บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
20. Visatimavagga 1. Asanciccakathavannana [857-862] Idani asanciccakatha nama hoti. Tattha "anantariyavatthuni nama garuni bhariyani, tasma asanciccapi tesu vatthusupi vikopitesu anantariko hoti"ti yesam laddhi seyyathapi ekaccanam uttarapathakanam, te sandhaya asanciccati puccha sakavadissa, laddhivasena patinna itarassa. Atha nam "yasma anantariyakammam nama kammapathappattam, yadi ca asancicca kammapathabhedo siya, avasesa panatipatadayopi asancicca bhaveyyun"ti codanattham asancicca panam Hantvatiadimaha. Itaro tatharupaya laddhiya abhavena patikkhipati. Sesam yathapalimeva niyyati. Na vattabbam matughatakoti puccha paravadissa, rogatikicchakaradikale 1- asancicca ghatam sandhaya patinna sakavadissa. Nanu mata jivita voropitati panhepi asancicca voropitam sandhaya patinna sakavadisseva. Evam adhippayampana aggahetva hanciti laddhipatitthapanam itarassa, tam ayoniso patitthapitatta appatitthitameva. Pitughatakadisupi eseva nayo. Samghabhedake pana dhammasannim sandhaya samghabhedo anantarikoti puccha sakavadissa, "samgham samaggam bhetvana, kappam nirayamhi paccati"ti vacanam ayoniso gahetva patinna paravadissa. Puna sabbeti puttho sakapakkhe dhammasannim sandhaya patikkhipati, parapakkhe dhammasannim sandhaya patijanati. Dhammasanniti panhadvayepi eseva nayo. Nanu vuttam bhagavatati suttam ekanteneva dhammavadissa anantarikabhava- dassanattham vuttam. Apayiko nerayikoti gathayapi adhammavadiyeva adhippeto. Itaro pana adhippayam aggahetva laddhim patitthapeti. Sa ayoniso patitthapitatta appatitthitayevati. Asanciccakathavannana nitthita. ----------------The Pali Atthakatha in Roman Book 55 page 309-310. http://84000.org/tipitaka/atthapali/read_rm.php?B=55&A=6971&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=6971&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=36&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A= The Pali Tipitaka in Roman Character :- http://84000.org/tipitaka/read/roman_read.php?B=36&A= Contents of The Tipitaka Volume 36 http://84000.org/tipitaka/read/?index_36
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]