatha in Roman Book 55 page 302-303. http://84000.org/tipitaka/atthapali/read_rm.php?B=55&A=6816&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=6816&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=36&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A= The Pali Tipitaka in Roman Character :- http://84000.org/tipitaka/read/roman_read.php?B=36&A= Contents of The Tipitaka Volume 36 http://84000.org/tipitaka/read/?index_36