AtthaPali Vol.8

7. Vimamsakasuttavannana [487] Evamme sutanti vimamsakasuttam. Tattha vimamsakenati tayo vimamsaka atthavimamsako sankharavimamsako satthuvimamsakoti. Tesu "pandita havuso manussa vimamsaka"ti ^3- ettha atthavimamsako agato. "yato kho ananda bhikkhu dhatukusalo ca hoti, ayatanakusalo ca hoti, paticcasamuppadakusalo ca hoti, thanathanakusalo ca hoti, ettavata kho ananda pandito bhikkhu vimamsakoti alam vacanaya"ti ^4- ettha sankharavimamsako agato. Imasmim pana sutte satthuvimamsako adhippeto. Cetopariyayanti cittavaram cittaparicchedam. Samannesanati esana pariyesana upaparikkha. Iti vinnanayati evam vijananatthaya. [488] Dvisu dhammesu tathagato samannesitabboti idha kalyanamittupanissayam dasseti. Maha hi esa kalyanamittupanissayo nama. Tassa mahantabhavo evam veditabbo:- ekasmim hi samaye ayasma anando upaddham attano anubhavena hoti, upaddham kalyanamittanubhavenati cintetva attano dhammataya nicchetum asakkonto bhagavantam upasankamitva pucchi "upaddhamidam bhante brahmacariyassa, yadidam kalyanamittata kalyanasahayata kalyanasampavankata"ti. Bhagava aha @Footnote: ¹ cha.Ma. asakkhittha ² cha.Ma. uttanatthamevati @³ sam. khandha. 17/2/7 devadahasutta ⁴ Ma. upari. 14/124/111 bahudhatukasutta "ma hevam ananda, ma hevam ananda, sakalamevidam ananda brahmacariyam yadidam kalyanamittata kalyanasahayata kalyanasampavankata, kalyanamittassetam ananda bhikkhuno patikankham kalyanasahayassa kalyanasampavankassa, ariyam atthangikam maggam bhavessati, ariyam atthangikam maggam bahulikarissati. Kathancananda bhikkhu kalyanamitto .pe. Ariyam atthangikam maggam bhaveti, ariyam atthangikam maggam bahulikaroti. Idhananda bhikkhu sammaditthim bhaveti .pe. Sammasamadhim bhaveti vivekanissitam, evam kho ananda bhikkhu kalyanamitto .pe. Bahulikaroti, tadimina cetam ananda pariyayena veditabbam. Yatha sakalamevidam brahmacariyam yadidam kalyanamittata kalyanasahayata kalyanasampavankata. Mamam hi ananda kalyanamittam agamma jatidhamma satta jatiya parimuccanti. Jaradhamma .pe. Sokaparidevadukkha- domanassupayasadhamma satta sokaparidevadukkhadomanassupayasehi parimuccantiti. ^1- Bhikkhunam bahirangasampattim kathentopi aha "bahiram bhikkhave anganti katva nannam ekangampi samanupassami, yam evam mahato atthaya samvattati, yathayidam bhikkhave kalyanamittata. Kalyanamittata bhikkhave mahato atthaya samvattati"ti. ^2- Mahacundassa kilesasallekhapatipadam kathentopi "pare papamitta bhavissanti, mayamettha kalyanamitta bhavissamati sallekho karaniyo"ti ^3- aha. Meghiyattherassa vimuttiparipacaniyadhamme kathentopi "aparipakkaya meghiya cetovimuttiya panca dhamma paripakaya samvattanti. Katame panca, idha meghiya bhikkhu kalyanamitto hoti"ti ^4- kalyanamittupanissayameva viseseti. ^5- Piyaputtassa rahulattherassa abhinhovadam dentopi:- "mitte bhajassu kalyane pantanca sayanasanam vivittam appanigghosam mattannu hohi bhojane. Civare pindapate ca paccaye sayanasane etesu tanham makasi ma lokam punaragami"ti ^6- @Footnote: ¹ sam. maha. 19/2/2 upaddhasutta ² an. ekaka. 20/111/17 dutiyapamadadivagga @³ Ma.mu. 12/83/57 sallekhasutta ⁴ khu. udana. 25/31/141 meghiyasutta @⁵ cha.Ma. visesesi ⁶ khu. sutta. 25/341-2/398 rahulasutta Kalyanamittupanissayameva sabbapathamam kathesi, evam maha esa kalyanamittupanissayo nama. Idhapi tam dassento bhagava dvisu dhammesu tathagato samannesitabboti desanam arabhi. Pandito bhikkhu dvisu dhammesu tathagatam esatu gavesatuti attho. Etena bhagava ayam mahajaccoti va lakkhanasampannoti va abhirupo dassaniyoti va abhinnato abhilakkhitoti va imam nissayaham civaradayo paccaye labhissamiti "pahoti me esa sattha hutva satthukiccam ^1- sadhetun"ti, so mam bhajatuti sihanadam nadati, buddhasihanado kira namesa suttantoti. Idani te dve dhamme dassento cakkhusotavinneyyesuti aha, tattha satthu kayiko samacaro vimamsakassa cakkhuvinneyyo dhammo nama. Vacasiko samacaro sotavinneyyo dhammo nama. Idani tesu samannesitabbakaram dassento ye sankilitthatiadimaha. Tattha sankilitthati kilesasampayutta. Te ca na cakkhusotavinneyya. Yatha pana udake calante va pubbulake ^2- va muncante anto maccho atthiti vinnayati, evam panatipatadini va karontassa musavadadini va bhanantassa kayavacisamacare disva ca sutva ca tamsamutthapakacittam sankilitthanti vinnayati, tasma evamaha. Sankilitthacittassa hi kayavacisamacarapi sankilitthayeva nama. Na te tathagatassa samvijjantiti na te tathagatassa atthi, na upalabbhantiti evam janatiti attho. Natthitayeva hi te na upalabbhanti, na paticchannataya. Tathahi bhagava ekadivasam imesu dhammesu bhikkhusamgham pavarento aha "handa dani bhikkhave pavarayami vo, na ca me kinci garahatha kayikam va vacasikam va"ti. Evam vutte ayasma sariputto utthayasana ekamsam uttarasangam karitva yena bhagava tenanjalim panametva bhagavantam etadavoca "na kho mayam bhante bhagavato kinci garahama kayikam va vacasikam va. Bhagava hi bhante anuppannassa maggassa uppadeta, asanjatassa maggassa sanjaneta, anakkhatassa maggassa akkhata, maggannu maggavidu maggakovido. Magganuga ca @Footnote: ¹ Ma. ekasatthukiccam ² Si. bubbulake, Ma. pupphulake Bhante etarahi savaka viharanti paccha samannagata"ti. ^1- Evam parisuddha tathagatassa kayavacisamacaRa. Uttaropi sudam manavo tathagatassa kayavacidvare anaradhaniyam kinci passissamiti satta mase anubandhitva likhamattampi ^2- na addasa. Manussabhuto va esa buddhabhutassa kayavacidvare kim anaradhaniyam passissati. Maropi devaputto bodhisattassa sato mahabhinikkhamanato patthaya chabbassani gavesamano kinci anaradhaniyam naddasa, antamaso cetoparivitakkamattampi. Maro kira cintesi "sacassa vitakkitamattampi akusalam passissami, tattheva nam muddhani paharitva pakkamissami"ti. So chabbassani adisva buddhabhutampi ekam vassam anubandhitva kinci vajjam apassanto gamanasamaye vanditva:- "mahavira mahapanna iddhiya yasasa jala sabbaverabhayatita pade vandami gotama"ti ^3- gatham vatva gato. Vitimissati kale kanha, kale sukkati evam vomissaka. Vodatati parisuddha nikkilesa. Samvijjantiti vodata dhamma atthi upalabbhanti. Tathagatassa hi parisuddha kayasamacaradayo. Tenaha "cattarimani bhikkhave tathagatassa arakkheyyani. Katamani cattari, parisuddhakayasamacaro bhikkhave tathagato, natthi tathagatassa kayaduccaritam, yam tathagato rakkheyya `ma me idam paro annasi'ti, parisuddhavacisamacaro, parisuddhamanosamacaro, parisuddhajivo bhikkhave tathagato, natthi tathagatassa micchajivo, yam tathagato rakkheyya, ma me idam paro annasi"ti. ^4- Imam kusalam dhammanti imam anavajjam ajivatthamakasilam, "ayamayasma sattha kim nu kho digharattam samapanno aticirakalato patthaya imina samannagato, udahu ittarasamapanno hiyyo va pare va parasuve ^5- va divase samapanno"ti evam gavesatuti attho. Ekaccena hi ekasmim thane vasantena bahumicchajivakammam @Footnote: ¹ sam. saga. 15/215/230 pavaranasutta ² cha.Ma. likkhamattampi @³ sam. saga. 15/159/145 godhikasutta. pali. cakkhuma @⁴ cha.Ma. an. sattaka. 23/55/85 (sya) @⁵ Si. paratare, Ma. parapare Katam, tam tattha kalatikkame pannayati, pakatam hoti. So annataram paccantagamam va samuddatiram va gantva pannasalam karetva arannako viya hutva viharati. Manussa sambhavanam uppadetva tassa panite paccaye denti. Janapadavasino bhikkhu tassa pariharam disva "atidappito ^1- vatayam ayasma, ko nu kho eso"ti parigganhanta "asukatthane asukam nama micchajivam katva pakkantabhikakhu"ti natva na sakka imina saddhim uposatho va pavarana va katunti sannipatitva dhammena samena ukkhepaniyadisu annataram kammam karonti. Evarupaya paticchannapatipattiya atthibhavam va natthibhavam va vimamsapetum evamaha. Evam janatiti digharattam samapanno, na ittarasamapannoti janati. Anacchariyam cetam. Yam tathagatassa etarahi sabbannutam pattassa digharattam ajivatthamakasilam parisuddham bhaveyya. Tassa ^2- bodhisattakalepi ^3- evam ahosi. Atite kira gandhararaja ca vedeharaja ca dvepi sahayaka hutva kamesu adinavam disva rajjani puttanam niyyatetva isipabbajjam pabbajitva ekasmim arannagamake pindaya caranti, paccanto ca ^4- nama dullabhalono hoti, tato alonam yagum labhitva ekissaya salaya nisiditva pivanti, antarantare manussa lonacunnam aharitva denti, ekadivasam eko vedehisissa panne pakkhipitva lonacunnam adasi, vedeho isi ^5- gahetva upaddham gandharisissa santike thapetva upaddham attano santike thapesi, tato thokam paribhuttavasesam disva "ma idam nassi"ti pannena vethetva tinagahane thapesi, puna ekasmim divase yagupanakale satim katva olokento tam disva gandharisim upasankamitva "ito thokam ganhatha acariya"ti aha. Kuto te laddham vedehisiti. Tasmim divase paribhuttavasesam ma nassi"ti maya thapitanti. Gandharisi gahetum na icchati, alonakamyeva yagum pivitva vedeham isim avoca:- @Footnote: ¹ Ma. atidabbito ² cha.Ma. yassa ³ Si. bodhicariyakalepi Ma. bodhicaranakalepi @⁴ cha.Ma. ca-saddo na dissati ⁵ cha.Ma. vedehisi. evamuparipi "hitva gamasahassani paripunnani solasa kotthagarani phitani sannidhim dani kubbasi"ti. ^1- Vedehisi avoca "tumhe rajjam pahaya pabbajita, idani kasma lonacunnakamattam sannidhikarana pabbajjaya anucchavikam na karotha"ti. Kim maya katam vedehisiti. Atha nam aha:- "hitva gandharavisayam pahutadhanadhariyam pasasanato nikkhanto idha dani pasasasi"ti. ^1- Gandharo aha:- "dhammam bhanami vedeha adhammo me na ruccati dhammam me bhanamanassa na papamupalimpati"ti. ^1- Vedeho aha:- "yena kenaci vannena paro labhati ruppanam mahatthiyampi ce vacam na tam bhaseyya pandito"ti. ^1- Gandharo aha:- "kamam ruppatu va ma va bhusamva vikiriyatu dhammam me bhanamanassa na papamupalimpati"ti. ^1- Tato vedehisi yassa sakapi buddhi natthi, acariyasantike vinayam na sikkhati, so andhamahimso viya vane caratiti cintetva aha:- "no ce assa saka buddhi vinayo va susikkhito vane andhamahimsova careyya bahuko jano. ^1- Yasma ca panidhekacce aceramhi susikkhita tasma vinitavinaya dhira caranti susamahita"ti. ^2- @Footnote: ¹ khu. ja. 27/1043-48/224 gandharajataka (sya) @² khu. ja. 27/1049/224 gandharajataka (sya) Evanca pana vatva vedehisi ajanitva maya katanti gandharisim khamapesi. Te ubhopi tapam caritva brahmalokam agamimsu. Evam tathagatassa bodhisattakalepi digharattam ajivatthamakasilam parisuddham ahosi. Nattajjhapanno ayamayasma bhikkhu yasapattoti ayamayasma amhakam sattha bhikkhu nattam pannatabhavam pakatabhavam ajjhapanno nu kho, sayanca parivarasampattim patto nu kho noti. Tena cassa pannatajjhapannabhavena ca yasanissitabhavena ca kim ekacce adinava sandissanti udahu noti evam samannesantuti dasseti. Na tava bhikkhaveti bhikkhave yava bhikkhu na rajarajamahamattadisu abhinnatabhavam va parivarasampattim va apanno hoti, tava ekacce manatimanadayo adinava na samvijjanti upasantupasanto viya ^1- sotapanno viya sakadagami viya ca viharati, ariyo nu kho puthujjano nu khotipi natum na sakka hoti. Yato ca kho bhikkhaveti yada pana idhekacco bhikkhu nato hoti parivarasampanno va, tada tinhena singena goganam vijjhanto dutthagono viya migasangham ^2- abhimaddamano dipi viya ca anne bhikkhu tattha tattha vijjhanto agaravo asabhagavutti aggapadena bhumim phusanto viya carati. Ekacco pana kulaputto yatha yatha nato hoti yasasSi. Tatha tatha phalabharabharito viya sali sutthutaram onamati, rajarajamahamattadisu upasankamantesu akincanabhavam paccavekkhitva samanasannam upatthapetva chinnavisanausabho viya candaladarako viya ca sorato nivato nicacitto hutva bhikkhusamghassa ceva sadevakassa ca lokassa hitaya sukhaya patipajji, ^3- evarupam patipattim sandhaya "nassa idhekacce adinava"ti aha. Tathagato pana atthasu lokadhammesu ^4- tadi, so hi labhepi tadi, alabhepi tadi, yasepi tadi, ayasepi tadi, nindayapi tadi, pasamsayapi tadi, sukhepi tadi, dukkhepi tadi, ^5- tasma sabbakareneva ^6- nassa idhekacce adinava samvijjanti. @Footnote: ¹ Si. viya-saddo na dissati ² Ma. migasanghassa ³ cha.Ma. patipajjati @⁴ Ma. thanesu ⁵ khu. maha. 29/180/138 (sya) ⁶ cha.Ma. sabbakarena Abhayuparatoti abhayo hutva uparato, accantuparato satatuparatoti attho. Na va bhayena uparatotipi abhayuparato. Cattari hi bhayani kilesabhayam vattabhayam duggatibhayam upavadabhayanti. Puthujjano catuhipi bhayehi bhayati. Sekkha tihi, tesam hi duggatibhayam pahinam, iti satta sekkha bhayuparata, khinasavo abhayuparato nama, tassa hi ekampi bhayam natthi. Kim paravadabhayam natthiti. Natthi. Paranuddayam pana paticca "madisam khinasavam paticca satta ma nassantu"ti upavadam rakkhati, muluppalavapiviharavasi thero viya. ^1- Thero kira muluppalavapigamam pindaya pavisi. Athassa upatthakakuladvaram pattassa pattam gahetva thandilapithakam nissaya asanam pannapesum. Amaccadhitapi tamyeva pithakam nissaya parato bhage nicataram asanam pannapetva nisidi. Eko nevasiko bhikkhu paccha pindaya pavittho dvare thatvava olokento thero amaccadhitara saddhim ekamance nisinnoti sallakkhetva "ayam pamsukuliko vihareva upasantupasanto viya viharati, antogame pana upatthayikahi saddhim ekamance nisidati"ti cintetva "kim nu kho maya dudditthan"ti punappunam oloketva tathasanniva hutva pakkami. Theropi bhattakiccam katva viharam gantva vasanatthanam pavisitva dvaram pidhaya nisidi. Nevasikopi katabhattakicco viharam gantva "tam pamsukulikam nigganhitva vihara nikkaddhissami"ti asannataniharena therassa vasanatthanam gantva paribhogaghatato ulunkena udakam gahetva mahasaddam karonto pade dhovi. Thero "ko nu kho ayam asannatacariko"ti avajjento sabbam natva "ayam mayi manam padosetva apayupago ma ahosi"ti vehasam abbhuggantva kannikamandalasamipe pallankena nisidi. Nevasiko dutthakarena ghatikam ukkhipitva dvaram vivaritva anto pavittho theram apassanto "hetthamancam pavittho bhavissati"ti oloketva tatthapi apassanto nikkhamitum arabhi. Thero ukkasi. Itaro uddham olokento disva adhivasetum asakkonto evamaha "avuso pamsukulika patirupam te evam anubhavasampannassa upatthayikaya saddhim ekamance nisiditun"ti. Bhante pabbajita @Footnote: ¹ cha.Ma. yasatthero viya Nama matugamena saddhim na ekamance nisidanti, tumhehi pana duddittham etanti. Evam khinasava paranuddayaya upavadam rakkhanti. Khaya ragassati ragassa khayeneva. Vitaragatta kame na patisevati, na patisankhaya varetvati. Tanceti evam tathagatassa kilesappahanam natva tattha tattha thitanisinnakaladisupi catuparisamajjhe alankatadhammasane nisiditvapi itipi sattha vitarago vitadoso vitamoho vantakileso pahinamalo abbha muttapunnacando viya suparisuddhoti evam tathagatassa kilesappahane vannam kathayamanam tam vimamsakabhikkhum pare evam puccheyyum ceti attho. Akarati karanani. Anvayati anubuddhiyo. Samghe va viharantoti appekada aparicchinnagananassa bhikkhusamghassa majjhe viharanto. Eko va viharantoti icchamaham bhikkhave addhamasam patisallitum ^1- temasam patisallitunti ^1- evam patisallane ceva palileyyakavanasande ca ekako viharanto. Sugatati sutthu gata supatipanna karanayuttappayutta, evarupani hi ekacce bhikkhu atthi. Duggatati dutthu gata duppatipanna kayadalhibahula vissatthakammatthana, evarupapi ekacce atthi. Ganamanusasantiti ganabandhena bandha ganarama ganabahulika hutva ganam pariharanti, evarupapi ekacce atthi, tesam patipakkhabhuta ganato nissata visamsattha vippayutta viharinopi ^2- atthi. Amisesu sandissantiti amisagiddha amisacakkhuka catupaccayaamisatthameva ahindamana amisesu sandissamanakabhikkhupi atthi, amisena anupalitta catuhi paccayehi vivatamanasa ^3- abbha muttacandasadisa hutva viharamanapi atthi. Nayamayasma tam tena avajanatiti ayamayasma sattha taya taya patipattiya tam tam puggalam navajanati, ayam supatipanno ^4- karako, ayam ganato nissato visamsattho, ayam amisena anupalitto paccayehi vivatamanaso ^5- abbha muttacando viyati evamassa gehasitavasena ussadanapi natthi. Ayam duppatipanno akarako @Footnote: ¹ cha.Ma. patisalliyitunti ² cha.Ma. vippamuttaviharinopi ³ cha.Ma. vinivattamanasa @⁴ cha.Ma. patipanno ⁵ cha.Ma. vinivattamanaso Kayadalhibahulo vissatthakammatthano, ayam ganabandhanabandho, ayam amisagiddho lolo amisacakkhukoti evamassa gehasitavasena apasadanapi natthiti attho. Imina kim kathitam hoti. Tathagatassa sattesu tadibhavo kathito hoti. Ayam hi:- "vadhakassa devadattassa corassa angulimalino dhanapale rahule ca sabbesam samako muni ". ^1- [489] Tatra bhikkhaveti tesu dvisu vimamsakesu. Yo cayam ^2- "ke panayasmato akara"ti pucchayam agato ganthivimamsako ca, yo "abhayuparato ayamayasma"ti agato mulavimamsako ca. Tesu mulavimamsakena tathagatova uttarim patipucchitabbo. Sopi ^3- pubbe parasseva kathaya nitthangato, paro ca nama janitvapi katheyya ajanitvapi, evamassa katha bhutapi hoti abhutapi, tasma parasseva kathanittham agantva tato uttarim tathagatova patipucchitabboti attho. Byakaramanoti ettha yasma tathagatassa micchabyakaranam nama natthi, tasma samma micchati avatva byakaramanotveva vuttam. Etam pathohamasmi etam gocaroti esa mayham patho esa gocaroti attho. "etapatho"tipi patho, tassattho mayham ajivatthamakasilam parisuddham, svaham tassa parisuddhabhavena vimamsakassa bhikkhuno nanamukhe etapatho, evam apatham agacchamiti ^4- vuttam hoti. No ca tena tammayoti tenapi caham parisuddhena silena na tammayo na satanho parisuddhasilattava nittanhohamasmiti dipeti. Uttaruttarim panitapanitanti uttaruttarinceva panitappanitanca ^5- katva deseti. Kanhasukkasappatibhaganti kanhanceva sukkanca, tanca kho sappatibhagam savipakkham katva kanham patibahitva sukkanti sukkam patibahitva kanhanti evam sappatibhagam katva kanhasukkam deseti. Kanham desentopi saussaham savipakam deseti. Sukkam desentopi saussaham savipakam deseti. Abhinnaya idhekaccam dhammam dhammesu nittham gacchatiti tasmim desitadhamme ekaccam pativedhadhammam abhinnaya tena @Footnote: ¹ milinda. 5/396 rukkhangapanha. atthato samanam (parivattipotthaka) @² cha.Ma. ayam patho na dissati ³ cha.Ma. so hi ⁴ cha.Ma. gacchamiti @⁵ cha.Ma. panitataranca Abhinnatena ^1- pativedhadhammena desanadhamme nittham gacchati. Satthari pasidatiti evam dhamme nittham gantva bhiyyoso mattaya sammasambuddho so bhagavati satthari pasidati. Tena pana bhagavata yo dhammo akkhato, sopi svakkhato bhagavata dhammo niyyanikatta, yvassa tam dhammam patipanno samgho, sopi supatipanno vankadidosavirahitam patipadam patipannattati evam dhamme samghepi pasidati. Tanceti tam evam pasannam tattha tattha tinnam ratananam vannam kathentam bhikkhum. [490] Imehi akarehiti imehi satthuvimamsanakaranehi. Imehi padehiti imehi akkharasampindanapadehi. Imehi byanjanehiti imehi idha vuttehi akkharehi. Saddha nivitthati okappana patitthita. Mulajatati sotapattimaggavasena sanjatamula. Sotapattimaggo hi saddhaya mulam nama. Akaravatiti karanam pariyesitva gahitatta sakarana. ^2- Dassanamulikati sotapattimaggamulika. So hi dassananti vuccati. Dalhati thiRa. Asamhariyati haritum na sakka. Samanena vati samitapapasamanena va. Brahmanena vati bahitapapabrahmanena va. Devena vati upapattidevena va. Marena vati vasavattimarena va, sotapannassa hi vasavattimarenapi saddha asamhariya hoti surambatthassa viya. ^3- So kira satthu dhammadesanam sutva sotapanno hutva geham agamasi. ^4- Atha maro dvattimsavaralakkhanappatimanditam buddharupam mapetva tassa gharadvare thatva "sattha agato"ti sasanam pahini. Suro cintesi "aham idaneva satthu santika dhammam sutva agato, kim nu kho bhavissati"ti upasankamitva satthusannaya vanditva atthasi. Maro aha "surambattha yam te maya rupam aniccam .pe. Vinnanam aniccanti kathitam, dukkathitam ^5- anupadharetvava sahasa maya evam vuttam, tasma tvam rupam niccam .pe. Vinnanam niccanti ganhahi"ti. Suro cintesi "atthanametam, yam buddha anupadharetva apaccakkham katva kinci katheyyum, addha ayam mayham vibadhanattham maro agato"ti. Tato nam tvam maroti ^6- aha. So musavadam @Footnote: ¹ cha.Ma. ayam patho na dissati ² Ma. pakaravati ³ Ma. suramutthassa viya @⁴ cha.Ma. agato ⁵ cha.Ma. tam ⁶ Si. nanu tvam maroti Katum nasakkhi, ama marosmiti patijani. Kasma agatositi vutte tava saddhacalanatthanti aha. Kanha papima tvam tava ekako tittha, tadisanam maranam satampi sahassampi mama saddham caletum asamattham, maggena agatasaddha nama silapathaviyam patitthitasineru viya acala hoti, kim tvam etthati accharam pahari. So thatum asakkonto tatthevantaradhayi. Brahmuna vati brahmakayikadisu annatarabrahmuna va. Kenaci va lokasminti ete samanadayo thapetva annenapi kenaci va lokasmim haritum sakka. Dhammasamannesanati sabhavasamannesana. Dhammatasusamannitthoti dhammataya susamannittho, sabhaveneva sutthu samannesito hotiti attho. Sesam sabbattha uttanamevati. Papancasudaniya majjhimanikayatthakathaya vimamsakasuttavannana nitthita. ------------

The Pali Atthakatha in Roman Book 8 page 286-297. http://84000.org/tipitaka/atthapali/read_rm.php?B=8&A=7327&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=8&A=7327&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=12&i=535 เนื้อความพระไตรปิฎกฉบับหลวง :- http://84000.org/tipitaka/read/r.php?B=12&A=9904 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=12&A=11655 The Pali Tipitaka in Roman Character :- http://84000.org/tipitaka/read/roman_read.php?B=12&A=11655 Contents of The Tipitaka Volume 12 http://84000.org/tipitaka/read/?index_12