ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 55 : PALI ROMAN Panca.A. (paramatthadi.)

                            5. Saccayamaka
                        1. Pannattivaravannana
     [1-9] Idani teyeva mulayamake desite kusaladidhamme saccavasena
sanganhitva dhatuyamakanantaram desitassa saccayamakassa vannana hoti. Tatthapi
hettha vuttanayeneva pannattivaradayo tayo mahavara antaravaradayo ca
avasesappabheda veditabba. Pannattivare panettha catunnam vasena padasodhanavaro
padasodhanamulacakkavaro suddhasaccavaro suddhasaccamulacakkavaroti imesu catusu varesu
yamakaganana veditabba.
     [10-26] Pannattivaraniddese pana avasesam dukkhasaccanti dukkhavedanaya
ceva tanhaya ca vinimutta tebhumikadhamma veditabba. Avaseso samudayoti saccavibhange
nidditthakamavacarakusaladibhedo dukkhasaccassa paccayo. Avaseso nirodhoti tadanga-
vikkhambhanasamucchedapatipassaddhinirodho ceva khanabhanganirodho ca. Avaseso maggoti
@Footnote: 1 cha.Ma. bahutta   2 cha.Ma. nitthita
Tasmim kho pana samaye pancangiko maggo hoti, atthangiko maggo micchamaggo
janghamaggo sakatamaggoti evamadiko.
                      Pannattivaravannana nitthita.
                           -----------
                         2. Pavattivaravannana
     [27-164] Pavattivare panettha paccuppannakale puggalavarassa
anulomanaye "yassa dukkhasaccam uppajjati tassa samudayasaccam uppajjati, yassa va
pana samudayasaccam uppajjati tassa dukkhasaccam uppajjati"ti dukkhasaccamulakehi tihi,
samudayasaccamulakehi dvihi, nirodhasaccamulakena ekenati labbhamananca alabbhamananca
gahetva palivasena chahi yamakehi bhavitabbam. Tesu yasma nirodhassa neva uppado
na nirodho yujjati, tasma dukkhasaccamulakani samudayasaccamaggasaccehi saddhim dve,
samudayasaccamulakam maggasaccena saddhim ekanti tini yamakani agatani. Tassa
patilomanayepi okasavaradisupi eseva  nayo. Evamettha sabbavaresu tinnam tinnam
yamakanam vasena yamakaganana veditabba. Atthavinicchaye panettha idam lakkhanam:-
imassa hi saccayamakassa pavattivare nirodhasaccam tava na labbhateva, sesesu
pana tisu samudayasaccamaggasaccani ekantena pavattiyamyeva labbhanti, dukkhasaccam
cutipatisandhisupi pavattepi labbhati, paccuppannakaladayo pana tayo kala
cutipatisandhinampi pavattassapi labbhanti. 1- Evamettha yam yam labbhati, tassa tassa
vasena atthavinicchayo veditabbo.
     Tatridam nayamukham:- sabbesam upapajjantananti antamaso suddhavasanampi. Tepi 2-
hi dukkhasacceneva upapajjanti. Tanhavippayuttacittassati idam dukkhasacca-
samudayasaccesu ekakotthasassa uppattidassanattham vuttam. Tasma pancavokaravaseneva
@Footnote: 1 cha.Ma. pavattiyapi vasena labbhanti   2 Ma. tesupi
Gahetabbam. Catuvokare pana tanhavippayuttassa phalasamapatticittassa uppadakkhane
ekampi saccam nuppajjatiti 1- idam idha na gahetabbam. Tesam dukkhasaccancati
tasminhi khane tanham thapetva sesam dukkhasaccam nama hotiti sandhayetam vuttam.
Maggassa uppadakkhanepi eseva nayo. Tattha pana rupameva  dukkhasaccam nama,
sesa maggasampayuttaka dhamma saccavinimutta, teneva karanena "aruppe
maggassa uppadakkhane tesam maggasaccam uppajjati no ca tesam dukkhasaccam
uppajjati"ti vuttam. Sabbesam upapajjantanam pavatte tanhavippayuttacittassa
uppadakkhane tesam tatthati tesam tasmim upapattikkhane ca tanhavippayutta-
cittuppattikkhane cati evamettha khanavasena okaso veditabbo. Annesupi
evarupesu eseva nayo. Anabhisametavinanti catusaccapativedhasankhatam abhisamayam
appattasattanam. Abhisametavinanti abhisamitasaccananti. Imina nayamukhena sabbattha
atthavinicchayo veditabbo.
                       Pavattivaravannana nitthita.
                          ------------
                        3. Parinnavaravannana
     [165-170] Parinnavare pana nataparinna tiranaparinna pahana-
parinnati tissopettha parinnayo labbhanti. Yasma ca lokuttaradhammesu parinna
nama natthi, tasma idha dve saccani gahitani. Tattha dukkhasaccam parijanatiti
natatiranaparinnavasena vuttam. Samudayasaccam pajahatiti natapahanaparinnavasena.
Iti imasam parinnanam vasena sabbappadesu attho veditabboti.
                      Parinnavaravannana nitthita.
                       Saccayamakavannana samatta.
                          ------------
@Footnote: 1 cha.Ma. iti-saddo na dissati



             The Pali Atthakatha in Roman Book 55 page 355-357. http://84000.org/tipitaka/atthapali/read_rm.php?B=55&A=7999&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=7999&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=36&i=527              เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A=2672              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A=2731              The Pali Tipitaka in Roman Character :- http://84000.org/tipitaka/read/roman_read.php?B=36&A=2731              Contents of The Tipitaka Volume 36 http://84000.org/tipitaka/read/?index_36

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]