ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 9 : PALI ROMAN Ma.A. (papa–ca.3)

                        8. Nalakapanasuttavannana
      [166] Evamme sutanti nalakapanasuttam. Tattha nalakapaneti evamnamake
game. Pubbe kira amhakam bodhisatto vanarayoniyam nibbatto, mahakayo
kapiraja anekavanarasahassaparivuto pabbatapade vicarati. Punnava 1- kho pana
hoti mahapanno. 2- So parisam evam ovadati "tata imasmim pabbatapade
visaphalani nama honti, amanussapariggahita pokkharaniyo nama honti, tumhe
pubbe khaditapubbaneva phalani khadatha, pitapubbaneva paniyani ca pivatha,
ettha vo mam patipucchitabbakiccam natthi, akhaditapubbani pana phalani apitapubbani
ca paniyani mam apucchitva ma khadittha ma pivittha"ti.
      Te ekadivasam caramana annam pabbatapadam gantva gocaram gahetva
paniyam olokenta ekam amanussapariggahitam pokkharanim disva sahasa apivitva
samanta parivaretva mahasattassa agamanam olokayamanapi 3- nisidimsu.
Mahasatto agantva "kim tata paniyam na pivatha"ti aha. Tumhakam agamanam
olokemati. Sadhu tatati samanta padam pariyesamano otinnapadamyeva addasa, na
uttinnapadam, disva saparissayati annasi. Tavadeva ca tattha abhinibbattaamanusso
udakam dvedha katva utthasi setamukho nilakucchi rattahatthapado mahadathiko
vankapatho virupo bibhaccho udakarakkhaso, so evamaha "kasma paniyam na
pivatha, madhuraudakam pivatha, kim tumhe etassa vacanam sunatha"ti. Mahasatto aha
"tvam idha adhivattho amanusso"ti. Ama ahanti. Tvam idha otinne labhasiti.
Ama labhami, tumhe pana sabbe khadissamiti. Na sakkhissasi yakkhati. Paniyam
pana pivissathati. Ama pivissamati. Evam sante ekopi vo na muccissatiti.
Paniyanca pivissama, na ca te vasam gamissamati ekam nalam aharapetva
kotiyam gahetva dhami. Sabbo 4- ekacchiddo ahosi, tire nisiditvava paniyam
@Footnote: 1 cha.Ma. pannava        2 cha.Ma. mahapunno        3 cha.Ma. pi-saddo na dissati
@4 Ma. pabbo
Pivi. Sesavanaranam patiyekke nale aharapetva dhamitva adasi. Sabbe
yakkhassa passantasseva paniyam pivimsu. Vuttampi cetam:-
                "disva padamanuttinnam      disvanotaritam padam
                 nalena varim pivissama 1- neva mam tvam vadhissasi"ti. 2-
     Tato patthaya yava ajjadivasa tasmim thane nala ekacchiddava honti. Imina
hi saddhim imasmim kappe cattari kappatthiyapatihariyani nama:- cande sasabimbam
vattakajatakamhi saccakiriyatthane aggissa gamanupacchedo, ghatikarakumbhakarassa
matapitunam vasanatthane devassa avassanam, tassa pokkharaniya tire nalanam
ekacchiddabhavoti. Iti sa pokkharani nalena paniyassa pitatta nalakapanati
namam labhi. Aparabhage tam pokkharanim nissaya gamo patitthasi, tassapi
nalakapanantveva namam jatam. Tam sandhaya vuttam "nalakapane"ti. Palasavaneti
kimsukavane.
      [167] Taggha mayam bhanteti ekamseneva mayam bhante abhirata. Annepi
ye tumhakam sasane abhiramanti, te amhehi sadisava hutva abhiramantiti dipeti.
      Neva rajabhinitatiadisu eko ranno aparadham katva palayati, raja
kuhim bho asukoti. Palato devati. Palatatthanepi me na muccissati, sace
pana pabbajeyya, mucceyyati vadati. Tassa kocideva suhado gantva tam pavuttim
arocetva tvam sace jivitumicchasi, pabbajahiti. So pabbajitva jivitam rakkhamano
carati. Ayam rajabhinito nama.
      Eko pana coranam mulam chindanto carati. Cora sutva "purisanam
atthikabhavam na jananti, janapessama nan"ti vadanti. So tam pavuttim sutva
palayati. Cora palatoti sutva "palatatthanepi no na muccissati, sace pana
pabbajeyya, mucceyya"ti vadanti. So tam pavuttim sutva pabbajati. Ayam
corabhinito nama.
@Footnote: 1 Ma. payami, cha. pissami           2 khu. ja. 27/20/7 nalapanajataka (sya)
      Eko pana bahum inam khaditva tena inena atto pilito tamha
gama palayati. Inasamika sutva "palatatthanepi no na muccissati, sace
pana pabbajeyya, mucceyya"ti vadanti. So tam pavuttim sutva pabbajati. Ayam
inatto nama.
      Rajabhayadinam pana annatarena bhayena bhito atto aturo hutva
nikkhamma pabbajito bhayatto nama. Dubbhikkhadisu jivitum asakkonto pabbajito
ajivikapakato nama, ajivikaya pakato abhibhutoti attho. Imesu pana ekopi
imehi karanehi pabbajito nama natthi, tasma "neva rajabhinita"tiadimaha.
      Vivekanti vivicca vivitto hutva. Idam vuttam hoti:- yam kamehi ca
akusaladhammehi ca vivittena pathamadutiyajjhanasankhatam pitisukham adhigantabbam, sace
tam vivicca kamehi vivicca akusalehi dhammehi pitisukham nadhigacchati, annam va
upari dvinnam jhananam catunnanca magganam vasena santataram sukham nadhigacchati, tassa
ime abhijjhadayo cittam pariyadaya titthantiti. Tattha aratiti adhikusalesu dhammesu
ukkanthitata. Tanditi alasiyabhavo. Evam yo pabbajitva pabbajitakiccam katum
na sakkoti, tassa ime satta papadhamma uppajjitva cittam pariyadiyantiti
dassetva idani yassa te dhamma cittam pariyadaya titthanti, soyeva
samanakiccampi katum na sakkotiti puna vivekam anuruddha .pe. Annam va tato
santataranti aha.
      Evam kanhapakkham dassetva idani teneva nayena sukkapakkham dassetum
puna vivekantiadimaha. Tassattho vuttanayeneva veditabbo.
      [168] Sankhayati janitva. Ekanti ekaccam. Patisevatiti sevitabbayuttakam
sevati. Sesapadesupi eseva nayo. Upapattisu byakarotiti sappatisandhike tava
byakarotu appatisandhike katham byakarotiti. Appatisandhikassa punabbhave patisandhi
natthiti vadanto upapattisu byakaroti nama.
      Janakuhanatthanti janavimhapanattham. Janalapanatthanti mahajanassa upalapanattham
na iti mam jano janatuti evam mam mahajano janissati, evam me mahajanassa
antare kittisaddo uggacchissatiti iminapi karanena na byakarotiti attho.
Ularavedati mahantatutthino.
      [169] So kho panassa ayasmati so parinibbuto ayasma imassa
thitassa ayasmato. Evamsilotiadisu lokiyalokuttaramissakava siladayo veditabba.
Evamdhammoti ettha pana samadhipakkhika dhamma dhammati adhippeta. Phasuviharo
hotiti tena bhikkhuna puritapatipattim purentassa arahattaphalam sacchikatva
phalasamapattiviharena phasuviharo hoti, arahattam pattum asakkontassa patipattim
purayamanassa caratopi phasuviharoyeva nama hoti. Imina nayena sabbavaresu
attho veditabboti.
                    Papancasudaniya majjhimanikayatthakathaya
                      nalakapanasuttavannana nitthita.
                              Atthamam.
                       ------------------



             The Pali Atthakatha in Roman Book 9 page 132-135. http://84000.org/tipitaka/atthapali/read_rm.php?B=9&A=3320&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=9&A=3320&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=13&i=195              เนื้อความพระไตรปิฎกฉบับหลวง :- http://84000.org/tipitaka/read/r.php?B=13&A=3667              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=13&A=4143              The Pali Tipitaka in Roman Character :- http://84000.org/tipitaka/read/roman_read.php?B=13&A=4143              Contents of The Tipitaka Volume 13 http://84000.org/tipitaka/read/?index_13

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]