|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
7. Catumasuttavannana [157] Evamme sutanti catumasuttam. Tattha catumayanti evamnamake game. Pancamattani bhikkhusataniti adhuna pabbajitanam bhikkhunam pancasatani. Thera kira cintesum "ime kulaputta dasabalam adisvava pabbajita, etesam bhagavantam dassissama, bhagavato santike dhammam sutva attano attano yathaupanissayena patitthahissanti"ti. Tasma te bhikkhu gahetva agata. Patisammodamanati "kaccavuso khamaniyan"tiadi patisantharakatham kurumana. Senasanani pannapayamanati attano attano acariyupajjhayanam vasanatthanani pucchitva dvaravatapanani vivavitva mancapithakatasarakadini niharitva pappothetva 1- yathatthane thapayamana. 2- Patta civarani patisamayamanati bhante idam me pattam thapetha, idam civaram, idam thalakam. Idam udakatumbam, imam kattarayatthinti evam samanaparikkhare sangopayamana. Uccasadda madasaddati uddham uggatatta uccam patthatatta mahantam avinibbhogasaddam karonta. Kevatta manne macchavilopeti kevattanam macchapacchithapitatthane mahajano sannipatitva "idha annam ekam maccham dehi, ekam macchaphalam dehi, etassa te maha dinno, mayham khuddako"ti evam uccasaddam mahasaddam karonti. Tampi sandhayetam vuttam. Macchagahanattham jale pakkhittepi tasmim thane kevatta ceva anne ca "pavittho na pavittho, gahito na gahito"ti mahasaddam karonti. Tampi sandhayetam vuttam. Panamemiti niharami. Na vo mama santike vattabbanti tumhe madisassa buddhassa vasanatthanam agantva evam mahasaddam karotha, attano dhammataya vasanta kim nama saruppam karissatha, tumhadisanam mama santike vasanakiccam natthiti dipeti. Tesu ekabhikkhupi "bhagava ma 3- tumhe mahasaddamattakena amhe panametha"ti va annam va kinci vattum nasakkhi, sabbe bhagavato vacanam sampaticchanta "evam bhante"ti @Footnote: 1 cha.Ma. papphotetva 2 cha.Ma. santhapayamana 3 cha.Ma. ayam saddo na dissati--------------------------------------------------------------------------------------------- page129.
Vatva nikkhamimsu. Evam pana tesam ahosi "mayam sattharam passissama, dhammakatham sossama, satthu santike vasissamati agata, evarupassa pana garuno satthu santikam agantva mahasaddam karimha, amhakameva dosoyam, panamitamha, na no laddham bhagavato santike vatthum, na suvannavannam sariram oloketum, na madhurassarena dhammam sotun"ti. Te balavadomanassajata hutva pakkamimsu. [158] Tenupasankamimsuti te kira sakya agamanasamayepi te bhikkhu tattheva nisinna passimsu. Atha nesam etadahosi "kim nu kho ete bhikkhu pavisitva patinivatta, janissama tam karanan"ti cintetva yena te bhikkhu tenupasankamimsu. Handati vavassaggatthe nipato. Kaham pana tumheti tumhe idaneva agantva kaham gacchatha, kim tumhakam koci upaddavo udahu dasabalassati. Tesam pana bhikkhunam "avuso 1- mayam bhagavantam dassanaya agantva, dittho no bhagava, idani attano vasanatthanam gacchama"ti kincapi evam vacanapariharo natthi, evarupam pana lesakappam akatva yathabhutameva arocetva bhagavata kho avuso bhikkhusamgho panamitoti ahamsu. Te pana rajano sasane dhuravaha, tasma cintesum "dvihi aggasavakehi saddhim pancasu bhikkhusatesu gacchantesu bhagavato padamulam vigacchissati, imesam nivattanakaram karissama"ti. Evam cintetva tenahayasmantotiadimahamsu. Tesupi bhikkhusu "mayam mahasaddamattakena panamita, na mayam jivitum asakkonta pabbajita"ti ekabhikkhupi patippharito nama nahosi, sabbe pana samakamyeva "evamavuso"ti sampaticchimsu. [159] Abhinandatuti bhikkhusamghassa agamanam icchanto abhinandatu. Abhivadatuti etu bhikkhusamghoti evam cittam uppadento abhivadatu. Anuggahitoti amisanuggahena ca dhammanuggahena ca anuggahito. Annathattanti dasabalassa dassanam na labhamati pasadannathattam bhaveyya. Viparinamoti pasadannathattena vibbhamantanam viparinamannathattam bhaveyya. Bijanam tarunananti tarunasassanam. Siya annathattanti udakavarakale udakam alabhantanam milatabhavena annathattam bhaveyya, sussitva @Footnote: 1 Si. amavuso--------------------------------------------------------------------------------------------- page130.
Milatabhavam apajjanena viparinamo bhaveyya. Vacchakassa pana khirapipasaya sussanam annathattam nama, sussitva kalakiriya viparinamo nama. [160] Pasadito bhagavati thero kira tattha nisinnova dibbacakkhuna brahmanam agatam addasa, dibbaya sotadhatuya ca ayacanasaddam suni, cetopariyananena bhagavato pasannabhavam annasi. Tasma "kanci bhikkhum pesetva pakkosiyamananam gamanam nama na phasukam, yava sattha na peseti, tavadeva gamissama"ti mannamano evamaha. Appossukkoti annesu kiccesu anussukko hutva. Ditthadhammasukhaviharanti phalasamapattiviharam anuyutto manne bhagava viharitukamo, so idani yatharuciya viharissati 1- evam me ahositi vadati. Mayampidaniti mayam param ovadamana viharato nikkaddhita, kim amhakam parovadena. Idani mayampi ditthadhammasukhavihareneva viharissamati dipeti. Thero imasmim thane viruddho 2- attano bharabhavam na annasi. Ayam hi bhikkhusamgho dvinnampi mahatheranam bharo, tena nam patisedhento bhagava agamehitiadimaha. Mahamoggallanatthero pana attano bharabhavam annasi. Tenassa bhagava sadhukaram adasi. [161] Cattarimani bhikkhaveti kasma arabhi? imasmim sasane cattari Bhayani. Yo tani abhito hoti, so imasmim sasane patitthatum sakkoti, itaro pana na sakkotiti dassetum imam desanam arabhi. Tattha udakorohanteti udakam orohante puggale. Kumbhilabhayanti sumsumarabhayam. Susukabhayanti candamacchabhayam. [162] Kodhupayasassetam adhivacananti yatha hi bahiram udakam otinno umisu osiditva marati, evam imasmim sasane kodhupayase osiditva vibbhamati. Tasma kodhupayaso "umibhayan"ti vutto. [163] Odarikattassetam adhivacananti yatha hi bahiram udakam otinno kumbhilena khadito marati, evam imasmim sasane odarikattena khadito vibbhamati. Tasma odarikattam "kumbhilabhayan"ti vuttam. @Footnote: 1 cha.Ma. viharissatiti 2 cha.Ma. viraddho--------------------------------------------------------------------------------------------- page131.
[164] Arakkhiteneva kayenati sisappacalakadikaranena arakkhitakayo hutva. Arakkhitaya vacayati dutthullabhasanadivasena arakkhitavaco hutva. Anupatthitaya satiyati kayagatasatim anupatthapetva. Asamvutehiti apihitehi. Pancannetam kamagunanam adhivacananti yatha hi bahiram udakam otinno avatte nimmujjitva marati, evam imasmim sasane pabbajito pancakamagunavatte nimujjitva vibbhamati. Tasma pancakamaguna "avattabhayan"ti vutta. [165] Anuddhamsetiti kilameti milapeti. Raganuddhamsenati raganuddhamsitena. Matugamassetam adhivacananti yatha hi bahiram udakam otinno candamaccham agamma laddhappaharo marati, evam imasmim sasane matugamam agamma uppannakamarago vibbhamati. Tasma matugamo "susukabhayan"ti vutto. Imani pana cattari bhayani bhayitva yatha udakam anorohantassa udakam nissaya anisamso natthi, udakapipasaya pipasito ca 1- hoti rajojallena kilitthasariro ca, 2- evameva imani cattari bhayani bhayitva sasane apabbajantassapi imam sasanam nissaya anisamso natthi, tanhapipasaya pipasito ca hoti kilesarajena sankilitthacitto ca. Yatha pana imani cattari bhayani abhayitva udakam orohantassa vuttappakaro anisamso hoti. Evam imani abhayitva sasane pabbajitassapi vuttappakaro anisamso hoti. Thero panaha "cattari bhayani bhayitva udakam anotaranto sotam chinditva paratiram papunitum na sakkoti, abhayitva otaranto sakkoti, evameva bhayitva sasane pabbajantopi tanhasotam chinditva nibbanaparam datthum na sakkoti, abhayitva pabbajanto pana sakkoti"ti. Sesam sabbattha uttanameva. Ayam pana desana neyyapuggalassa vasena nitthapitati. Papancasudaniya majjhimanikayatthakathaya catumasuttavannana nitthita. Sattamam. @Footnote: 1 Si. pipasito va 2 Si. kilitthasariro vaThe Pali Atthakatha in Roman Book 9 page 128-131. http://84000.org/tipitaka/atthapali/read_rm.php?B=9&A=3220&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=9&A=3220&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=13&i=186 เนื้อความพระไตรปิฎกฉบับหลวง :- http://84000.org/tipitaka/read/r.php?B=13&A=3508 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=13&A=3949 The Pali Tipitaka in Roman Character :- http://84000.org/tipitaka/read/roman_read.php?B=13&A=3949 Contents of The Tipitaka Volume 13 http://84000.org/tipitaka/read/?index_13
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]