ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 9 : PALI ROMAN Ma.A. (papa–ca.3)

                          4. Mahamalunkyasuttavannana
      [129] Evamme sutanti mahamalunkyasuttam. Tattha orambhagiyaniti
hetthakotthasikani kamabhave nibbattisamvattanikani. Samyojananiti bandhanani.
Kassa kho namati kassa devassa va manussassa va desitani dharesi, kim
tvameveko assosi, na anno kociti. Anusetiti appahinataya anuseti.
Anusayamano samyojanam nama hoti.
      Ettha ca bhagavata samyojanam pucchitam, therenapi samyojanameva byakatam.
Evam santepi kassa 1- vade bhagavata doso aropito. So kasmati ce. Therassa
tathaladdhikatta. Ayam hi tassa laddhi "samudacarakkhaneyeva kilesehi samyutto
nama hoti, itarasmim khane asamyutto"ti. Tenassa bhagavata doso aropito.
Athayasma anando cintesi "bhagavata bhikkhusamghassa dhammam desissamiti attano
dhammatayeva ayam dhammadesana araddha, sa imina apanditenapi 2- bhikkhuna
visamvadita, handaham bhagavantam yacitva bhikkhunam dhammam desessami"ti. So
evamakasi. Tam dassetum "evam vutte ayasma anando"tiadi vuttam.
      Tattha sakkayaditthipariyutthitenati sakkayaditthiya gahitena abhibhutena.
Sakkayaditthiparetenati sakkayaditthiya anugatena. Nissarananti ditthinissaranam
nama nibbanam, tam yathabhutam nappajanati. Appativinitati avinodita anihata.
Orambhagiyasamyojananti hetthabhagiyasamyojanam nama hoti. Sesapadesupi eseva
nayo. Sukkapakkho uttanatthoyeva. "sanusaya pahiyati"ti vacanato panettha
ekacce "annam sannojanam, anno anusayo"ti vahanti. Yatha hi "sabyanjanam
bhattan"ti vutte bhattato annam byanjanam hoti, evam "sanusaya"ti vacanato
pariyutthanasakkayaditthito annena anusayena bhavitabbanti tesam laddhi. Te
"sasisam parupitva"tiadihi patikkhipitabba. Na hi sisato anno puriso atthi.
Athapi siya "yadi tadeva samyojanam so anusayo, evam sante bhagavata therassa
@Footnote: 1 cha.Ma. tassa                          2 cha.Ma. apanditena
Tarunupamo uparambho duaropito hoti"ti. Na duaropito, kasma?
evamladdhikattati vittharitametam. Tasma soyeva kileso bandhanatthena samyojanam,
appahinatthena anusayoti idamattham sandhaya bhagavata "sanusaya pahiyati"ti evam
vuttanti veditabbam.
      [132] Tacam chetvatiadisu idam opammasamsandanam:- tacacchedo viya hi
samapatti datthabba, pheggucchedo viya vipassana, saracchedo viya maggo.
Patipada pana lokiyalokuttaramissakava vattati. Evamete datthabbati evarupa
puggala evam datthabba.
      [133] Upadhivivekati upadhivivekena. Imina pancakamagunaviveko kathito.
Akusalanam dhammanam pahanayati imina nivaranappahanam kathitam. Kayadutthullanam
patipassaddhiyati imina kayalasiyapatipassaddhi kathita. Vivicceva kamehiti
upadhivivekena kamehi vina hutva. Vivicca akusalehiti akusalanam dhammanam pahanena
kayadutthullanam patipassaddhiya ca akusalehi vina hutva. Yadeva tattha hotiti yam
tattha 1- antosamapattiyam samapattikkhane ceva 1- samapattisamutthitanca
rupadidhammajatam hoti. Te dhammeti te rupagatantiadina nayena vutte rupadayo dhamme.
Aniccatoti na niccato. Dukkhatoti na sukhato. Rogatotiadisu abadhatthena
rogato, antodosatthena gandato, anupavitthatthena dukkhajananatthena ca sallato,
dukkhatthena aghato, rogatthena abadhato, asakatthena parato, palujjanatthena
palokato, nissattatthena sunnato, na attatthena anattato. Tattha aniccato
palokatoti dvihi padehi aniccalakkhanam kathitam, dukkhatotiadihi chahi dukkhalakkhanam,
parato sunnato anattatoti tihi anattalakkhanam.
      So tehi dhammehiti so tehi evam tilakkhanam aropetva ditthehi
antosamapattiyam pancakkhandhadhammehi. Cittam patipadetiti 2- cittam patisampadeti 3-
@Footnote: 1-1 cha.Ma. antosamapattikkhaneyeva   2 Ma. patitthapetiti cha. pativapetiti
@3 cha.Ma. patisamharati
Moceti apaneti. Upasamdaratiti vipassanacittam tava savanavasena thutivasena
pariyattivasena pannattivasena ca santam 1- nibbananti evam asankhataya amataya
dhatuya upasamharati. Maggacittam nibbanam arammanakaranavaseneva etam santam etam
panitanti na evam vadati, imina pana akarena tam pativijjhanto tattha cittam
upasamharatiti attho. So tattha thitoti taya tilakkhanarammanaya vipassanaya
thito. Asavanam khayam papunatiti anukkamena cattaro magge bhavetva papunati.
Teneva dhammaragenati samathavipassanadhamme chandaragena. Samathavipassanasu hi
sabbaso chandaragam pariyadatum sakkonto arahattam papunati, asakkonto
anagami hoti.
      Yadeva tattha hoti vedanagatanti idha pana rupam na gahitam. Kasma?
Samatikkantatta. Ayam hi hettha rupavacarajjhanam samapajjitva rupam atikkamitva
arupavacarasamapattim samapannoti samathavasenapinena rupam atikkantam, hettha rupam
sammadeva sammasitva tam atikkamma idani arupam sammasatiti vipassanavasenapinena
rupam atikkantam. Arupe pana sabbasopi rupam natthiti tam sandhayapi idha rupam na
gahitam, 2- samma na gahitam. 2-
      Atha kincarahiti kim pucchamiti pucchati? samathavasena gacchato cittekaggata
dhuram hoti, so cetovimutto nama. Vipassanavasena gacchato panna dhuram hoti,
so pannavimutto namati ettha therassa kankha natthi. Ayam sabhavadhammoyeva,
samathavaseneva pana gacchantesu eko cetovimutto nama hoti, ekopannavimutto.
Vipassanavasena gacchantesupi eko pannavimutto nama hoti, eko ceto vimuttoti
ettha kim karananti pucchati.
      Indriyavemattatam vadamiti indriyananattatam vadami. Idam vuttam hoti,
na tvam ananda dasa paramiyo puretva sabbannutam 3- pativijjhi, tena te
etam apakatam. Aham pana pativijjhim, tena me etam pakatam. Ettha hi
@Footnote: 1 cha.Ma. ca etam santam       2-2 cha.Ma. ime patha na dissanti    3 Si. sabbantam
Indriyananattata karanam. Samathavaseneva hi gacchantesu ekassa bhikkhuno
cittekaggata dhuram hoti, so cetovimutto nama hoti. Ekassa panna dhuram
hoti, so pannavimutto nama hoti. Vipassanavaseneva ca gacchantesu ekassa
panna dhuram hoti, so pannavimutto nama hoti. Ekassa cittekaggata dhuram
hoti, so cetovimutto nama hoti. Dve aggasavaka samathavipassanadhurena
arahattam patta. Tesu dhammasenapati pannavimutto jato, mahamoggallanatthero
cetovimutto. Iti indriyavemattam ettha karananti veditabbam. Sesam sabbattha
uttanamevati.
                    Papancasudaniya majjhimanikayatthakathaya
                    mahamalunkyasuttavannana nitthita.
                              Catuttham.
                         --------------



             The Pali Atthakatha in Roman Book 9 page 107-110. http://84000.org/tipitaka/atthapali/read_rm.php?B=9&A=2695&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=9&A=2695&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=13&i=153              เนื้อความพระไตรปิฎกฉบับหลวง :- http://84000.org/tipitaka/read/r.php?B=13&A=2814              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=13&A=3144              The Pali Tipitaka in Roman Character :- http://84000.org/tipitaka/read/roman_read.php?B=13&A=3144              Contents of The Tipitaka Volume 13 http://84000.org/tipitaka/read/?index_13

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]