AtthaPali Vol.55

3. Adhipatipaccayaniddesavannana [3] Adhipatipaccayaniddese chandadhipatiti chandasankhato adhipati. Chandam dhuram katva chandam jetthakam katva cittuppattikale uppannassa Kattukamyatachandassetam namam. Sesesupi eseva nayo. Kasma pana yatha hetupaccaya- niddese "hetu hetusampayuttakanan"ti vuttam, evamidha "adhipati adhipatisampayutta- kanan"ti avatva "../../bdpicture/chandadhipati chandasampayuttakanan"tiadina nayena desana katati? ekakkhane abhavato. Purimanayasminhi dve tayo hetu ekakkhanepi hetupaccaya honti mulatthena upakarakabhavassa avijahanato. Adhipati pana jetthakatthena upakarako, na ca ekakkhane bahu jetthaka nama honti. Tasma ekato uppannanampi nesam ekakkhane adhipatipaccayabhavo natthi. Tassa adhipatipaccayabhavassa ekakkhane abhavato idha evam desana katati. Evam sahajatadhipatim dassetva idani arammanadhipatim dassetum yam yam dhammam garum katvatiadi araddham. Tattha yam yam dhammanti yam yam arammanadhammam. Garum katvati garukaracittikaravasena va assadavasena va garum bhariyam laddhabbam avijahitabbam anavannatam katva. Te te dhammati te te garukatabbadhamma. Tesam tesanti tesam tesam garukarakadhammanam. Adhipatipaccayenati arammanadhipati- paccayena paccayo hotiti ayam tavettha palivannana. Ayam pana adhipati nama sahajatarammanavasena duvidho. Tattha sahajato chandadivasena catubbidho. Tesu ekeko kamavacaradivasena bhumito catubbidho. Tattha kamavacaro kusalakusalakiriyavasena tividho, akusalam patva panettha vimamsadhipati na labbhati. Ruparupavacaro kusalakiriyavasena duvidho, apariyapanno kusalavipakavasena duvidho. Arammanadhipati pana jatibhedato kusalakusalavipakakiriyarupanibbanavasena chabbidhoti evamettha nanappakarabhedato vinnatabbo vinicchayo. Evam bhinne panettha sahajatadhipatimhi tava kamavacarakusalakiriyasankhato adhipati duhetukatihetukesu cittuppadesu chandadinam annataram jetthakam katva uppattikale attana sampayuttadhammananceva cittasamutthanarupassa ca adhipatipaccayo Hoti. Rupavacarakusalakiriyasankhatepi eseva nayo. Ayam panettha ^1- ekanteneva labbhati. Na hi te dhamma sahajatadhipatim vina uppajjanti. Arupavacarakusalakiriya- sankhato pana pancavokare rupavacaradhipatisadisova, catuvokare pana sampayutta- kananneva ^2- adhipatipaccayo hoti. Tatha tatthuppanno sabbopi kamavacaradhipati. Apariyapanno kusalatopi vipakatopi pancavokare ekanteneva sampayuttadhammananceva cittasamutthanarupananca adhipatipaccayo hoti, catuvokare arupadhammananneva. Akusalo kamabhave micchattaniyatacittesu ^3- ekanteneva sampayuttakananceva cittasamutthanarupananca adhipatipaccayo hoti. Aniyato kamabhavarupabhavesu attano adhipatikale tesanneva. Arupabhave arupadhammananneva adhipatipaccayo hoti. Ayam tava sahajatadhipatimhi nayo. Arammanadhipatimhi pana kamavacarakusalo arammanadhipati kamavacarakusalassa lobhasahagatakusalassati imesam dvinnam rasinam arammanadhipatipaccayo hoti. Rupavacararupavacarepi kusalarammanadhipatimhi eseva nayo. Apariyapannakusalo pana arammanadhipati kamavacarato nanasampayuttakusalassa ceva nanasampayuttakiriyassa ca arammanadhipatipaccayo hoti, akusalo pana arammanadhipati nama lobhasahagata- cittuppadoti ^4- vuccati. So lobhasahagatakusalasseva arammanadhipatipaccayo hoti. Kamavacaro pana vipakarammanadhipati lobhasahagatakusalasseva arammana- dhipatipaccayo hoti. Tatha rupavacararupavacaravipakarammanadhipati. Lokuttaro pana vipakarammanadhipati kamavacarato nanasampayuttakusalakiriyananneva arammanadhipati- paccayo hoti. Kamavacaradibhedato pana tividhopi kiriyarammanadhipati lobhasahagata- kusalasseva arammanadhipatipaccayo hoti. Catusamutthanikarupasankhato rupakkhandho arammanadhipati lobhasahagatakusalasseva arammanadhipatipaccayo hoti. Nibbanam @Footnote: ¹ cha.Ma. ayam pana ² cha.Ma. sampayuttadhammananneva @³ Ma. micchattaniyatacittesu dvepatighacittesu ca ⁴ cha.Ma. iti-saddo na dissati Kamavacarato nanasampayuttakusalassa nanasampayuttakiriyassa lokuttarakusalassa lokuttaravipakassa cati imesam catunnam rasinam arammanadhipatipaccayo hotiti evamettha paccayuppannatopi vinnatabbo vinicchayoti. Adhipatipaccayaniddesavannana nitthita. -------------

The Pali Atthakatha in Roman Book 55 page 413-416. http://84000.org/tipitaka/atthapali/read_rm.php?B=55&A=9330&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=55&A=9330&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=36&i=175 เนื้อความพระไตรปิฎกฉบับหลวง :- http://84000.org/tipitaka/read/r.php?B=36&A=692 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=36&A=692 The Pali Tipitaka in Roman Character :- http://84000.org/tipitaka/read/roman_read.php?B=36&A=692 Contents of The Tipitaka Volume 36 http://84000.org/tipitaka/read/?index_36